تجربتي وملاحظاتي في خطة ألف

[فاتحة]

السلام عليكم ورحمة الله وبركاته
بحكيكم عن تجربتي لخطة أ علمي وملاحظاتي عليها وأعرف أني نزلتها بدري حتى أكون محايدة
قبل ما أشوف درجاتي مع اني اديت جهد كويس الحمدلله يارب..

المحايدة في نظري / يعني لو جبت مثلا كلو كامل حقول الجامعة مرة توب وسهلة ووناسة بس لو جبت درجات خايسة طبعا حقلبها سب وشتم في الجامعة والدكاترة وارمي فشلي عليهم .. وهذا هو المقصود ..

:: من ذي النقطة بلمح عن فئة حتشوفوها كثير او ممكن شفتوها وهم الناس إذا خبصو بس سؤال << لاححظو بس سؤال
قلبو الدنيا حلطمة وتنكيد ويكرهوك في الجامعة :
الجامعة ناوية تصفينا بأي طريقة احنا البنات , لو أعطونا وقت زيادة بنحل , انا خلاص بتسكن في الاقتصاد المنزلي أو علوم وووو الخ

واخرتها لما استكشف أنهم بس ناقصين درجة !! يجو يتحلطمو ثاني :

او ماي قاد ما توقعت كذا توقعت جايبة 20 , ترى بالحظ جبت كذا , متأكدين ذي درجتي ؟ ,
مع انو قفل علي السستم اخترت حقرا بقرا << هذي بالذات بالله اعطوها جوها ذي فنانة ههههه
طبعا ذولي كانو في الواقع .. أما اللي يتحلطمو ذولي شيء ثاني هههههه

لا تخضعي للكلام المحطم حتى لو كانو من "أهلك"


والله شخصيا جاني موقف غريب عجيب مريب ما أعرف ايش اصنفه ؟ حقد ولا ثرثرة أنا ما أعرف !
كنت بكلم مع وحدة تنشب لي دايما أني بحول إلى استاذة ثانية في مادة ما ..
كانت تحاول تقنعني أنو الشعبة درجاتها زفت والطالبات اللي عندها قليل
<< طبعا من الاودس الطالبات عندها قليل يعني مافي طالبة حولت منها
وتأكدت من ذا الشيء لما شفت باب المنسقة اسماء الطالبات المحولات للمادة ذي
وغير كذا فيه لوحة كبيرة فيها جميع الشعب لجميع مواد التحضيري العلمية ..
تأكد لي انو الطالبات المسجلات عندها قليل
يعني الزبدة من كلامي : انو كل كلامها كذب في كذب
وغير كذا كمان اكتشفت انو صحبتي في الثانوي تدرس عندها وجايبة الفل
وفي يوم ما .. وهو يوم الصدمة لي .. نزلت استاذتي الاساسية درجات الدوريين بالاسامي وجزاها الله خير..
وشفت اسمها وانصدمت والله هي جايبة اقل من 12 !!!
ابغى اعرف ليه توقف في وجهي أني احول !
وكانت قدامي تقرأ كتب عن تطوير الذات وتحكي عن المؤلف
شخصيا ما اقتنعت ولا كلمة من كلامها .. ما أحب أحد يرمي فشله على الاستاذة , إذا ما اعجبتك طريقتها حولي..
طبعا استاذتي الاساسية قبلت أني احول حتى بدون ما أقول السبب ...
حتى الاستاذة اللي حولت عندها رحبت بي الله يسعدها يارب برضو من غير ما أقول السبب ..
ومن وقتها حسيت فيه استاذات يراعو..
ان شاء الله ما تقابلوا ناس غلسة في الأسلوب
<< كنت اسمع وبرضو ان شاء الله ما يكون صح اللي سمعته
وللأسف ما شفت أحد يمدح في الجامعة ولا على الأقل السنة التحضيرية ذا الترم !!
ما أعرف مين الجماعة اللي كانت متحمسة للجامعة وتبا تفتك من الثانوي ولما جوو للجامعة بدو يحنّو للثانوي!
أنا كنت أدرس نظام مقررات في الثانوي كنت أفضل الترم ذا عن الثلاث السنين اللي انكرفت فيها ..
وأنا اعرف اني راح اكرف في التخصص بس
على الأقل أخرج متى ما ابغى ما اداوم عشان حصة ههههه
ودرجاتك هي درجات اختباراتك مافي شيء ينضاف لها زي : واجب , بحث , مشروع الخ
ماعدا مهارات الاتصال فيها 30 درجة على الواجبات كلللها تافهة فردية ماعدا العرض تسووه مع مجموعة
المحترم نفسه حتلاقي الناس يحترموه سواء الناس ذولي كانو استاذات , الأمن , أو طالبات..
وما تحط نفسها في موقف بايخ .. افتكر استاذتي -برضو في مادة ما- ..
دخلت عليها طالبة ولابسة سماعات وكمان متأخرة وجالسة ورا..
يعلم الله اني كنت مغطية وجهي ما ابغى اشوف ردة فعلها..استحو شوي !
واختم كلامي عن ذي الفئة المحطمة أو الحسودة أو قليلة الأدب بذي التغريدة من د. خالد المنيف درررررر
لاتسمح لمعتوه أن يمارس عليك ساديته بكلماته البذيئة أو بنقده الجارح ؛
فلتخبر الجميع أنك غير قابل للكسر وأن بناءك النفسي مكتمل النمو,صلب الأساس

