بحث عن الدراسات البصريه_ارجو من الي يعرف في امور الابحاث يدخل...ضروري الله يخليكم

[sagaf007]

السلام عليكم ورحمة الله وبركاته

خلينا ابدأ عالسريع وما اطول عليكم

انا طالب مستجد واخذت ماده اسمها la222

والدكتور طلب مننا بحث بعنوان الدراسات البصريه وتأثيرها على تخطيط المواقع

واعطانا كتب الكترونيه وقال دورو عن الموضوع من دي الكتب

انا يا اخوان والله تعبت وانا ادور مني عارف شيء

مافي ولا شيء في الكتب

ومو كده وبس....كمان دورت في النت لمن طفشت
مررررررررة مافي وذا كان في حيكون في معلومات جدا قليله

رحت للدكتور وقلتلو الهرجة ...قلي مو شغلي
قعدت ازن عليه واقله من فين يا دكتور على الاقل غيرلي الموضوع ما رضى

بعدين شكلو حزن عليا وقلي انصحك تروح عند طلاب التخطيط هما يفهمو في دي الاشياء

فيا شباب بلييييييييز الله يخليكم الي عنده معلومات عن الي قلته يقلي
والله معني مضغوط دي اليومين
رسم ومشاريع واختبارات
بس خليها على الله

وشكرا

[Mr.LandScaper]

وعليكم السلام و رحمة الله وبركاته

اخي الفاضل .. عدي علينا في استوديو 002 (عمارة البيئة ) ( Landscape architecture ) في البدروم

بجوار مخرج الطوارئ

وان شاء الله نعطيك كل اللي تحتاجه

تعال و اسأل عن " أحمد الخلاقي " أو " تركي عياش "