مبروك تغير مسمى القسم الى [ علم المعلومات ] في موقع + منتدى الجامعة (:

[تفآحة نيوتن}~]

اهلآآ بكل المعلوماتين


مبروك تغير مسمى القسم الى علم المعلومات في موقع الجامعة


هنــا



وبالتالي تغير المسمى في قسمنا في منتدى الجامعة


يلا نبدء صفحة جديدة بالمسمى الجديد


وندي للناس صورة حسنة عنو


>> وربي يفتح النفس مو زي الي قبلو تحسين انك منجد معلوماتيه محترمة



دحين حسيت انو صح اسمو علم المعلومات

مو زي اول نقول قسمنا علم المعلومات

ايه ايش ذا اول مرة اسمعو

ونضطر نعدل ونقول مكتبات ومعلومات




* شفتي يا misslolo دحين غيرو المسمى لعلم المعلومات

<< اتضاربنا في الجامعة هيا تقول في موقع الجامعة كاتبين علم المعلومات

وانا اقولها لاا مكتبات ومعلومات

<< الهرجة كانت بداية الترم




<< الي تجي دحين وتقول ايش علم معلومات ايش القسم ذا

الله العالم ايش اسوي بها

قبل كنا مقدرينكم معليش مايعرفون الجامعة ماهي كاتبة المسمى الجديد

دحين مو معاكم عذر




,


,



واخيراا الف مبروك للناجحين وحظ اوفر لحقين الـ F

[.,.نيــــــــــــــــــــران.,.]

الف مبروووووك :)

قبل لا يتغير المسمى رسمي كنت لو قلت على قريبتي انها تخصص مكتبات تدخل في عيني

[misslolo]

من جد ألف مبروك

[تفآحة نيوتن}~]

المشاركة الأصلية كتبت بواسطة .,.نيــــــــــــــــــــران.,. الف مبروووووك :) قبل لا يتغير المسمى رسمي كنت لو قلت على قريبتي انها تخصص مكتبات تدخل في عيني

وانا معاها بدخل في عينك الثانية


الله يبارك فيكِ

[تفآحة نيوتن}~]

المشاركة الأصلية كتبت بواسطة misslolo من جد ألف مبروك

الله يبارك فيك

[معلوماتيه]

تغير المسمى وبعدين فيه مجالات وظيفيه راح تنفتح ولابتنحصر من بعد هالمسمى
الله يستر بس هههههههههه

[تفآحة نيوتن}~]

المشاركة الأصلية كتبت بواسطة معلوماتيه تغير المسمى وبعدين فيه مجالات وظيفيه راح تنفتح ولابتنحصر من بعد هالمسمى الله يستر بس هههههههههه

اهلا فيك


الوظيفة عمرها مانحصر بملف اخضر علاقي واروح اجري بها بين الشركات والمؤسسات


انا عن نفسي حتوضف قبل ماتخرج ..

تستغربين وي ايش الهبل ذا غيرك لهم خمس سنين

ماتوضفو.

بكل بساطة لاني ماحصرت نفسي بشهادتي الي استناها بعد التخرج

واوزعها في كل مكان واجلس في البيت واتشكى مافي وضايف , هذا مصيرنا

في البيت جالسين لين ما استنى تليفون يقولي انقبلتي تعالي.



انا احب القسم بعد التغير طبعا حبيته وخصوصا انو دخل فيه مجال الحاسب

مو حبيته الا عشقته .. انتي لو كنتي تحبي الخياطة وتعشقيها راح تتفنني في انواع التطريز

الانسان كذا .. وكلنا كذا

بصراحة اقولك انا ماستنى شهادة التخرج عشان اروح اوزعها في كل مكان واتوضف

واحصر نفسي بمكتب وكرسي ويلا سوي المطلوب.


انا اطمح انو انا اعملي مشروع خاص فيا ابدع فيلو اطوره

اطلع كل الي استفتدو في دراستي فيه

وقتها صح احس اني انجزززت ودراستي ماضاعت هدر



حبيبتي اذا انتي بتفكري انو مافي وضايف الا في الشركات والمدارس

فاسمحيلي وعذرا تفكيرك جدااا محدود.


احنا في عصر المعلومات زي مايقولون وعصر الانترنت

الانترنت لوحدو ذا تلقي فيه مئات الوضائف وبرواتب اعلى

من الي تاخذيها من المدرسة ولا الشركة. الي ماتأكل عيش



ابسط حاجة تعملي مشروع اعداد قواعد بيانات ..