وعشان أكون محايدة حتكلم عن الايجابيات اللي شفتها ناس كثير أو فئات كثيرة
تساعد وتبتسم وتحفز حتى لو ما اعرفها في مواقف بسيطة كان لها اثر
والحمدلله موجودين بكثرة الله يسعدهم
***

[فاتحة]

قبل ما ابدأ اتكلم عن المواد وملاحظاتي عليها ..
انتي لازم تعرفي كيف تقدري تستوعبي المحاضرة أوايش الأسلوب المناسب "البيرفكت" اللي تقدري تتقبليه
, تحبي استاذة بس تقرأ مثلا , تكتب كل شيء على السبورة , تمشي بسرعة , تعطي الزبدة
خصوصا لو كانت المادة 80% معروفة وقد اخذناها في الثانوي زي الفيزياء لازم تسرع شوي
والحمدلله حظي كان جميل مع ذي المادة د.ريم الوافي أكثر استاذة تعتذر وتدي الزبدة وتحل مسألة عليها وانتيهنا..

بس في مادة ثانية أنا كنت اطفش من استاذتها ..
كانت تشرح كل شيء وأحيانا تقرأ وهي اشياء سبق واننا اخذناها ليه تضيع وقت وتاخذ محاضرات اضافية !!
أسلوبها ما كان يعجبني انا .. بس فيه غيري يباها عشانهم مو متأسس صح في ذي المادة .. وانا حولت
عشان كذا لا تسمعو كلام أي أحد سلبي بس اسألوهم كيف اسلوبهم ..

واحيانا يكون الكلام اللي يجي عنهم حقد على الادمية نفسها او حقد فيكي
زي ما صارلي وتكلمت عنو فوق لو ترجعو بداية كلامي

طبعا هذا الشيء ما ينفي انو فيه استاذات ما يعرفو يشرحوا واسلوبهم مو ماشي على الكل
بس برضو لا ترمي فشلك عليها حاولي قد ما تقدري تحولي او تشوفيلك حل
اسألي روحي ساعات مكتبية ابحثي في النت والله يسهل

[فاتحة]

ويلا نبدأ :

1- مهارات الاتصال + مهارات الحاسب
أنا قرأت في أغلب التجارب انو ذي المادتين ما ينخافو عليها وسهلة وتنذاكر قبل الاختبار
اصححححححححححححككككككككككككم تسوو كذا لو تبغو 100
الا من رحم ربي اللي عندهم تركيز عالي ويخلصو كمية كبيرة كبيرة في يوم واحد
ممكن تجيبو A بدون البونس .. اما البونس ما اعرف كم حيكون في ذي المادتين !!
اسئلتهم تافهة ويجيك كذا سؤال يباله تركيز عالي وانتو تذاكروا ..
زي ايش مثلا !
بالنسبة لمهارات الاتصال : احفظي الشيء ومن ايش تفرع ..
كمثال انواع الاتصال من حيث اللغة ينقسم الى كذا وكذا ومن حيث رسميته الى كذا وكذا
التعداد اقرأوه بتركيز ممكن يجيك صح او خطا وينسخلك السطرين ههههه زي ماهي في الكتاب احيانا
او فراغين/فراغ على حسب وممكن يسألك من مفهومك وجاني منه بس سؤال الحمدلله مو ناقصة كمان هههههههه
لازم تاخذو التصحيح حق اغلاط طبعة الكتاب الجديدة من استاذتكم ..
طبعا انا ما عرفتها الا من وحدة نزلت الصورة في تويتر وكانت الساعة 10 هههههههههه ربنا ستر معاي
جزئية النهائي اللي هيا 3 أبواب الأخيرة في جزئيات تحتاج فههههمممممم !! مو تسحبو على المحاضرة

