خدمه بسيطه منكم ممكن ( طالبه من السنه التحضريه )

[محاميه المستقبل]

السلام عليكم ورحمه الله وبركـــــاته

اللهم صلي وسلم على سيدنا محمد عليه أفضل الصلاة والسلام

ممكن استفسر منكم يا اهل القانون

اولا:

انا طالبه من السنه التحضيريه تخرجت الحمد الله ودخلت كليه الاداره والاقتصاد

ثانيا:

1) ممكن اعرف بحسب خبرتكم يعني اللحين وش وضعي ادرس ترم عام والثاني تخصص (متلخبطه)؟

2) طيب اذا بدرس ترم عام ايش المواد اللي ادرسها وهل يمكن ان اضيف او احذف ؟

جآآوبوني وكلي شكر

:
:
اختكم في الله محامية المستقبل

[بحر الحرية]

أهلين أختي..
وألف مبروك إنك خلصتي التحضيري، والله يسهلك الباقي يارب..

بالنسبة لكي دحين، أول شي يبغالك تدخلي واحد من تخصصات كلية الاقتصاد والادارة، ( أنظمة، ‘دراة أعمال، محاسبة، .... إلخ) وما أعرف اداا نزلت التخصصات عندكم ولا لساا باقي..

ع العموم لو دخلوكي أنظمة ( قانون) خلاص بكداا انتي تعتبري متخصصة قانون، وحتبدئي تدرسي المواد بشكل عادي يعني، حتلاقي مواد تخصصية بحتة ( قانونية) ومواد أساسية اللي يسموها متطلبات الجامعة زي الثقافة الإسلامية واللغة العربية، ومواد اختيارية ( مواد تلاقيها أسفل الخطة الدراسية لكل قسم، تختاري منها عدد محدد من الساعات)، ومواد حرة ( أي مادة تعجبك من خارج كلية الاقتصاد والادارة كمان انتي اللي تختاريها ولها عدد محدد من الساعات)

يعني باختصار: إدا دخلوكي أنظمة دي المواد اللي راح تدرسيها ( الخطة الدراسية) وحتلاقي فيها المواد الاختيارية:
http://economics.kau.edu.sa/content.aspx?Site_ID=120005&lng=AR&cid=37895

وبالنسبة للحذف والإضافة، ف العادة قبل بداية كل ترم بأسبوعين أو تلاثة يفتحوا الحذف والإضافة عن طريق الـ (odus)، وتقدري انتي تنزلي المواد اللي تبغيها زي الموجودة في الخطة اللي على الرابط فوق، وحتلاقي مواد ما تقردي تنزليها لين تاخدي مواد قبلها، ودي اللي يسموها متطلبات المادة، يعني لو رحتي للرابط اللي فوق حتلاقي مادة اسمها مصادر الالتزام وحتلاقي في المتطلبات السابقة مكتوب نظم 101، معنى داا الكلام إنك ما تقدري تنزلي ف جدولك مادة مصادر الالتزام لين تاخدي المادة اللي رمزها نظم 101 اللي هيااا مادة مبادئ القانون .. وزي كداا ف بقية المواد، واللي ما يجي مكتوب ف المتطلبات السابقة شي، يعني تقدري تنزليها مباشرة.. زي القانون التجاري، القانون الدستوري، مبادئ القانون .. إلخ

أتمنى أكون جاوبتك على سؤالك، وإداا في أي استفسار تاني لا يردك شي..

بالتوفيق يااارب؛؛

[..عـ أنثى ـذوبة..]

ياليت تخبرووونااا ولو تقريبي كم المعدل المطلووووب لدخول القسم القانون؟؟..

[المشاغب 9]

المعدل فوق ال4 عند البنات والقسم مايقبل الا50طالبه كل ترم

[بحر الحرية]

المشاركة الأصلية كتبت بواسطة ..عـ أنثى ـذوبة.. ياليت تخبرووونااا ولو تقريبي كم المعدل المطلووووب لدخول القسم القانون؟؟..

زي ما قلك المشاغب، ف الغالب عند البنات فوق 4
بس ترى تختلف من سنة لسنة، وإنشاا الله تكوني من بين اللي يقبلوهم ياارب؛؛