ارغب بترم صيفي في الفيصلية وأرجو منكم المساعدة

[7abeeba]

السلام عليكم
أنا طالبة تصميم داخلي بكلية التصاميم والفنون بالرحاب، قالولنا اللي تبغى ترم صيفي تاخده في الفيصلية
استفساري هو:
- اقدر اخد ثقافة 3 و 4 مع بعض؟ ومين ممكن تعمل لي دا الشي؟
- مين أفضل استاذة في مادة الثقافة 3؟
- ايش المواد الحرة اللي اقدر آخدها؟ بأيش تنصحوني؟ ومع مين؟

الله يسعدكم ويوفقني واياكم :)

[^__^]

و عليكم السلام ورحمة الله وبركاته
بالنسبة للثقافة ما اعتقد انه ممكن تاخذين 3&4 مع بعض لان نجاحك ف الاولى يأهلك للثانية
ثقافة 3 أ. فوزية خياط أ. أفنان الديباني أ. كلثوم
المواد الحرة قائمتها تختلف من ترم للثاني
هذي المواد حلوه بس لازم يكون عندك خلفية ف الانقلش
فرنسي و استماع وتحدث 1
أما هذي المواد لو نزلت لا تاخذيها
مادة أسس الجغرافيا الطبيعية
و مادة بيئة وصحة
لانها مرررا غلسة وترفع الضغط وطويييلة و ف النهاية ما نستفيد منها في مجال التخصص
واي مواد رقمها 300 وشي او 400 وشي
لانها تكون متعمقة ف التخصص
الاضافة اظنها من الشؤون التعليمية
وبالتوفيق

[MS.Fabulous]

زي ماقالت ^_^
ثقافه 3 و4 ماينفع مع بعض
افضل استاذات الثقافه شمايل الرفاعي,فوزيه خياط
الحر كل مره تتغير القائمه وفي الصيفي تكون المواد اقل
بالتوفيق

[7abeeba]

المشاركة الأصلية كتبت بواسطة ^__^ فرنسي و استماع وتحدث 1

كنت انجليزي الترم الأول في السليمانية وكرهت نفسي صراحة كانوا مستقديلنا والأسئلة سم يالطيف، وخايفة اخد المادتين دول واورط فيهم كمان :\

[7abeeba]

المشاركة الأصلية كتبت بواسطة ms.fabulous الحر كل مره تتغير القائمه وفي الصيفي تكون المواد اقل بالتوفيق

طيب كيف أعرفها؟

[7abeeba]

المشاركة الأصلية كتبت بواسطة ^__^ الاضافة اظنها من الشؤون التعليمية وبالتوفيق

أما كدا! مو من الأوديس يعني؟ لإنو رغبات الترم الصيفي فتحت خلاص ع الأوديس
> كائن حاسس نفسو ملخبط أول مرة آخد ترم صيفي وكدا معليش استحملوني :$
وياكي يارب^^

[MS.Fabulous]

بما انك مو من الفيصليه يعني ماعندك مرشده يعني لازم تروحي الشؤون وهم يعطوك القائمه وانتي تختاري وهم يضيفو لك
والقائمه لسه مانزلت