اسخف عبارة سمعتها في مهارات الاتصال ( عندي ستة غيابات لازم احللها , اقرأي الدرس في بيتك وخلاص ) ...
كنت ادرس المادة في يومين مع الانقلش بس
ولما غبت عشان الانقلش ماكان فيه محاضرة له.. ضاعت علي جزئية كبيرة في باب الحوار والإقناع
لان المحاضرة ساعة وثلث
انتي بكذا تفوتي على نفسك جزئيات مرة مهمة لازم تفهميها ...
ماتضمني في الاختبار حيسألك بالفهم أو ينسخ العبارة
خصوصا الابواب الاخيرة .. استاذتنا كانت تضرب أمثلة على كل جزء عشان نفهم حلو حلو
ولما غبت في ذاك اليوم .. ما عرفت ادخل المعلومة في راسي وكنت اسأل غيري ..
فيه جزئيات بالذات في الأبواب الأربعة الأولى سهلة حتلاقي المؤلف هوا شارح الكلام ومعاه المثال
بس الأبواب الاخيرة لا !

لا تستهينوا في ذي المادة حرام ما تجيبوا المييييييية ..
لا تطلعي الا وانتي مراجعة كل الاسئلة في الاختبار لانو درجتك حتطلع بعد ما تضغطي انهاء و قوي قلبك ..
لا تذاكري النماذج الموجودة هنا في سكاو .. أولا بعض الاسئلة قديمة
وعلى جزئية انحذفت في طبعتنا وثانيا بعض الاسئلة محلولة غلط
واخيرا إبراء لذمتي اني عرفت لازم اقولكم ما يصحش اكتم

بالنسبة لمهارات الحاسب : من الحين أقولكم الاختبار النظري هوا اختبار عملي ..
الأوامر زي حفظ وإنهاء وفتح مستند في جميع برامج الاوفيس هيا نفسها لازم تحفظيها كلها ..
انا ما جاتني لا دوري 1 ولا دوري 2 بس سألوني هيا في النهائي على برنامج الاكسس !! شفتوا كيف !
كان عن أمر إغلاق البرنامج ALT+F4 "الاكسس" صح ولا خطأ ! طبعا الجواب صح ..
الايقونات مهههمممة اشكالها .. إذا ادرجتي حقل جديد حيكون بعد الحقل المؤشر بالماوس ولا بعده ؟
أمر الطباعة أمر الحذف أمر التدقيق الاملائي والبحث والخ ... وهكذا يجيبو اشياء عملية وشويا نظري
ذاكروا الكتاب فقط للنظري ...

أما العملي ذاكرو من الكتاب والسلايدات وحلو الواجبات هي اصلا محلولة بالحل النموذجي بس يعني تدربي عليها
الكتاب ناقص بالنسبة للعملي..
وتورطت في العملي النهائي في الاكسس جاني كم سؤال عليه ما عرفت احله
بسبب الكتاب ذاكرت منو بس
وما كانت موجودة ذي الجزئية بس الحمدلله استاذتي كانت تقول الجواب خخخخخخخ ربنا لطف في حالي
فعشان كذا أقولكم شوفو السلايدات والواجبات يسألكم عن جزئيات ماهي موجودة في الكتاب
والله قبل الاختبار بدقايق كانت اسمع اشياء ولا عمري قرأتها في الكتاب
وفي نص الاختبار الناس تطلع و أنا كنت راح ابكي على سؤال عليه درجة كاملة
بس النظري تأكدت من استاذة صحبتي انو بس من الكتاب .. استاذتي بااااااردة مالها مزاج ترد وبكيفها
الحضور مو اجباري ولا كانت تاخذه اصلا !!
بس ولا عمري غبت عن محاضرة عندها الا مراجعة النهائي للعملي
وكانت هي مختارة وقت غلط فعشان كذا ما جيت وراح علي المهم
بس الحمدلله شوفو التدريبات في موقع الوحدة وانتهينا

