.•.×||| معلومات عن الدورة الثانية للمواد الأتية |||× .•.

[تركي جدة]

بسم الله الرحمن الرحيم

الدوره بدأت يوم السبت 9/1/1431هـ يعني من خمسة ايام.

وكانت موادي على النحو التالي (pad221) نظرية التنظيم ، (pad312)تنمية موارد بشرية ، (pad321)سلوك تنظيمي ، (pad331)سياسة عامة وصناعة القرار ، (pad334)نظم المعلومات الادارية ، *(pad322)تطوير تنظيمي.

* للأسف مادة تطوير تنظيمي ما هي موجوده في الدورة الثانية وانا قرأت المادة وان شاء الله ما تخوف.




الدورة من المواد مبينه انها نظريه واول الايام للأسف اغلب الاساتذة يسترسل في المادة ويتحدث عن الموضوع ويخرج عن الموضوع والسبب لأن المواد نظرية.




نظرية التنظيم الدكتور اللي بيحط الاسئلة الدكتور ياسين شعبان ما حذف شي ولا قال ركزوا على شي معين وكل المحاضره كلام على الفاضي ، لكن بستمر معه على امل الاسبوع الجاي يبوح شي من اسرار المادة او يعطينا تلميحات عن الاشياء المهمه.


تنمية موارد بشرية الدكتور اللي بيحط الاسئلة الدكتور كمال فلمبان للأمانه ما حضرت الى الآن عند هالدكتور وان شاء الله احضر عنده باكر واعطيكم وشـ اللي يصير وبسال الطلاب اذا في شي ركز او حذفه الدكتور.


سلوك تنظيمي الدكتور اللي بيحط الاسئلة الدكتور عبدالعزيز جسنينه هي المادة الوحيدة اللي حسيت ان تواجدي كان له فائده معه الاستاذ اختصر الموضوع وقال في ملخص يُباع في خوارزمي وهو اللي ملخص المادة ولمح ان نركز على ملخصه . وانا بعد المحاضرة اشتريت ملخصه وكان قمة البساطة في الكتابة والاسلوب . الملخص كله 100 صفحة والخط كبير جداً يعني لو كان بالخط العادي يمكن ما تجي 20 صفحة.



سياسة عامة وصناعة القرار الدكتور اللي يحط الاسئلة الدكتور حامد الدوعان كلمته شخصياً بعد المحاضرة عن الاشياء المحذوفه قال الجزء الخامس ( مهنة دراسة السياسة العامة ) وفي موضوع في الجزء الرابع ( عقبات في سبيل الاستفادة من بحوث التقييم ) قال يعتبر قرآه وذا تحب تقراه اقراه ، وهم بعد ذكر اي موضوع يتكلم عن الكـويت محذوف لأن ندرس سياسة المملكة العربية السعودية وليست سياسة دولة الكويت.

نظم معلومات إدارية إدارية الدكتور اللي يحط الاسئلة الدكتور طلق السواط للأسف الدكتور في اول محاضرة بدأ في الفصل الخامس وبعدين راح لـ الفصل الثامن وبعدين الفصل الاول واحنا كلنا قاعدين نقلب صفحات الكتاب واللي يروح لـ الفهرس يشوف الدكتور يتكلم عن اي موضوع لكن كلنا مجتمعين في حالة واحدة وهي آنا كنا في حالة ذهول واستغراب ، هل المادة هذي نظم المعلومات الادارية والا مادة ثانية .
المهم الدكتور قال بصريح العباره اسئلتي من بين السطور بس على كلام طالب بعد المحاضرة ان الدكتور اسئلته مثل ما قال تعتمد على الكتاب ومن بين السطور.




طبعاً مادة تطوير التنظيمي ما كانت موجوده ضمن مواد الدورة حسيت اني انا الوحيد اللي اخذتها ..!!!




المهم اذا في آي شي استجد راح ابلغكم به...

[ابو عبدالله البرازي]

خلنا من هذا كله السالفه ماهي دورة السنترا وكيف نتعامل معها اذا كانت الكترونيا وماهو رابط الدخول عليها لاني سجلت ولكن لا اعرف ماذا تعني السنترا

[ليل التجافي]

أخوي تركي جده عن جد شكراً من الأعماق أخوي كفيت ووفيت انا تقريباً نفس موادك بس فرق نظرية التنظيم انا حكومة الكترونيه ومسوي خير فينا أخوي لأني عن جد لي اكثر من اسبوعين ادخل هنا ابي أعرف اخبار الدوره ولكن لا اخرج الا بالقليل القليل . موضوعك أثلج صدري وإلى الأمام أخوي وجعله الله في ميزان حسناتك
وعوأآأآأآأآأفي ...

