انصحوني

[أم حبلص]

السلام عليكم جميعًا

انا حضرت دورة تدريبية في تطوير الذات .. المهم فيه شهادات للدورة غير الشهادة الاصلية وحابة تنصحوني وتفيدوني بخبرتكم ايش اختار منها والسبب يعني في ايش راح تفيدني مستقبلاً ..؟
شهادة جمعية المدربين الدولية
شهادة البورد الامريكي
شهادة معتمدة من المؤسسة العامة للتدريب (محلية )

شكرا

[Eva160]

راح يفيدك في سيرتك الذاتيه لماتتوظفي في المستقبل ان شاء الله

كل سيرة ذاتيه في تقديم للتوظيف غير عن التاني.

مثال انا اتعلمت تقريبا 3 برامج اللي يستعملوها شركات هندسه كيميائيه وعندي شهادة حاسب واعرف استعمل برنامج لايت روم، لما ابى اقدم في عمل بحث مع مستشفى او جامعه في مجال الطب اكتب في سيرتي الذاتيه عن الاعمال التطوعيه اللي عملتها والشهادات اللي اخدتهم لانو راح يديهم فكره انو انا انسانه اجتماعيه احب العمل الجماعي واخدم المجتمع واحط في سيرتي الذاتيه درجه التوفل والايلتس اللي اختبرتهم، ماراح اذكر برنامج لايت روم او برامج الهندسة الكيميائيه.

اما ازا كان ابى اتوظف مع شركه زي ارامكو ولا سابك ولا سوميتومو راح اذكر برامج الهندسة الكيميائيه شهادة حاسب واعرف استعمل برنامج لايت روم وراح اذكر درجه التوفل والايلتس اللي اختبرتهم.

ان شاء الله اديتك فكره جيده

[أم حبلص]

شكرا لك اختي ، فاهمة فكرتك يعطيكي العافية .
بس ما فهمتيني انا ابغا احد يشرحلي الفرق بين الشهادات الثلاث اللي كتبتها ايت وحدا فيهم الافضل وليش !

[Eva160]

سامحني على غلطتي

شهادة البورد الامريكي اعتقد دا يعتبر رخصه في مجال الطب

شهادة جمعية المدربين الدولية ، شهادة معتمدة من المؤسسة العامة للتدريب (محلية ) محدد دولا كويسين ازا حابه يكون عندك مجال في التدريب او التدريس عالمي او محلي

ان شاء الله معلوماتي تكون شويه صحيحه

[أم حبلص]

عادي يا اختي ، يعني لو البورد الامريكي بس للطب كان ما حطوها في التطوير والتدريب !
على العموم شكرا اختي على المعلومة وان شاء الله احد يفيدني اكثر ؛)

[ملامح خجوله]

اسفه عالمداخله طيب شهادت الحضور تبع الخريجات من وين استلمها؟

[reem al-omari]

شهادة جمعية المدربين الدولية

شهادة معتمدة من جمعية المدربين الدولية و صادرة من ذات الجمعيه و هي شهادة معتمدة داخل و خارج نطاق المملكة تسمح لك بالعمل كمدرب معتمد

شهادة البورد الامريكي

عبارة عن شهاادة معتمدة و صادرة من البورد الأميركي و هي عبارة هيئة تدريبية استشارية تقوم بتدريب الراغبين في تطوير مستوياتهم وخبراتهم من (مدربين ،مدراء ، محاسبين ، ، حقوقيي
ن ، ، الاستشاريين المحترفين ... إلخ) او اعتمادهم كاعضاء في البورد الامريكي للتفكير بلا حدود ونيلهم كل مميزات العضوية

بمعنى في حالة حصولك عليها تكونين عضو في هيئة البورد الاميركي للتدريب و الاستشاارة و هي شهادة معتمدة دوليا اي خارج و داخل نطاق المملكة

شهادة معتمدة من المؤسسة العامة للتدريب (محلية )

هي مشابهه لشهادة المدربين الدوليه الفرق الوحيد انها غير معتمدة خارج نطاق المملكة و تكون معتمدة من المؤسسه العامة للتدريب داخل البلاد و تسمح لك بالعمل كمدرب معتمد

الشهادات الثلاث هي عبارة عن شهادات تطوير ذات و تسمح لك بالعمل في مجالات التدريب

الافضل البورد الاميركي لانه يعتبر معياار للجودة في مجال تطوير الذات و شبيه بلايزو

و بالتوفيق

[عبدالله بن سليمان]

إذا معترف فيها

ومصدقة ومختومه

أكيد راح تفيدك

[أم حبلص]

المشاركة الأصلية كتبت بواسطة أم ميسا شهادة جمعية المدربين الدولية شهادة معتمدة من جمعية المدربين الدولية و صادرة من ذات الجمعيه و هي شهادة معتمدة داخل و خارج نطاق المملكة تسمح لك بالعمل كمدرب معتمد شهادة البورد الامريكي عبارة عن شهاادة معتمدة و صادرة من البورد الأميركي و هي عبارة هيئة تدريبية استشارية تقوم بتدريب الراغبين في تطوير مستوياتهم وخبراتهم من (مدربين ،مدراء ، محاسبين ، ، حقوقيي ن ، ، الاستشاريين المحترفين ... إلخ) او اعتمادهم كاعضاء في البورد الامريكي للتفكير بلا حدود ونيلهم كل مميزات العضوية بمعنى في حالة حصولك عليها تكونين عضو في هيئة البورد الاميركي للتدريب و الاستشاارة و هي شهادة معتمدة دوليا اي خارج و داخل نطاق المملكة شهادة معتمدة من المؤسسة العامة للتدريب (محلية ) هي مشابهه لشهادة المدربين الدوليه الفرق الوحيد انها غير معتمدة خارج نطاق المملكة و تكون معتمدة من المؤسسه العامة للتدريب داخل البلاد و تسمح لك بالعمل كمدرب معتمد الشهادات الثلاث هي عبارة عن شهادات تطوير ذات و تسمح لك بالعمل في مجالات التدريب الافضل البورد الاميركي لانه يعتبر معياار للجودة في مجال تطوير الذات و شبيه بلايزو و بالتوفيق

شكرا جزيلاً على التوضيح ويعطيكي العافية أختي الكريمة