لا تفكروا تغيبو في ذي المادتين مهارات الاتصال + مهارات الحاسب ..
خلو طموحكم سقف عالي واضمنو 100

2- الفيزياء :
مادة سهلة وحلوة
مذاكرتي : السلايدات في موقع د.أماني السريحي وهيا نفسها السلايدات في موقع د.هناء فرحان
بس كنت أفضل صيغة بي دي اف عشان الايباد وما تطلع رموز غريبة زي اللي حملتها من موقع د.هناء
السلايدات شاااااااااملة فلا تخافو وتروحو تشتروا الكتاب اللي ماله داعي
ركزي كل كلمة موجودة فيه
وبما أني كنت أذاكر من الايباد كنت انزل نماذج الدوري الاول والثاني والنهائي من صفحات الاستاذات ومنهم:
د.شادية باز - د.هيفاء القناص - د.الآء محمود - د.سميرة القحطاني - د.هناء فرحان في صفحتها برضو وفي خوارزم كمان
السكشن لو تبي تحضري احضري .. بس ما يحضروه غالبا اللي يكونو ماهم فاهمين .. لانو الكلام حيتعاد
حضرت للفصل الاول والثاني والرابع وبطلللت

الفصل الخامس من ملخص هناء فرحان يفهم أكثر من السلايدات حقت ذا الفصل
اكتبي ملاحظاتك مع الاستاذة وكنت أفضل شرحها احيانا وارجع له
تدربوووووووووووو على النماذج النماذج هالله الله على الفل مارك

مرة مهمممة بالذات النهائي ذاكرت نماذج النهائي فقط وتركت الأول والثاني مع انو مهم
بس حبيت اشوف كيف طريقة توزيعهم للاختبار أي شباتر يركزوا عليها
وحلوين قسم الفيزياء من جد طلع الاختبار أكثر شيء من الجزئية اللي ما اختبرنا فيها زي النماذج
فحسيت ان النماذج مهمة وجابولنا قشور من الشباتر الباقية..

التست بانك كمان محلول الاول والثاني والثالث في صفحة هناء فرحان
والرابع والخامس حلتو لنا أستاذة السكشن سارة العمري في صفحتها
انا ما تدربت على التست بانك حق الفصل الرابع والبنات كانو يطلعو كم غلطة فتأكدو مع استاذتكم
بس الفصل 5 سليم سليم مالو حاجة ..

3- الرياضيات الشبح :
طبعا من الكتاب الله لا يهينكم اشتروه وكان سعره 175
من صفحة المنسقة د.رانيا الحربي موجود اسمه والفصول اللي معاكم والورك شوب
حلووووه كله
انا عن نفسي مرة تعبت احله في الدوري الاول والثاني ولما جيت للنهائي ضاعت الحلول ومرة الوقت قصير
الله يجزي القبول كل خير هههههه حاطين الاختبار بعد الفيزياء استنزفت كل قواي بعده لانه كان سهل سهل سهل الفيزياء
وتكسلت احلها ثاني مرة خصوصا انو اختبرناه وكان سهلين مرة حاولو تضمنو الفل مارك فيه عشان ممكن تحتاجو البونس في النهائي
كان متسواه مابين المتوسط والسهل شوي

اشتريت ملزمة اسيا زقزوق للفصل 2و3 كان مدموج مع بعض
قد ايش اقولكم انها مررررررررررررررة مفيييييييييييييييييييدة
تحل مرة مسائل كثيرة يفوق 50 سؤال وأفكار ما أبغى ارميها ولا أديها احد حبيتها كثير بما أني أحب الرياضيات
الله يجازيها كل خير أمانة وإخلاص واهتمام شديد لفهم الطالبة
كنت معاها ونوعا ما تقبلت شرحها , اهم شيء انك تفهمي شرح استاذتك وبعدين جربي اختبري نفسك في ملزمتها..
ما اشتريت الفصل الاول ولا الرابع لانو دايما انسى اني اشتريها :"(

بس راح اشتريها واحتفظ فيها جد جد كويسة
الفصل الثالث والرابع 90% جديد عليك .. أول فصلين تافهة+ ابندكس دي ويختبروكم فيها حاولو تجيبو فلللل مارك

المادة الوحيدة اللي متأكدة اني جبت فيها 100 عكس كل المواد ..

