كافحت لدخول الطب

[جوليا]

المحور
ياريت فيه هندسه
كان دخلت هندسه الكترونيااات

[مايلي]

المشاركة الأصلية كتبت بواسطة جوليا يالله مايلي زكرتيني بالحلم المنتظر والبعيد انا تركت جامعه مكه وهي قبلتني طب بس اهلي رفضوو تعرفين المواصلات وانا كنت خطه ب ومعدلي زفت يعني مهدده بالطرد زكرتيني بحلمي البعيد كل مااتدكره يجيني حزن فضيع بس مااقول الا حسبي الله ونعم الوكيل دمتي بود

اهلين جوليا ابغى اقلك انو ام القرى جامعة الكدابين حتى انا رشحوني طب عندهم ولمن روحت الجامعه موضفات قليلات ادب يعاملوا البنات زي الغنم بالسب بكلام ماينقال في جامعة محترمه
ويتلاعبو بالتسجيل كل ما جات ام سلمت على موضفه دخلوه بنتها على الختم النهائي ولا ازيدك كمان قفلوا الطب بدري ولا جامعة تمتلي بساعه ويقولوا خلاص اقعدو مافي تخصص وكلنا معدلاتنا عاليه
ومارضيو يدخلونا اي قسم طبي زي العلوم الطبيه وزميلاتي اقل مني بعشر نسب دخلوا قدامي ليش لانهم ماقدموا طب قدموا صيدله على حسب الي مكتوب في الورقه ندخلكي انا ماقدرت استحمل الوضع وجيت على جامعة جده في نفس اليوم وقبلوني بسرعه مع انو جامعة ام القرى ربع ساعه وانا في بيتي
عشان كده قولي الحمدلله انك ماروحتيلهم ولا كان سو فيكي المنكح زي والله ولا جامعه في السعوديه قد سمعنا انو تختاري تخصص واحد حتى في كلية التربيه يعطونهم ثلاث اختيارات

ويسلموا على المرور

[dr.CILIA]

وعليكم السلام ورحمة الله
كيفكم ياحلوين؟ ان شاءالله أموركم تمااام
الله يوفقكم ويبلغ كل واحد مراده......امين

احنا على ايامنا..(طبعا من زمااااااان)كانت الامور والحمدلله ميسره وماكان في اي مشاكل أو تعقيدات بالنسبة للتسجيل

والقبول يعتمد على الاختبار التحصيلي ورغباتك والمعدل اللي محددته الجامعه..

والحمدلله اتيسرت ودخلنا..صحيح الواحد كان في قلق وخوف بس الأمل في الله كبير وربنا مايقدر على الإنسان إلا الخير

بس احنا ماندري ويمكن لو كنت ماأنقبلت في المكان اللي ابغاه كنت راح اتأزم نفسيا بس الحمدلله ربنا كريم

وبعدين ترى المشكله تبدأ بعد ماتنقبل صحيح الواحد يستخير قبل كل خطوة بس في أشياء كتير بانت بعدين لما انخرطنا في الدراسه بس كله يهون (طالما احنا بنحاول جهدنا)..

المهم طولنا عليكم الله ييسرلكم ويختار لكم الأنفع ان شاءالله

لاتنسونا من دعواتكم..

[مُنى ~]

آلله يوفقّكم يآ’ربً ,
ويكتبّ لكُم اللي فيه الخيّر ,
وييسًر الطريقّ قدآمكُم

=)

[Dr .marwa]

سبحان الله كل واحد يتمنى بس مو كل اللي يتمنى يلاقيه انا دخلت طب وانا عمري مافكرت فيه جاني لحدي

[masha3er]

السـلام عليكم ..

صراحه ماكانت في ذيك الصعوبه اهم شي الدرجات والمعدل وان شاء الله كل الامور تساهيل ..
ماعليكم الا تشدوا حيلكم وتتوكلوا على الله .. وتسألوه الخيره ..

موفقين بأذن الله ..

أختـكم .

[no0oni]

ليس كل ما يتمناه المرء يدركه .... تجري الرياح بما لاتشتهي السفن
ما ابغى احطم احد بس الواحد يرضى بقدر الله
وان شاء الله يا رب يا رب وهوا الله اللي قادر على كل شي ان كل واحد فينا يدخل الكلية اللي يبغاها
وكل المعاناة هادي اللي احنا فيها تسير ذكريات نفتكرها ونقعد نضحك...

[~Sm!le ^_^ Face~]

انا تركت جامعه مكه وهي قبلتني طب بس اهلي رفضوا

ممكن اسألك وجاوبيني بليز محتاجه ردك مرررررررره ردك حيتقرر عليه اشياء كثير

كم كانت نسبتك في الثانوية العامه ؟

[Dr-A]

المشاركة الأصلية كتبت بواسطة مايلي اهلين جوليا ابغى اقلك انو ام القرى جامعة الكدابين حتى انا رشحوني طب عندهم ولمن روحت الجامعه موضفات قليلات ادب يعاملوا البنات زي الغنم بالسب بكلام ماينقال في جامعة محترمه ويتلاعبو بالتسجيل كل ما جات ام سلمت على موضفه دخلوه بنتها على الختم النهائي ولا ازيدك كمان قفلوا الطب بدري ولا جامعة تمتلي بساعه ويقولوا خلاص اقعدو مافي تخصص وكلنا معدلاتنا عاليه ومارضيو يدخلونا اي قسم طبي زي العلوم الطبيه وزميلاتي اقل مني بعشر نسب دخلوا قدامي ليش لانهم ماقدموا طب قدموا صيدله على حسب الي مكتوب في الورقه ندخلكي انا ماقدرت استحمل الوضع وجيت على جامعة جده في نفس اليوم وقبلوني بسرعه مع انو جامعة ام القرى ربع ساعه وانا في بيتي عشان كده قولي الحمدلله انك ماروحتيلهم ولا كان سو فيكي المنكح زي والله ولا جامعه في السعوديه قد سمعنا انو تختاري تخصص واحد حتى في كلية التربيه يعطونهم ثلاث اختيارات ويسلموا على المرور

أموت فيكي أنا أخيرآ لقيت أحد مثلي .. قالولي إنقبلت طب ولما رحت ماقبلوني مع على فكره ثاني يوم قبلو المعدلات الموزونه إللي كانت موجوده لين 83 يعني تعدونا بكثييييييييييير ...

ماأقول غير..
أبكي على ماجرالي ياأهلي ..
وقلبي بالطب أنا مبتلي ..
ولا حصل من يحل المشكله ..
مع حلمي والله مبتلي ..


>>>>>إنهبلت على نهاية السنه ..

[القلب الحنون2009]

إن شاء الله تحققي الي تبغيه بس شدي حيلك الا يبغه الشي يرحلو مويستنى يجيه ومافي شي مستحيل المستحيل كلمه في قاموس الفاشلين وإن شاء الله ربنا يوفقك ولاتنسي الدعاء الدعاء الدعاء لانو الدعاء سلاح فتاك واسف على الاطاله..............وشكرا