من مكة لاهل جدة ( طالبات الميكرو)مساعدة الله يوفقكم

[سيزالبينيا]

السلام عليكم ورحمة الله وبركاتة

كيفكم ياهل جدة ......ايش علومكم مع الرطوبة ....

الله يسعدكم ويوفقكم ابغى منكم مساعدة ....والله راح ادعيلكم من قلبي

انا عندي مشروع تخرج جامعة ام القرى احياء عام عن الاجهزة المستخدمة في الميكرو

وطبعا بما ان جونا جاف وناشف كمان معاملنا ناشفه من الاجهزة الضخمة ...وصادف اني جيت جامعة الملك عبد العزيز ودخلت على معامل ميكرو وشفت اجهزة رهييييييييييييييييييبة الله يبارك لكم فيها
بس مالقيت احد استفسر عنها وماقدرت اصورها .....

انا راح اوصف مكان المعمل اللي دخلتة واذا احد عرفه ياليت الله يوفقها تساعدني بصور اذا تقدر او على الاقل توصف الاجهزة واستعمالاتها ...

الوصف :( قبل لا اوصف تراني توهت في جامعتكم دخلت من الغربية وخرجت من الشرقية ادور انا من فين دخلت )

المعمل في كلية العلوم انا دخلت من مكان بحيث كان المعمل على يميني في الركن وكان فيه غرفة لصيقة بالمعمل ولمن تدخليها لها باب ثاني يفتح على المعمل نفسة

المعمل كان فيه اجهزة كبيرة ضخمة تشبة الثلاجات اعتقد انها للتعقيم وكان فيه كبينتين
وكمان فيه اجهزة ثانية ماعرفتها

الله يوفقكم ماني طالبة الا شي سهل تقدرون تسيرون عليه .............قولو تم

ان شاء الله لكم مو للذيب

ولو فيه اي عضوة حابه تفيدني بواسطة الايميل اكن لها من الشاكرين الداعين لها بالخير

استنى ردكم لا تخيبو ظني فيكم بليز

[banoota mnkoosha]

اهلا بالقمر ... نورتي المنتدى والجامعة كمان :)

والله للأسف ما اقدر اساعدك في شي لاني كيميا حيوية ...

ان شالله بنات البايو يساعدوكي ..... بالتوفيق ياسكر ...

وعلى فكرة جو جدة حلو دي الايام :)

[سيزالبينيا]

اهلين ببنوتة منكوشة .....كيفك
والمنتدى منور باهله .....

شكرا حبيبتي على الرد الله يوفقك

هااااااااااااااااااااااااااا يابنات جدة ..لا تقرأو وتسحبون ..............والله مااقدر اطلع جدة

يالله اللي تجيب لي معلومة اللي تبغاه من مكة ارسله لها >>>>>حلويات ها لا يروح بالكم لبعيد

[:. مآء السمآء .:]

المعمل في كلية العلوم انا دخلت من مكان بحيث كان المعمل على يميني في الركن وكان فيه غرفة لصيقة بالمعمل ولمن تدخليها لها باب ثاني يفتح على المعمل نفسة المعمل كان فيه اجهزة كبيرة ضخمة تشبة الثلاجات اعتقد انها للتعقيم وكان فيه كبينتين وكمان فيه اجهزة ثانية ماعرفتها

ياقلبي انت هذا وصف كل المعامل

انت ايش اللي تبغيه بالضبط وأحاول اجيبلك هو

مع اني تخرجت بس اشوفلك البنات

[سيزالبينيا]

المشاركة الأصلية كتبت بواسطة :. مآء السمآء .: ياقلبي انت هذا وصف كل المعامل ههههههههههههههههههههههههههههه كخخخخخخخخخخخ والله طلعت توووووووحفة انت ايش اللي تبغيه بالضبط وأحاول اجيبلك هو مع اني تخرجت بس اشوفلك البنات

شكراَ حبيبتي على المساعدة انا ابغى اسماء الاجهزة الضخمة اللي في معامل البايو انا دخلت معمل وشفت هذي الاجهزة فيه وكانت تشبة الثلاجات كبيرة اعتقد انها للتعقيم بس ابغى تفصيل في الموضوع

يعني اسماء الاجهزة وفيما تستخدم

وشاكرة لك ياروحي على المساعدة والله يوفقك للخير يارب

[جامعيه>]

اهلين اختي.......

الثلاجات الكبيره..فيها نوعين..فيه منها ثلاجه حقيقه..وشكلها مثل اللي موجوده في المنازل عاديه يعني..ونستخدمها لحفظ العينات..

اما النوع الثاني اللي شكله مثل الثلاجه..اسمها حضانات يعني حضان..نحضر فيه العينات..سواء فطريات او بكتريا ..يعني لو بنمي مزرعة فطر احطها على درجة 25 ...ولو بنمي مزرعه بكتريا احطها على درجه 37

اتمنى اني جاوبتك..

واذا تبين اي خدمه انا حاضره..

[الروح]

فيه جهاز كبير بمعمل المايكرو اسمه الاوتوكلاف

[سيزالبينيا]

مشكورين والله على التجاوب اللطيف ...الله يوفقكم ويحميكم
بصراحة انا اقصد المعمل اللي فيه كبينتين لتحظير المواد اكيميائية ............والله ماني عارفة ايش رقم المعمل واسمة بالتحديد ................يامغيث

[الروح]

أختي أنا قسمي مايكرو وأشوف الأجهزه ( والجهاز الي نستخدمه بكثره الأوتوكلاف) وفي الحضانه الي نحط بداخلها البيئات . على فكره توني متخصصة بس أقدر أساعدك