4- الانقلش :
المادة اللي تطلع لها أكثر الأشاعات وتفادياً لذلك
روحو موقع الجامعة << معهد اللغة << على جنب حتلاقي البرنامج الأكاديمي << مصادر تعليمية للاساتذة
<< اختاري مستواك << عند Instructional Pack اضغطي دانلود

كل تيتشر تمشي عليه ..
فيه مواعيد الكويز وجزئيته + موعد الاختبار النصفي وجزئيته + اختبار النهائي ووقته + الرايتنق والمواضيع اللي ممكن يجيبوها
+ السبيكنق النهائي وموعده + الصفحات اللي معاكم في الكتاب والتمارين في الورك بوك + والفوكابلري ليست اخر صفحة موجودة فيه

نصيحة LMS مرة مفييييد
بس كان عندي يعلق احيانا فرحت استعملت السيدي ولاحظت انو القرامر والفوكابلري اللي في موقع اكسفورد هيا نفسها اللي في السيدي

شوفو الورقة اللي تتعلق جنب قاعتكم حتلاقو التيتشر وبياناتها والمشرفة عليها وبياناتها اسألوهم بالانقلش طبعا لو عندكم اسئلة

***

والحمدلله تم على خير

[RawanG]

تسلمي حبيبتي موضوع مفيييددد جدًا وكل طلاب وطالبات خطة ب لازم يقروه ..

فيه أشياء كثير قلتيها أتمنى إني سويتها

زي موضوع الحضور فمهارات الاتصال حضرت كل الترم بس الفصول الأخيرة كانت مراجعة سريعة لأنها
على آخر أسبوع كانت تعتذر كثير فأدتنا المهم فمحاضرتين وللأسف ماحضرتهم
وأغلب أغلاطي كانت عالجزئية الأخيرة للأسف :(
والاختبار مايكفيه قراءة وبس لازم تركزي فكل جملة لانه يقلبو المعلومة رأسا على عقب
وضروري يكون كتابك النسخة الجديدة لأنه مختلف تماما عن النسخ القديمة

والحاسب نفس المشكلة أدتنا محاضرة واحدة آخر الترم لأنها مسافرة بس خلتها بدل ساعة وثلث لساعتين وثلث! وماقدرت أحضر صراحة وقتها مره كان غلط !

عمومًا نزلت الدرجات وكان نفسي أجيب أعلى بس الحمدلله على كل حال
وشدو حيلكم عشان مو بعد ماتنزل الدرجات تكونو زيي وتقولو ياريت ولو لأنو يأثر على نفسيتكم

نصيحة أخيره حابة أضيفها بعد أذنك..
كونو متصالحين مع نفسكم ولاتضغطو على نفسكم لأنه حتى الضغط الزايد يأثر حتى لو مذاكرين
الرياضيات مثلا زي ماقلتي دسمة ويبغالها حل تمارين كثيييرة عشان تستوعبيها مزبوط يعني صيرو دوافير وأقل شيء ذاكرو قبل بأسبوع خصوصا لو تبغو a
أنا ذاكرت قبل ب3 أيام وبرضو كنت حاسة إني ماحليت شي ورحت مواصلة ومرهقة نفسيا وجسديا فكان الأختبار صعب عليه :( الله يستر من الدرجة
(طبعا كل شخص مستواه يختلف عن الثاني فكل مادة بس هذي تجربتي الشخصية )

مره ثانية يعطيكِ العافية كفيتي ووفيتي ربي يوفقك ويوفقنا أجمعين

[sara amro]

السلام عليكم ورحمة الله وبركاته
تسلمي حبيبتي على موضوعك ..
انا كمان بحط تجربتي بخطة الف عشان الناس تستفيد ان شاء الله

في البداية الحمدلله خطة الف سهله نوعا ما .. .. اهم شي مادامك دخلتي الجامعه كلااااااام البنااااااات ابعديي عنووو مرررررة ..
خليكي باجتهادك وحرصك وابدا لا تسمعي كلام البنات يقولوك سهل ما يحتاج مزاكرةومن دا الكلام مالك دخل فيهم ..

