يلا يا تحضيري علمي بنات تعالو أقلكم كيف تذاكرو + كتب للخطتين

[Munirah]

السلام عليكم يا حلوين
أنا أختكم اللي قبل سنه بالزبط كنت في نفس مكانكم والحمدلله دحين خلصت ودخلت طب بشري
وأول حاجه مبروك القبول كلكم ولازم تعرفو إنو الحمدلله كلكم انقبلتو لحكمه معينه من الله عز وجل ! الله اختاركم إنتو من بين آلاف كثير ما انقبلو عشان تتعلمو وتفيدو غيركم بعلمكم

طيب !

أنا لما دخلت التحضيري ما كنت أعرف أحد أكبر مني في الجامعة عشان اسألو كيف أذاكر واش اسوي وعانيت شويه عبل ما عرفت كيف أذاكر فعشان كدا أنا عملتلكم مدونة وكتبت فيها كل مادة كيف تذاكروها مع شوية نصايح وتقدرو تحطوها في المفضلة أو تحتفظو بنفس الرابط عشان في أي وقت ترجعولها
وهدا رابط المدونة

http://preparatoryyearkau.blogspot.c.../2013.html?m=1

وصدقوني التحضيري بإذن الله جداً سهله وفيها بعض الأشياء اخدتوها قبل وكده وحقيقي لو اقلكم ما تصدقو اني لين دحين مني مصدقة اني خلصت التحضيري لانو مره عدت بسرعه في غمضة عين ، أهم شي اتوكلو على ربكم واخلصو النية وثقو بالله وحافظو على حضور المحاضرات يومياً وعلى قد ما تقدرو ذاكرو أول بأول ولو ما فهمتو شي راجعو أساتذتكم

ولو حابين تتواصلو معايا أو تسألوني عن شي دا حسابي على تويتر MunirahFetaini@

http://www.twitter.com/MunirahFetaini

كدا الموضوع انتهى بس بالنسبه للي محتاجه كتب وما عندها تكلفتها تكمل قراية الموضوع لتحت

كتبي حقت العام لسا محتفظة بيها وحاليا مني محتاجتها وأبى أعطيها لوحدة منكم بس أمانه اسالكم عنها ليوم القيامة اللي حديها الكتب أباها منجد تكون محتاجتها وما عندها تكلفتها
يعني لو كنتي حقيقي محتاجتها وما عندك التكلفة دا حسابي عالفيس بوك Munirah fetainiاضيفيني وحقبل وما يهمني اعرف انتي مين بس عشان نتفق احطلك هيا في مكان وانتي تجي تاخديها منو يعني مثلا احطلك هيا في مكتبة الخوارزم في الجامعة وانتي تجي تاخديها منهم بس اقولهم دي حقت وحده بنت حتجي اعطوها هيا بس معليش الافضل يكون في السليمانيه لاني هناك وصعب اروح للشرفية
يعني دحين حعطي كتب خطه ب لبنت وكتب خطه أ لبنت وأول اضافتين حتجيني عالفيس بوك حقبلها وهما اللي حياخدو الكتب بس أمانه زي ما قلتلكم للي منجد محتاجينها


الله يوفقكم

[حكـآية قلب]

يعطيك العافيةةة ...

المدونةة م تفتح مععي يتعذرر ...

و انا ابي كتااب احصااااء ... م عندي فيس ..


وشكرا لج

[Munirah]

غريبه ! اعملي تحديث
او ادخلي من كمبيوتر لو ما زبط عالجوال
ومقدر ارد عالخاص عشان عدد مشاركاتي اقل من 100 بس انتي ارسليلي عالخاص المكان واليوم او الطريقة اللي تناسبك

[Munirah]

حبايبي اللي بترسلولي عالخاص انا مقدر ارد عشان عدد مشاركاتي اقل من 100 وعشان كدا حطيت حسابي عالفيس بوك او تويتر عشان نتفاهم ، فياليت تتفهمو الوضع واني ما بخسر او اتجاهل احد

[رووزانا]

الله يجزاك خير ..

كفيتي ووفيتي و حمستيني , لأني ما كنت ناوية أراجع بس بعد كلامك الجميل فيه بصيص أمل *_^

بإذن الله اختيارك يكون موفق ..