انقبلنا ولكن........

[د.رايق]

السلام عليكم ورحمة الله وبركاته


كيف حالكم دكاترة اولاد وبنات .....


مبروك عليكم القبول بالكليه الجميله والرائعه ... اعجبتني ردود الاعضاء وخاصة د. نانوناك ..ومزاج ..ود. اسامه وفي كثير ماشاء الله عليهم

والله يامرت علينا سنه .. مو بس تحضيريه الا سنه تعقيديه وتعزيريه .. وكل واحد له الحق بوصف ماشاء .. لاننا صراحه عانينا كثييير ... من طلاب ودكاترة ... زعل ومضاربات وكلها راحت ولا يبقى الا الطيب (( سبحان الله ))

انا ولله الحمد انقبلت بالكليه هذي (( طب الاسنان )) ارتحت كثير ورضيت فيها وقريت عنها كثير .. ..... بالبدايه كنت محتار بين البشري وطب الاسنان ... بس بالنهايه استخرت وقلت طب الاسنان (( بنظري حسيت انو سهل ...)

لكن وبالامس جاني احد من اقاربي الله يهديه وقالي؛_
((انت دخلت طب اسنان وبكل بروود يقولي طب اسنان طب اسنان ياشيخ غير ادخلك قلب ولا اي شي غير هذا التخصص الدنيا مليانه من هذا التخصص ))
والاخ مو عارف كيف تعبت عشان ادخل الكليه هذي انا لله وانا اليه راجعون

دحين انا ماني عارف هل احول .. ولا اجلس واكمل وماعلي من كلامه .....

واذا اني ابغى احول كيف اقدر احول بعد سنه ولا من اول ترم


ريحوني مشكورين

[J-14]

اولا :الف مبررووك
ثانيا: اللي قاعد يتفلسف ذا مو داري ربي وين حاطه ,,<<ولا حس فيك وبتعبك<<كثير الناس يحسبون الطب بس قلب واعصاب ومخ..ياحلالاه من لعب بمخختهم,,وانا نفس الشي قامت وحده تتفلسف علي وسكتها انو ذي رغبتي ولا أحد له شغل في ولا قلتلها انو الاسنان مو اي احد يدخله <<يعني بصراحه احس احنا نخبه النخبه <<رايي الشخصي..
ثالثا:اخوي هذي حياتك وانت حر فيها واتوكل على ربي وسوي اللي يريحك
رابعا:انا اعرف انو التحويل تدرس سنه كامله اسنان تجيب معدل وبعدها تحول
وشووكرا اتمنى اني افدتك

[Dr~NanoOok]

أولا أحب أهنيك بدخول طب الأسنان
وعقبال لما نشوفك دكتور قد الدنيا إن شاء الله وربي يسهلك ويوفقك

شوف بالنسبة لكلام الناس
انا عن نفسي سمعت كتيييييييييييييييييييير.. وجملة "أسنان ! دا ما يعتبر طب ! "

طيب لحظة.. انتوا بتقولوا الكلام دا على أساس ايش ؟
وهل تعرفوا أي شي بالتخصص حقنا ؟!

طبعا تلات ارباعهم حيقولك لأ.. ولكن سمعنا ناس واحنا شايفين كده !

معليييييش
<< ترا أنا مره يرفعولي الضغط !
لكن الواحد بيحاول يعذرهم لـ جهلهم

واحنا بنحاول نشرحلهم ونوضحلهم حقيقة تخصصنا وايش فيه
<< مع انه اوقات مهما تشرح وتبين.. الفكرة اللي براسهم مستحيل تتغير "-_-
لكن ايش نقول.. عملنا اللي علينا وربي يسهلنا

,

بالنسبة لمسمى دكتور
<< وللاسف دحين أكتر ما صار همهم غير "المسمى" وانه صاير دكتور وبس
فنحنا دكاترة ونستحقها وبجدارة
طبيعة دراستنا ومناهجنا وشغلنا وكل شي.. يؤهلنا لكده
واذا يبغونا نفتي ونعالج أمراض غير الفم والأسنان
برضو نقدر لأننا دارسينه !

,

طيب وبالنسبة للوظيفة بعدين ..