حتكلم عن كل ماادة .. اول شي لازم تعرفيه انو الدوري الأول في كل المواد داااايم اسهل عان كددا لازم تضمني فيه الدرجة العااليه .. في كل المواد بدون استثناء ..


اول شي .. مهارات الاتصال .. ركزي مع دكتورتك .. انا برايي ماتفرق مين دكتورتك ومو مهم تحولي من وحده للتانيه .. اهم شي في مهارات الاتصال انك تزاكريييه اووول باااول لنو لو اتراكم حيسير شي بطال .. انا اتراكم عليا في النهائي ومررررررررة تبعت ليلة الاختبار فعشان كدا لو انتي مزاكرتو اول بأول مرة محا تتعبي ..

تاني شي الحاسب ..
الحاسب سهل كمان ... وحتى الحاسب ما تفرق الدكتورة اللي انتي معاها .. العملي لازم تززاكري من السلايدات وتطبقي كل شي موجود فيها عشان تدخلي الاختبار وتضمني انك تعرفي تعملي كل شي .. ولازم يتزاكر اول بأول ولازم يتطبق اول بأول نيييحة لازم تطبقوا كل شي تاخدوه اول بأول .. وكمان مرة كويس لو حلتو التطبيقات والواجبات بالذات في الوحدات الاكسل والاكسس يحتاجلها حل كتير ..
اما النظري ...فيه كتير أشياء منو من العملي الرموز و الاختصارااات مهممممه جددددا ..انا كنت اذاكر النظري برضو من السلايدات اشوف التعارييف والأشياء النظرية اذاكرها والعملي كنت امشيه . .. في اخر باب الأستاذة قالت ذاكروه من الكتاب احسن ..


ثالث شي .. الفيزياء .. مررة مادة حلوة الحمدلله انا كنت اذاكر من ملخصات اشرف بركات مرررة كويسة وكمان ملخصات هناء فرحان ..وفيه كمان سلايدات أستاذة ليلى جعبور كوييسة .. ولاااااازم في الفيزياء التست بنك مرررة مهم مهم مهم وفيه كمان ملزمة نماذج هناء فرحان كمان مررررة مهمه تجي منها تقريبا نفس الأفكار .. الكتاب مرة ما يتزاكر منو .. الفيزيا الدوري الأول لازم تضمني فيه الدرجة العالية ولازم تفهمي الباب التاني والتالت كويييس لنو بقية الأبواب كلهاا مترتبة علييها ..



رابع شي الرياضيات ... الرياضيات اهم مصدر الكتاب و الورك شوب مررررررررة مهممم
افهمي مع دكتورتك وبعدين ارجعي حلي التمارين اللي في الكتاب ولمن تخلصي الدرس حلي الورك شوب
ابدا الرياضيات لا تراااكميييه اببدااا

انا في النهائي كمان اتفرجت على المراجعة تبع البروفيسور حمزة أبو جبل مررررررة كوووويييسة ترتب الأفكار هيا والورك شوب ..


تقريبا خطة الف لااااااازم تزاككري كل شي اول بأول .. وان شاء الله انها سهله اهم شي لا تسمعي كلام البنات وركزي في موادك وبس ..

[خديجة العيدروس]

فاتحة , روان , سارة
ممممممممراا شكرا
جزاكم الله خير ويارب تدخلوا للتخصص إلي تطمحولو ..

[Sma609]

إن كيدكنّ عظيم

[فاتحة]

