اسأله مهمه

[ياليل ابولمبه]

السلام عليكم يا عسووولات

حبيت اسالكم عن استاذتين او دكتورتين مااعرف بالزبط

الي هما نسيمة الخالدي تدرس (طرق تدريس1)

و اماني خميس عثمان تدرس(مراحل نمو الطفل )

والمواد كيف سهله والاصعبه !!

بليز الي تعرف تقولي والله يجزاها الخير واذا فيه تحذيرات والا شي

وشكككرا

[patchi ..]

ياليــت ياَبنات احد يفيدنـااً .. =(

بجد حتى انا نفسي اعرف ..

[ملآك الكون]

أنا ابغى أعرف عن استاذه نسيمه الخالدي...

[patchi ..]

^ قريت انها عسووله .. وكويسه ،

[ملآك الكون]

يــآرب ..

[البارة]

هلا حبيباتي
نسيمة الخالدي كويسة بس عن نفسي ماعجبتني لا في طريقة تدريسها ولا أسئلة الاختبار..
اسئلة الاختبارات تكون قليلة مقابل الدرجات المرتفعة على كل سؤال (كل إجابة بدرجة أو درجة ونص)
والصراحة هذي المادة جبت فيها أقل درجة -الحمد لله-
طريقة تدريسها قديمة شوية ماتعتمد على الاجهزة في شرحها الا لما يشرحوا البنات
على فكرة كانت تدرسنا رياض الأطفال وأهم شيء ركزي معاها
طبعا هذا رأيي وإن شاء الله البنات يكتبوا أرآئهم فيها

[ملآك الكون]

شكرآ.. وإن شاء الله أستفيد من الباقين

[أرووش]

نسيمة ما اعرفها

بس د.اماني خميس درستني طرق تدريس2

شرحها حلو نوعا ما بس معرف ليش في كل محاضراتها لازم انام يمكن عشان في معمل الحاسب والكراسي مريحة والمكيف قوي والغرفة ظلام

الموهم

لما تطلبكم واجب او شيء اجلسو اسألوها بالتفصيل عن المطلوب في الواجب

واسألوها كيف حتعطي الدرجة, يعني ايش معايير التصحيح

عشان تشتغلو على دا الأساس وتضمنوا انكم اشتغلتو حسب اللي يرضيها

لأنها ممكن تكون تبغا شيء معين منكم بس ما عرفت توصلكم الفكرة, وانتو تفهوا شي تاني وتنقصوا

بالنسبة لأسئلتها حقت الاختبار تعتمد عالحفظ كثير, يعني جابتلنا في الدوري 5 اسئلة عددي في كل تعداد 5 نقاط
اما الاختياري مرررره يلخبط ولازم تفهمي المنهج كويييس + تحفظيه

لأنها تحب الأسئلة اللي غريبة شوية ومن البديهي انك تختاري نقطة بس تتفاجئي انها غلط

زي مثلا جابتلنا سؤال: من حيوية المعلمة اسلوب الصمت ( ) , البنات اللي مو فاكرين النقطة دي حطوها خطأ, بس الجواب هوا صح

عموما الدكتورة طيوبة وعسولة بس في الدرجات ما ترحم, لازم تكونوا شطورين ومنتبهين معاها

واهم شيء لا تنااااامو.. لأنها حتشوفكم

[ملآك الكون]

شكرآ أرووش ...

[ياليل ابولمبه]

حضرت لنسيمه امس خفت خفت خفت ):
حسيت اني بجيب الغايبه معاها