معروف ان السعودية محتاجه كمية كبيييييييرة من الدكاترة في جميع التخصصات الصحية وللصيادلة والممرضين و و و
لكن المشكلة في التوظيف.. ان الناس ما زالوا يفضلوا الأجانب على السعوديين
لكن مع الوقت.. وانا جدا متأملة بالمستقبل حيتغير دا التفكير وحنلاقي وظائف للكل باذن الله

وبالنسبة لمقارنة فرص التوظيف مع الطب البشري

فأنا أشوف فرصة الأسنان أكبر..
ليش ؟

لأن طبيب الأسنان لما يتخرج ومعاه شهادة البكالوريوس.. يحقله يفتح عيادة ويشتغل بيها
وكل شي تمام
<< هذا الشي اللي يبغى يتوظف على طول
طبعا كتيرين طموحهم أكبر من كده.. وحيكملوا دراسات عليا وباذن الله فرص الوظيفة وقتها أكبر وأكبر.. و انجازاته في المجال أكبر باذن الله

لكن طبيب البشري.. لما يتخرج ببكالوريوس يُعتبر طبيب عام
فلازم يتخصص وياخد دراسات عليا.. وأقل تخصص 3 سنين
وبعدها يكمل وياخد الدكتوراه والاستشارية و و و << مشواااااار طويل عقبال لما يصير عنده سمعة واسم

وبالنسبة لكثرة عيادات الأسنان بالبلد ..
طيب ايش جنسية أغلب الدكاترة اللي فاتحينها ؟

برضو أجانب

يعني لما تتسعود الوظائف.. باذن الله حيكون مكاننا


وبالأخير كل واحد ورزقة ونصيبه
مهما عمل ومهما كان عنده من مناصب وشهادات
ربنا اللي كتبله حيصير

فـ اللي بيدخل أي تخصص صحي.. ونظرا لكل اللي يواجهه من صعوبات وتعب
لو حط في باله وهدفه الوظيفة والمنصب بعدين
مرررررره حيتعب.. ولا يقدر يكمل 6 سنين !

لكن اذا فكرت اني بدرس حاجة أنا بحبها.. وححاول أبدع فيها .. وهدفي أكبر من مجرد وظيفة
هذا هو الدافع اللي حيخلينا نكمل

وبالتوفيق للجميع

[مَـزٍآج ..}..]

التحويل يكون بعد سنـة !!

[Kaira]

دحين أسأل لأنو كتير شككوني في نفسي ..
الأسنان ستة سنين وسنة سابعة امتياز ولا ستة سنين مع الامتياز ؟؟؟

[طالب طب في المستقبل]

المشاركة الأصلية كتبت بواسطة kaira دحين أسأل لأنو كتير شككوني في نفسي .. الأسنان ستة سنين وسنة سابعة امتياز ولا ستة سنين مع الامتياز ؟؟؟

تخصص الطب وطب الاسنان

سنه تحضريه + 5 سنوات +سنة امتياز

واتمنى اني افدك

اخوك دــ عبدالرحمن المالكي

[Kaira]

أيوا ^^
زي ماقلت يعني
يسلمووووو د. عبدالرحمن =)

[د.رايق]

اخويj-14
الله يعطيك العافيه والله ماقصرت... ايه والله انك صادق بلا كلام الناس بلا هم .... وفي النهايه كلام الناس لايودي ولا يجيب

ــــــــــــــــــــــــــــــــــ
اختي د نانوناك
الله يعطيكي العافيه كفيتي ووفيتي والله .......... والله اتحمست لتخصص هذا والله يوفقكي يارب دنيا واخره ...ردودك رائعه ...

[WAFA 13]

د رايق اسمح لي اقدم لك ذي النصيحه
لما تكون مفكر بشي من مده طويله وما خذ قرار فيه وانت في حالة استقرار نفسي وكمان عاطفي تجاه الشي اي ما كان يكون قرارك فيه هوا الصح واي كلام او افكار غريبه بعد كذا مجرد هواجس
انا عن نفسي الشي الوحيد الي ممكن اقبله في الطب هو الاسنان يمكن لان طول عمري اخاف منه ومن دكتور الاسنان ابغى اكبر شوي واتخطى خوفي لاكن بالنهايه اخذت القرار في حالة استقرار
الله يوفقنا اجمعين

[فتى تثليث]

اسمع ...بقولك وجة نظري..
انا صراحةً ما دخلت الطب مو عشان انه وظيفه مرموقه ودخلها المادي ممتاز...صح الفلوس لابد منها بس الأهم تدخل تخصص انت مرتاح فيه وتحبه عشان تبدع فيه ...ايام التحضيري كنت اسمع اصحابي يقولوا الهندسة كويسه وراتب المهندس حلوا...الخ بس اذا سألت الواحد منهم وقلتله انت هويان هندسه غير الموضوع وقالك سيرة الفلوس والكلام الفاضي وانا اخوك لا عاد تسمع كلام المحبطين خل في راسك هدف والأرزاق من رب العالمين..انا يا ما سمعت كلام صراحة يهز البدن بس ما عطيتهم بال ...لإني اشوف نفس في الطب وكنت حالف يمين لو قبلت بالهندسة رح اعيد سنه لإني داري ما راح ابدع في هذا التخصص ...لذا بقولك لا تسمع للمحبطين واصحاب العقول الصغيره مين قدك انت خلاص دكتور لذا كبر عقلك ولا تخلي الناس يأثرون في قراراتك ..