المشاركة الأصلية كتبت بواسطة rawang تسلمي حبيبتي موضوع مفيييددد جدًا وكل طلاب وطالبات خطة ب لازم يقروه .. فيه أشياء كثير قلتيها أتمنى إني سويتها زي موضوع الحضور فمهارات الاتصال حضرت كل الترم بس الفصول الأخيرة كانت مراجعة سريعة لأنها على آخر أسبوع كانت تعتذر كثير فأدتنا المهم فمحاضرتين وللأسف ماحضرتهم وأغلب أغلاطي كانت عالجزئية الأخيرة للأسف :( والاختبار مايكفيه قراءة وبس لازم تركزي فكل جملة لانه يقلبو المعلومة رأسا على عقب وضروري يكون كتابك النسخة الجديدة لأنه مختلف تماما عن النسخ القديمة والحاسب نفس المشكلة أدتنا محاضرة واحدة آخر الترم لأنها مسافرة بس خلتها بدل ساعة وثلث لساعتين وثلث! وماقدرت أحضر صراحة وقتها مره كان غلط ! عمومًا نزلت الدرجات وكان نفسي أجيب أعلى بس الحمدلله على كل حال وشدو حيلكم عشان مو بعد ماتنزل الدرجات تكونو زيي وتقولو ياريت ولو لأنو يأثر على نفسيتكم نصيحة أخيره حابة أضيفها بعد أذنك.. كونو متصالحين مع نفسكم ولاتضغطو على نفسكم لأنه حتى الضغط الزايد يأثر حتى لو مذاكرين الرياضيات مثلا زي ماقلتي دسمة ويبغالها حل تمارين كثيييرة عشان تستوعبيها مزبوط يعني صيرو دوافير وأقل شيء ذاكرو قبل بأسبوع خصوصا لو تبغو a أنا ذاكرت قبل ب3 أيام وبرضو كنت حاسة إني ماحليت شي ورحت مواصلة ومرهقة نفسيا وجسديا فكان الأختبار صعب عليه :( الله يستر من الدرجة (طبعا كل شخص مستواه يختلف عن الثاني فكل مادة بس هذي تجربتي الشخصية ) مره ثانية يعطيكِ العافية كفيتي ووفيتي ربي يوفقك ويوفقنا أجمعين

شيء عجيب الآقي وحدة زي مغامرتي
بالضبط اسمعو يا خطة ب مالكم عذر بعد هالكلام ما تجيبو 100
آمين يارب شكراً لك انتي كمان الله يسعدك

[أسرار سامي♥]

السلام عليكم ورحمة الله وبركاته ♡
فاتحة " رب يفتح كل أبواب الخير لك "
قلتي كلام كثير بقلبي ♡
و فعلا كثير كثير كنت اشوف بنات طول الوقت تتحطم
و ألقى درجاتهم فل مارك أو ناقصين درجة ردجتين !
و طول الوقت يحطموا فيك !!
و كمان افتكر اول اول يوم نداوم في الجامعه
جلست مع بنات كل وحده تسب في الجامعه
لا و وحدة تقول الجامعه تحمد ربها أنها دخلت
ههههههه ! و انا مستغربه لأن كثير صحباتي كان نفسهم
يدخلوا و ما انقبلوا و الكل يبى يدخل الجامعه !
بس ايش تقولي !
فأنتي خليك بنفسك و مالك و مال لبنات
و فعلا الترم الثاني كنت أكثر وقتي لحالي
من محاضرة لمحاضرة و أرجع البيت و لا علي من البنات
و الحمد لله معدلي اترفع كثير ♡
شكرا كثير على تجربتك و اتمنى الكل يشاركنا
رب يسعدك و يقر عينكم بمعدل عالي ♡

[فاتحة]

سارة

شكراً لك الله يسعدك ماشاء الله مع انو فيه اختلاف بيني وبينك عن طرق للمذاكرة فما اعرف اللي قلتي عنهم وواضح انك في الشرفية

وعشان كذا اتمنى الواحد يمشي بعقله فين مصلحته وكيف يغطي كل أفكار الدروس .. مو تسمع لفلان وعلان زي الإمعة ومنت داري
موضوعي كللله اكتشاف + مغامرة .. عشان اشوف الطريقة المناسبة لي


خديجة

آمين يارب وياكي بالتوفيق في مواد خطة ألف :)

أسرار

الله المستعان وأول يوم كمان يسبو في الجامعة!
هذولي عندهم مرض والله
وهذا غير لما تتكلم في طريقة المذاكرة .. ماعندهم سالفة .. وهذا سبب كرهي لمجموعات الواتس يقلبوها حلطمة وسباب في الجامعة وجدول الاختبارات وجدولهم الاساسي
مدري ليه مجبورين يجون أجل !
أغلب اللي شفت يقولو لا تحاولي صاحبة الواسطة بتاخذ المقعد :)

وابشرك لمن الحين الاشكال ذي موجودة فصرت لما أشوفهم اضحك ما باقي غير اجيب لهم حبل عشان يشنقو فيه نفسهم << ما استبعد يسووها

ربي يخليك انتِ وكلامك العسل ويعلي مراتبك في الدنيا والآخرة آمين يارب