افضل استاذات ( ضريبية - زكوية - مراجعة 2 .........)

[Noha66]

مرحبا
لو سمحتو ممكن احد يكتب عن خبرته و مين افضل استاذات للمواد دي و اللي اخذ معاها و كيف طريقة الاختبارات
محاسبة ضريبية
محاسبة زكوية
منشات متخصصة
مالية متقدمة
مراجعة 2
وشكرا الله يعطيكم العافية :)

[سـارونهـ]

محاسبة ضريبية
أخدتها مع رغداء مررررة ماحبيت المادة معاها وأسئلتها صعبة مع انه اخدتها صيفي

محاسبة زكوية
مع صباح الغامدي شرحها ماشاء الله ممتااااااز بس اسئلتها فيها لف ودوران ويبغالها تركييز

منشات متخصصة
برضو مع صباح نفس زكوية

مالية متقدمة
مادري ازا قصدك متقدمة 1 ولا 2
بس 1 اخدتها مع هيام مرررررة حلوة وسهلة وحذفت لنا كتييييير
و2 اخدته مع هبة مؤمنة شرحها عادي بس اسئلتها سهلة وتضليل

مراجعة 2
مع سارة بكر ابداع واخلااق دي الاستاذة ماشاء الله عليها والمادة معاها مررررة حلوة

[Miss Honey]

محاسبة ضريبية

اخذتها مع حمدية مهران الله لايعيدها من مادة
المادة سهلة بس ما انصحك تاخذيها مع دكتورة حمدية


محاسبة زكوية

برضو اخذتها مع حمدية ( فيس منتحر )


منشات متخصصة

مع سحر الجبروني جدا راااائعة المادة معاها
هي المادة شوي ثقيلة وكلها قيود بس انتي ذاكري اول بأول
وترا اسئلة سحر سهلة ماتلف وتدور


مالية متقدمة

1 مع هيام ومررررة حلووووة المادة معاها
2 مع إقبال خاطر برضو رووووعة
الله يسعدهم الاثنين
يعني تجيبي معاهم درجات مو زي حمدية تطير درجاتك مدري كيف :/


مراجعة 2

اخذتها مع هيام صيفي وكانت شوي ثقيلة بس حلوووة مع هيام

موفقة

[Noha66]

شكرا اختي
بس المشكلة ضريبية دايمن يا مع رغداء يا مع حمدية و الاثنين اخس من بعض رغداء اخذت معاها مادتين و مررررة ما عجبتني :s و مو عارفة كيف حمدية !!
طب زكوية لو سمحتي تعرفي كيف هيفاء الطيب فيها كويسة ولا لأ

[سـارونهـ]

سوري دوبي انتبه انهها مراجعة 2 لخبطت بينها وبين واحد

مراجعة 2
اخدتها مع هيام صيفي الصراحة ماحبيت المادة بس ماشي حالها مع هيام

[Miss Honey]

شكرا اختي بس المشكلة ضريبية دايمن يا مع رغداء يا مع حمدية و الاثنين اخس من بعض رغداء اخذت معاها مادتين و مررررة ما عجبتني :s و مو عارفة كيف حمدية !!

ايوه مو المشكلة هنا انا احترت بين رغداء وحمدية
بس فضلت حمدية
ودامك اخذتي مع رغداء مادتين وماعجبتك خذيها مع حمدية
شوفي حمدية مو بذاك السوء بس حتتعبي معاها
يعني لازم كل شوي تنطيلها المكتب عشان تفهمي
لأنه في اشياء ماتشرحها مزبوط عشان وقت المحاضرة ضيق
ويبغالك تروحيلها المكتب تفهمك وترا لازم تروحيلها وانتي حالّة تمرين ويكون نقاط بسيطة اللي مو فاهمتها
لأنها ترفض تشرح تمرين كامل
تقول : اللـــه ! هيّا دروس خصوصية ولا ايه ؟! هههههه
بس عموما هي أفضل من رغداء

طب زكوية لو سمحتي تعرفي كيف هيفاء الطيب فيها كويسة ولا لأ

والله ما اعرف هيفاء كيف في المادة ذي بس انا اخذت معاها محاسبة 102 وكرهت نفسي
ماتعرف تشرح او بالأصح ماتعرف توصل المعلومة صح
اخذت 92 مع حمدية في هالمادة
ترا سهلة مع حمدية مو زي ضريبية
< ردي الأول كان قبل الاختبار النهائي

موفقه

- اتمنى احد يفيدك بخصوص استاذة هيفاء

[Noha66]

طيب اسفة عشان نزلت الاسماء وهي :
مالية متقدمة( صباح الغامدي - عزة شلبي )
منشات متخصصة ( سحر الجبروني - صباح الغامدي )
ضريبية ( حمدية - رغداء)
زكوية ( هيفاء - صباح الغامدي )
مراجعة ( صفية - جوهرة )
ممكن تفيدوني :) و كيف طريقة كل استاذة في الاختبارات

[TeeNa....]

انا لو كنت مكانك ورجع فيا الزمن حدرس المواد مع دول
مالية متقدمة( عزة شلبي )
منشات متخصصة ( سحر الجبروني - صباح الغامدي ) حسب الوقت كلهم كويسين
ضريبية ( رغداء)
زكوية ( هيفاء )
مراجعة ( صفية )

[مـ~ـلاكــ♥ــ~ــ]

مراجعة ( صفية )
كويسه والا لا لاني ابي انزلها معاها

[تورللي]

السلام عليكم ..
انا دخلت عشان شفتكم محتارين بين جوهره وصفيه انا جربتهم الاتين جوهره اول مره تدرس مراجعه لكن ماشاءالله عليها
مرره كويسه وتحببك في الماده حسيتها متمكنه وبقوه معليش صفيه على ايش تاخدي معاها لا اسئلة ولا شرح ولامنهج مرتب .
اقولك مميزات الجوهره الي شفت فرق كبير بينها وبين مراجعه1 مع شريفه : اولا منهج مرررتب ودا اهم شي ,درجات بتوزعها 20 دوري اول و25 نصفي 10درجات زياره لمكتب محاسب قانوني , 5 على تلخيص ,الباقي فاينل يعني تضمني تجمعي درجاااااااات , كنت خايفه منها بس لمن جربتها نددددمت اني ما اخدت معاها ماده من قبل دي الادميه كننننز اعتبرها من افضل الاستاذات الي درسوني واخلاق صراحه بشكر ربي كتير اني درستها معاها ما اوفيها حقها ربي يسعدها , ماشفت فيها عيب ابداً صح بتعصب بس ماتنلام من هبالة البنات يرفعو الضغط يالطيف بس ,, نصيحتي جوهره افضلللل من صفيه بكتتتير وربي يوفقكم