[سطام الشتوي]

يعطيك العافية يالغالي وفي انتظار جديدك

اخوك

[سطام الشتوي]

في انتظار جديدك اخوي تركي


اخوك

[عبـدالعزيز]

سلوك تنظيمي الدكتور اللي بيحط الاسئلة الدكتور عبدالعزيز جسنينه هي المادة الوحيدة اللي حسيت ان تواجدي كان له فائده معه الاستاذ اختصر الموضوع وقال في ملخص يُباع في خوارزمي وهو اللي ملخص المادة ولمح ان نركز على ملخصه . وانا بعد المحاضرة اشتريت ملخصه وكان قمة البساطة في الكتابة والاسلوب . الملخص كله 100 صفحة والخط كبير جداً يعني لو كان بالخط العادي يمكن ما تجي 20 صفحة. سياسة عامة وصناعة القرار الدكتور اللي يحط الاسئلة الدكتور حامد الدوعان كلمته شخصياً بعد المحاضرة عن الاشياء المحذوفه قال الجزء الخامس ( مهنة دراسة السياسة العامة ) وفي موضوع في الجزء الرابع ( عقبات في سبيل الاستفادة من بحوث التقييم ) قال يعتبر قرآه وذا تحب تقراه اقراه ، وهم بعد ذكر اي موضوع يتكلم عن الكـويت محذوف لأن ندرس سياسة المملكة العربية السعودية وليست سياسة دولة الكويت.

جميل جدا اخوي تركي
افدتني وريحتني الله يوفقك ويجزاك خير ..

[هشام الحمدان]

يعطيك العافيه يا تركي جده تنمية الموارد البشريه رسبت فيها مرتين اقسم بالله ماده مكروهه وكانت عند دكتور طلعت السندي وذاحين عند الدكتور كمال فلمبان والله مو بعيد عن طلعت يمكن طلعت اهون بس تكفا في الملخص والمحذوف الله يرضى عليك انا غلبان من ها الماده وقلقان واذا فيه اسئله سابقه برضه يكون احسن

[تركي جدة]

آمــين .

وبالتوفيق لي ولـ الجميع.


بخصوص اللي يبغى يعرف عن سنترا

وانا اخوك يا بو عبدالله السنترا تحمل ملف ملخص عن المادة مسويه الدكتور لـكم بـس وين تلقاه وانا اخوك والله شي ما اعرفه والمفروض تكون محملها من بدري ، على العموم انصحك اخوي تتصل على ارقام كلية ادارة واقتصاد ادارة عامة وتسألهم كيف تحمل الملف . . ولو عندي شي افيدك فيه افدتك.

للي عندهم مادة نظرية التنظيم
مهم جداً الدكتور يقول الباب الرابع والخامس احفظ اسماء اصحاب النظريات وعن ايش تتكلم نظريته و إلى أي مدرسة ينتمي وهم بعد تحفظ النقاد وعلى ايش ركز في انتقاده لـ النظرية وما هي اهدافه وإلى اي مدرسة ينمتي وإذا عنده بديل لـ النظرية وشـ هي .
هذي زبدة الفصل الرابع والخامس الدكتور يقول سووا هالجدول كلها صحفة ونص على كل فصل وترتاح واسماء الفلاسفه 100% في الاختبار وهذا انا اقولها لكم ( كلام الدكتور )
وهم بعد قال اذا جاكم اختيارات ومن ضمن الاختيارات كاتب جميع الاجابات صحيح و جميع الاجابات خاطأ يقول الجواب الصح من هالاختياريين فقط لاني مستحيل اجيل لكم اختيار واحد صحيح واقول لك الاجابات جميعها صحيحه و جميعها خاطئه.

[تركي جدة]

هشام الحمداني
ما الومك وانا اخوك المادة تنكره حييييييييييييييل والشكوى لله.

الشيء المحذوف ما في كله معنا
وأنا اعتمدت على الله وثم الكتاب وعسى الله يسهلها لنا ويوفقنا من هالمادة

[محمد بن عامر]

هل فيه ملخص ممتاز لمادة سياسة عامة وصناعة القرار pad331

ياليت احد ينزله هنا لو سمحتوو