اتمنى احد يسااعندي في استفساري هذا عن مواعيد المحاضرات ؟؟

[مدلعة قلبها]

السلام عليكم ورحمه الله

طالبتكم في خدمة

انا من زماان ابغى قسم الانظمه لكن الوالد رافض هذي الفكره

عشان بعد بيتنا عن الجامعه

ووافق بشرط

تكون محاضراتي كلها قبل 3 العصر

هل ينفع هذا الشيء


انتوا ادرى بجدول محاضراتكم

عطوني خبر ياااابناااااااانت ساعودني

مااقدر ادخل القسم الا واوقات المحاضرات بدري

اتمنى تردوا عليه

شااكره لكم مقدمآ

[Legal Attorney]

اصلن ما اعتقد البنات يداومو بعد العصر او المغرب

[مدلعة قلبها]

ياااارب الله يسمع منك

[سكووت]

اول شي المفروض تشرحي للوالد انو دا مستقبلك ومايصير يحرمك من طموحك بسبب بعد او قرب الجامعة لانو بكرا يوم تتخرجي حتقولي ماتخصصت الشي اللي ابغاه عشان الجامعة بعيدة ؟! جدا شي يقهر..اطلبوا العلم ولو في الصين
عالعموم في الجامعة اخر محاضرة عادة تكون من 2 لمن 3 ..انتي يوم تتخصصي رتبي محاضراتك لمن قبل 3 ..يعني لمن 2 او 1 ..تزبط ان شالله.. لكن في احيانا اختبارات تكون من 3 لمن 4 .. ومرة اختبرت من 4 لمن 5 ..لكن نادر مو دايما وتكون في الدوريات على حسب الاستاذة ..
انتي متخصصة ادارة وانتساب ؟لازم ترفعي معدلك وتصيري انتظام لانو مافي قانون انتساب ..

[مدلعة قلبها]

شاكره لك ردك

وعارفه المقوله هذي لكن الوالد دائمآ خارج السعودية

بحكم طبيعة عمله عشان كذا هوه كثير القلق علينا

وانا الحمدلله دائمآ عندي امل اني ادخل الانظمه

مع رفض الوالد اكثرر من 3 سنوات بس الحمدلله ربي سهلها عليه

معدلي الحمدلله تمام

بس احد يقدر ينزلي جدول محاضراته احتاجه ضروري والله انتوا راح

تساعدوني وماراح انسى لكم خدمتكم هذي

[سكووت]

زي منتي شايفة انا مرتبة جدولي على سبت واثنين اخر محاضرة من 2 لمن 3 ..
ويوم الربوع من 1 لمن 2 ..يوم الاحد و الثلوث خليتو اوف عشان موادي دسمة واحتاج راحة
انتي تقدري ترتبي بالوضع اللي يناسبكـ ..

[مدلعة قلبها]

مرا شكرا لك

الله يفرجها عليك كل ماضاقت

بس طلب كمان صغيررون اذا تقدري تنزلي جدول

مستوى 3 و 4
الله يوفقك ياارب

[سكووت]

مستوى 3 و 4 كنت ادارة عامة مو انظمة ..دا اول سيمستر ليا بالتخصص..

[مدلعة قلبها]

شكرآ الله يعاافيك