خبر : الغاء واجبات الإحصاء

[Dr.Badr]

السلام عليكم ..

كيفكم مع المزاكرة والإستعداد للإختبارات .. ؟ ان شاء الله كلو تمام

اممم دخل علينا استاذ الإحصاء وقلنا مين حل من دي الأوراق ( الحلول اللي نزلوها للواجب الأول في الشقري )

قال قولو محا اسويلكم شي ،، في اللي رفع يدو وفي اللي ما رفع ..

المهم قال لقيت واجبات كثير محلولة واغلب اللي حالين ، حلو صح !

<< وانا اعتقد انو لو مافي الحلول ما كان وصلت نص الواجبات اللي وصلتلو !

المهم قلنا انا ما اعرف اصحح ايش واخلي ايش ، اغلبها صح والواجبات اللي وصلتني مرآ كثيرة .

قال الواجب ليكم اشوف قد ايش استوعبتو معايا وايش المشاكل اللي تواجهكم حليت صح ولا ما حليت انا محا انقصكـ ، الهدف من الواجبات هيا انها تمرنكم عالإختبار ،، وتديكم بونسات

بس قال خلاص اتلغت الواجبات والبونسات ،، بس بينزلو في الموقع واللي بيحل ويستفيد يحل

ومنتو مطالبين بي ..

صراحة انا اشوف حركة الحلول مالها داعي ، والغاء الواجبات مرآ مو في صالحنا

خلو عندكم العزيمة ، وزاكرو واجتهدو وبلاش الشغل الجاهز دا ..

والله انا ما كنت فاهم من الباب الأول ولا شي ، وانا جي احل الواجب مافي راصي شي

اشتريت ملخص اشرف بركات حق الإحصاء .. وقعدت افهم نفسي بنفسي !

وبدأت احل الواجب من بعد المغرب الين الساعة 1 و ربع << والله بدون مبالغة

ودا كلو عشان افهم انا ايش بأحل مو احط اي شي من راصي وخلاص خلصت الحكاية !

يا جماعة اصحو شوية ،، وخلوكم ناس متعلمين مثقفين ، بدل الجهل اللي عايشين في دحين .

اسف لو اني طولت عليكم ، بس الموضوع ما ينسكت عليه

[sloooom]

بالله ممكن تقولي من فين اشتريت ملخص اشرف بركات وايش اسم الملخص لاني نفسك ماني فاهم الاحصاء

[Ӎṝ.7ṂṍṍḊḽ :)]

صلي على النبي صلى الله عليه وسلم
لاتخاف يمكن يفجعكم شوية وبعدين
تاكد من الخبر من منسق المادة ..
وان شاء الله يكون الخبر مو صحيح
ويعطوكم بونس ويوفقكم يارب

[Dr.Badr]

اشتريتو من الشقري عند بوابة 6
،
،

اللهم صلي وسلم على محمد

الخبر صحيح 100% .. وكان وقتها الأستاذ مضايق شويتين من حركة الواجبات

[a.alshami]

يب حتى احنا نفس الشي مع سعيد الغامدي
بس بصراحة اكووس دكتور بالجامعة :)

بالنسبة لملخصات اشرف بركاتي مرة حلوة وعليها امثلة

[شاهــر]

طيب ياأخ بدر من اللي يدرسكم احصاء

[Dr.Badr]

المشاركة الأصلية كتبت بواسطة a.alshami يب حتى احنا نفس الشي مع سعيد الغامدي بس بصراحة اكووس دكتور بالجامعة :) بالنسبة لملخصات اشرف بركاتي مرة حلوة وعليها امثلة

كويس انتو كمان قلكم سعيد الغامدي عسان كدا يتأكد الخبر 100%

[Dr.Badr]

المشاركة الأصلية كتبت بواسطة شاهــر طيب ياأخ بدر من اللي يدرسكم احصاء

انا اتعمدت اني ما اذكر اسم الأستاذ اللي بيدرسنا ..
ايش حتسفيد لو عرفت ؟

[عاشقة المغامرة]

المشاركة الأصلية كتبت بواسطة dr.badr اشتريتو من الشقري عند بوابة 6

بكم السعر لاني ماني فاهمة شيء في الاحصاء خاصة الباب الاول

[Dr.Badr]

20 ريال × 3 شباتر بس ! << اللي انا اشتريتو من اسبوعين مادري اذا في شي جديد نزل اولا لأ !