في الانترت وشوفي الكم من الشركات الي حتتعاقد معاك ,

وكم من المبلغ الشهري الي حينزل في حسابك. هذا ابسط حاجة


انا عن نفسي طلقت العمل ابو ملف اخضر علاقي.


لو بشتغل حشتغل بالأنترنت. هناك صح تبدعي لانو ببساطة مشروعك

انتي فأكيد تبغي تطوري تزيدي مكسبك تعتبريه جزء منك.






كلمة وحدة حقولها لك بصراحة :-


لو ضليتي بذا التشائم ,, فلا تعبي نفسك لانك ماحتتوضفي ابداا


كلمة اقولها وانا موقنة بها 100%


مو لأني قريتها في كتاب لا لأني جربتها وماحصلت الي ابغاه

الا بعد مانزعت التشائم وتفائلت وقويت يقيني بالله ثم بحصولي على الي ابغاه

وقتها صح ربي كان عند حسن ضني وحصلت على الي ابغاه

واتذكري ذا الكلام ( تفائلو بالخير تجدوه )




ورجااااء من اخت لأختها احباطك وتشائمك ذا لاتنقليه هنا للقسم

لأنو ماحيجيب نتيجة ايجابية للقسم ولا لطالبات القسم .



ربنا يوفق الجميع

[misslolo]

وانا عملت موضوع خاص انصحها فيه بس مالقيت رد وحبيت انقل موضوعي لرد

انتي يامعلوماتية دائما متشائمة ترى معظم الاشياء الا تفكري فيه راح تتأثري بها فخليكي ايجابية دائما
واذا قعدتي تفكري بعدم وجود وظائف ماراح تلاقي وظيفةوراح تأثيري على غيرك وانا حفظتك من كثر ردودك السلبية
وترى الارزاق بيد الله ولوربي كاتبلك رزق راح تأخديه


ومعظم ردودك تحسسني بإنك انتي مجبورة فلا تعطي هذه الصورة السيئة عن القسم

[معلوماتيه]

انا اطمح انو انا اعملي مشروع خاص فيا ابدع فيلو اطوره اطلع كل الي استفتدو في دراستي فيه وقتها صح احس اني انجزززت ودراستي ماضاعت هدر حبيبتي اذا انتي بتفكري انو مافي وضايف الا في الشركات والمدارس فاسمحيلي وعذرا تفكيرك جدااا محدود. احنا في عصر المعلومات زي مايقولون وعصر الانترنت الانترنت لوحدو ذا تلقي فيه مئات الوضائف وبرواتب اعلى من الي تاخذيها من المدرسة ولا الشركة. الي ماتأكل عيش ابسط حاجة تعملي مشروع اعداد قواعد بيانات .. في الانترت وشوفي الكم من الشركات الي حتتعاقد معاك , وكم من المبلغ الشهري الي حينزل في حسابك. هذا ابسط حاجة انا عن نفسي طلقت العمل ابو ملف اخضر علاقي. لو بشتغل حشتغل بالأنترنت. هناك صح تبدعي لانو ببساطة مشروعك انتي فأكيد تبغي تطوري تزيدي مكسبك تعتبريه جزء منك.

انتي تقدري تاخذي دورات ودبلومات وتفتحي دومين عشان تعملي قاعدة بيانات
لكن غيرك مادياً مو مقتدر ولااتكلم عن نفسي
لان الوظيفه قبل لاتكون استقرار مادي هي اثبات للذات وللمهارات الي اكتستبها بدراستي
ياليت تفكيرنا يتعدى ارنبة انوفنا شوي ولايكون قاصر على المحيط الي حولنا ..

ورجااااء من اخت لأختها احباطك وتشائمك ذا لاتنقليه هنا للقسم لأنو ماحيجيب نتيجة ايجابية للقسم ولا لطالبات القسم .

وظنك المواضيع الي بالقسم طلع منها نتيجة ايجابيه احصري لي المواضيع القيمه بالقسم
كلها طلب مشوره بمواد حرة ودكتورات ههههه من جد لاقالوا شر البليه مايضحك
كلنا جامعيين وبسن واعيه مااظن ارائي المحبطه على قولتك ممكن تأثري فيهم
لأنو لو كل شخص قرأ رد او مقولة من شخص مجهول ومجرد يوزر مايعلم هاليوزر
فعلاً جامعي او لا وصدقه واقتنع بكلامه وقتها لاتهتمي ولاتشرهين عليه هههههه