إلي عنده فكرة يتفضل

[سيلينا]

أنا أعرف في الطب البشري بيدرسو من البروجيكتر يعني الكتب ماهي مهم

أما بالنسبة لطب الأسنان السنة الثانية فأبغاكم تعطوني أنتو معلومات

[Dr~NanoOok]

بالنسبة لنا في سنة أولى -قبل ما يعملوا نظام السنة التحضيرية-
فكنا نذاكر من الملازم "sheets" وهي مرجعنا لكن الدكاترة كانوا يقولولنا ارجعوا للكتب
وذاكروا منها , لكن نادرا ما كانوا بيجيبوا خارج شيتاتهم

لكن على سنة ثانية , صرنا نذاكر من الكتب لبعض المواد
لكن الأساس هي شيتات الدكاترة , وبعض الدكاترة بيجبوا أسئلة كتير من خارج شيتاتهم
فصرنا نكتب معاهم كل شي ينقال في المحاضرة

الكتب مهمة في الصور والجداول اللي مره تساعد على الدراسة والفهم
وخاصة في طب الأسنان

وكل لما نكبر في الدراسة , حنضطر نذاكر من الكتب اكتر
حتى ان الدكاترة بعضهم ما يعطوا شيتات كله عشان يخلونا نتعوّد على المذاكرة من الكتب
لأجل بعدين لما نكبر

[ريوودي]

الكتب لما تطالع فيه ما يصير لك نفس تذاكر لانه متخم بالمعلومات ومستحيل انك تذاكر الكمية هذي من المعلومات

وانا الصراحة مو متعود اذاكر من الكتب وان شاء الله يسوو لنا ملازم نركز عليها من بداية السنة افضل بكثيير من الكتب

على الاقل نفسيا تحس انم قادر تدرس المادة من الملزمة

لكن اذا كانت الدعوة كلها كتب في كتب وقتها نقول الله يستر ^_^

[سيلينا]

جزاكم الله خيير وشكرا على المشاركة

[سيلينا]

معلية ثقلت عليكم بس بنات البشري سنة ثانية ينزلو المستشفى في الترم الثاني طيب كيف طب الأسنان متى ينزلو مع أنه أكيد الدوام في المستشفى سيئ

[shine heart]

طلاب وطالبات البشري والاسنان اللي درسو السنه التحضيرية راح يبدوا سنه تانيه على طول ؟؟

ونحنا طلاب وطالبات العلوم الطبية التطبيقيه زيكم ولا لا ؟

[Dr~NanoOok]

المشاركة الأصلية كتبت بواسطة سيلينا معلية ثقلت عليكم بس بنات البشري سنة ثانية ينزلو المستشفى في الترم الثاني طيب كيف طب الأسنان متى ينزلو مع أنه أكيد الدوام في المستشفى سيئ

ولا يهمك عزيزتي =)
اسألي زي ما تبغي , وإن شاء الله نقدر نفيدك على قد ما نقدر

البشري ينزلوا المستشفى في الترم الثاني فقط كده ,يعني مو الزامي ولا من ضمن الدراسة
لكن على سنة ثالثة يكون رسمي نزولهم للمستشفى

أما الأسنان فينزلوا العيادات المستشفى من سنة رابعة
ويكون لكن طالب وطالبة عيادة خاصة بيهم ومرضاهم الخاصين

المشاركة الأصلية كتبت بواسطة shine heart طلاب وطالبات البشري والاسنان اللي درسو السنه التحضيرية راح يبدوا سنه تانيه على طول ؟؟ ونحنا طلاب وطالبات العلوم الطبية التطبيقيه زيكم ولا لا ؟

كل التخصصات الصحية حتبدأوا من سنة ثانية
لأن مواد سنة اولى قبل تطبيق نظام التحضيري تقريبا هي نفسها حقت التحضيري
لكنها كانت خاصة أكثر بالمجال الطبي
مثلا كنا ناخذ أحياء و كيمياء ولكنها طبية , أحياء طبية و كيمياء طبية
بالاضافة لتركيز أكثر على القراءة في المجال الطبي ضمن المنهج الانجليزي

[سيلينا]

شكرا مررة يا nanoOok صراحة إنتي عضو مميز جدا في المنتدى وأكرر شكري لك

[Dr~NanoOok]

العفو العفو عزيزتي سيلينا
يارب أكون قدرت أفيدكم قد ما أقدر
فاحنا اخوات وكلنا لبعض

=)

[shine heart]

أشكرك انا كمان

الله يوفقك ويوفقنا معاكِ لكل مايحب ويرضى