اللي اختاروا العلوم الطبية التطبيقية ؛)

[R..F]

السلام عليكم ورحمة الله وبركاته .
كيفكم بعد ماخلصتو تحضيري ؟

موضوعي باين من عنوانه طبعا كلنا اكيد سكنّا وقفل التسكين .
انا قلت اسوي موضوع للي اختاروها اول رغبه نتجمع ونفيد بعض
كل شخص اختار دي الكلية ليش ؟، و ايش القسم اللي حاب يختاره مستقبلا ..والاسباب؟
واذا احد عنده معلومات عن اي قسم من اقسامها او سمع عن تجربة احد فيها كمان يقولنا :)

لاني بصراحة دخلت مواضيع قسمهم ، حسيتها شبه خاملة يمكن لظروف الاختبارات وكدا .
المهم ...

*الكلية تحوي هذي الاقسام :
تقنية مختبرات / اشعة تشخيصية / علاج طبيعي / تغذية اكلينيكية (هذا للبنات)
اما للاولاد نفس الاقسام ، بدون التغذية .

*مدة الدراسة :

التحضيري + ثلاث سنوات دراسه + سنة امتياز = 5 سنوات.
طبعا دوام البنات في كلية العلوم الطبية التطبيقية حيكون مع الكليات الطبية، مو في الشطر .

*الخطة الدراسية :

تلاقوها في موقع الجامعة لكل قسم حاطين الخطة كاملة

المختبرات:
http://mlt.kau.edu.sa/Pages-الخطة-ال...المختبرات.aspx

الاشعة :
http://rad.kau.edu.sa/Pages-خطة-دراس...ة-تشخيصية.aspx

العلاج الطبيعي :
http://pt.kau.edu.sa/Pages-خطة-دراسية-علاج-طبيعي.aspx

التغذية الاكلينيكية :
http://nut.kau.edu.sa/Pages-الخطة-الدراسية.aspx

*بالنسبة للجداول :

جداولهم ثابته تنزلك المواد ، يعني مافي حذف واضافة وما اضافه .

هذي المعلومات اللي عندي واذا كان فيه خطأ ياريت تصححولي .

* الاسباب الشخصية الي خلتني اختارها:

اول شي انا اميل للاقسام الطبية ، احسها تشدني ، مع انه الحمدلله نسبتي حلوة وتدخلني طب وهذا من فضل ربي ، ولكن فيه اسباب كثير تخليني اتراجع عنه واحب الطبية تطبيقية اكثر :
اول حاجة انا انسانه ماعندي استعدااااد اذاكر يوميا .. كذا ما احب ، لكن وقت الجد جددد اروح امسك الكتب وما ارحم نفسي . ادري انه متعب لكن كل واحد وطريقته
وبكذا الطب ماحيناسبني ابدا . ثاني سبب خلاني اختارها وهو الاهم اني ف هذي الاقسام مارح اتعامل مع المريض بشكل مباشر . يعني الاغلب يكون مع الاجهزة وهكذا .


انا محتارة بين الاشعة و المختبرات ..
هذي الفترة مقررة المختبرات ، لكن الله اعلم لسى قدامنا 3 شهور يمدينا نفكر كويس.
اللي عجبني في المختبرات انه لها ماجستير . يعني لو واحد حب يكمل يمديه .

اخر شي ان شاءالله ننقبل كلنا في الكليات اللي نفسنا فيها ،
واستناكم :)

[ReRe.H]

جزاك الله خير الموضوع مرة جميل
انا حطيتها ثاني رغبة .. مع انه مو عاجبني فيها الا العلاج الطبيعي
الاشعة حلوة مرة بس اختي اكبر مني بسنتين ودراسياً بسنة داخلة اشعة
اللي عندو اي اسئلة عن الاشعة يسأل وانا اسئلها
Rf يعطيكِ العافية والله يوفقك ويكتب لك اللي فيه الخيـــــر

[الاء وليد فخراني]

احس قسم الفيزياء الطبيه شبيه تقريبا بقسم الاشعه<< انا اخترت فيزياء طبيه لاني مرا احب الفيزياء ويندرج تحت هدا القسم في الماستر علاج اشعاعي وغير البورد الامريكي والكندي وشي مرا مطلوب في سوق العمل كتير من صحباتي لاموني اني اخترت كليه العلووم مع العلم موزوني عالي والحمدلله بس بجد الفيزياء الطبيه شي رائع وشكرا

[Hatoon hamed]

انا كمان اخترت علوم طبيه تطبيقيه .. و إن شاء الله ناويه قسم اشعه ..
ما ادري كدا سبحان الله حبيت دا القسم .. مع اني في الثانوي كنت معارضه ..
وقلت مستحيل ادخل شي فيه اشعه .. لانو ابلتي قالت دا مرررا حلو ..
و خلاص دحين قررت ادخلو .. يااارب تتحقق امنيتي و اصير اخصائيه اشعه واكون ناجحه فيه ..
ومررررا شكرا عالوضوع الحلو دا ..
حابه اعرف كم طالبه تنقبل في القسم ؟ كل سنه يعني .. في العلوم التطبيقيه عموما

[R..F]

المشاركة الأصلية كتبت بواسطة Hatoon hamed انا كمان اخترت علوم طبيه تطبيقيه .. و إن شاء الله ناويه قسم اشعه .. ما ادري كدا سبحان الله حبيت دا القسم .. مع اني في الثانوي كنت معارضه .. وقلت مستحيل ادخل شي فيه اشعه .. لانو ابلتي قالت دا مرررا حلو .. و خلاص دحين قررت ادخلو .. يااارب تتحقق امنيتي و اصير اخصائيه اشعه واكون ناجحه فيه .. ومررررا شكرا عالوضوع الحلو دا .. حابه اعرف كم طالبه تنقبل في القسم ؟ كل سنه يعني .. في العلوم التطبيقيه عموما

ماشاءالله حلوو الاشعة ، انا في بداية التحضيري كنت مختارته
بس الحين غيرت ، وممكن ارجع افكر تاني فيه

شوفي دا الفيديو طلاب سووه عن قسم الاشعه امس لقيته في المواضيع القديمة

http://www.skaau.com/vb/showthread.php?t=596767

اللي اعرفو وحسب ماقرات انه الاشعة يقبلو بناات قليل ، اقل من باقي الاقسام
بس كم بالضبط ما اعرف

[R..F]

المشاركة الأصلية كتبت بواسطة الاء وليد فخراني احس قسم الفيزياء الطبيه شبيه تقريبا بقسم الاشعه<< انا اخترت فيزياء طبيه لاني مرا احب الفيزياء ويندرج تحت هدا القسم في الماستر علاج اشعاعي وغير البورد الامريكي والكندي وشي مرا مطلوب في سوق العمل كتير من صحباتي لاموني اني اخترت كليه العلووم مع العلم موزوني عالي والحمدلله بس بجد الفيزياء الطبيه شي رائع وشكرا

الصراحة ماقد قرأت عن هذا التخصص لكن لي قريبة تدرسه بجامعة ام القرى
ومبسووطة فيه ،
اهم شي تدخلي قسم انتي حابته وما عليك في كلام الناس
الله يوفقك يارب

[R..F]

المشاركة الأصلية كتبت بواسطة rere.h جزاك الله خير الموضوع مرة جميل انا حطيتها ثاني رغبة .. مع انه مو عاجبني فيها الا العلاج الطبيعي الاشعة حلوة مرة بس اختي اكبر مني بسنتين ودراسياً بسنة داخلة اشعة اللي عندو اي اسئلة عن الاشعة يسأل وانا اسئلها Rf يعطيكِ العافية والله يوفقك ويكتب لك اللي فيه الخيـــــر

وجزاااكِ يا جميلة
وانا كمان تحمست للعلاج معاك فترة ، بس دحين خلاص
ربنا يوفيئك انتي واختك .
ياريت لو تساليها قد ايش الي ينقبلو ف الاشعة تقريبا؟
وشكرا

[رويدا علي]

هذا لقيته في القسم حقهم
http://www.skaau.com/vb/showthread.php?t=92389
وفي عدد الطالبات
في التعليق رقم 14
الأخت kau mzat

[Hatoon hamed]

مرررررا شكرا صاحبة الموضوع و كمان اخت رويدا ..
والله استفدت مرررا كتير .. يسلمو ايديكم ..
ربي يوفقكم ويسهل لكم ..

[ReRe.H]

المشاركة الأصلية كتبت بواسطة r..f وجزاااكِ يا جميلة وانا كمان تحمست للعلاج معاك فترة ، بس دحين خلاص ربنا يوفيئك انتي واختك . ياريت لو تساليها قد ايش الي ينقبلو ف الاشعة تقريبا؟ وشكرا

اوبا ليه دحين خلاص !
ويوفقك يارب
تقول كلاسها تقريباً 17 طالبة ..