سؤال من طالبة محبطة :"(

[shahoooda]

طيب انا فكرت اني احول علوم وبعدين احول لكلية صحية .. لكن الخوف اني ما اقدر احول لعدم وجود اماكن وكدة ... انا خايفة مرررررررة ... لاني ما اعرف ايش هو مستقبل العلوم .. وتاني شي لو ما حولت لكلية صحية انا صراحة اخاف اتندم لانيدخلت شي بس عشان احول وفي الاخير ما انجح فيلو

[فوبو]

المشاركة الأصلية كتبت بواسطة dr.candy شوفي في امل لاتيأسي في طريقة وصحباتي عملوها ودخلوا الكلية و بيدرسون تمريض تحولي على كلية العلوم وتدرسي سنة كاملة وتيجيبي معدل عالي فوق 4.5 وبعدين تقدمي طلب على العماده واستفسري وان شاء الله ربي يكتب لك الخير .. واذا ماقدرتي تجي عندنا ما تعرفي فين ربنا كاتبلك الخير بس راجعي العماده

ماينفع ادرس ترم في كلية العلوم بعدين احول؟؟

[Dr.candy]

المشاركة الأصلية كتبت بواسطة فوبو ماينفع ادرس ترم في كلية العلوم بعدين احول؟؟

لالالا ماينفع لازم تكملي سنة كاملة في العلوم

لان نظام الكليات الطبية زي المدارس بالزبط مستحيل تيجي في وسط الترم لازم من بداية السنة

[Dr.candy]

المشاركة الأصلية كتبت بواسطة shahoooda انا سمعت بالشي دا ..لكن لما استفسرت عن دا الشي قالولي انك تحولي علوم اوك لكن موضوع انك تحولي لتمريض دي ممكن ما يقبلوكي فيها ... وتاني شي انا حبيبتي ابغا تقنية مختبرات مش تمريض :( :( :( :(

يس يس عارفة بس اغلب البنات جايبين نسب من الكيمياء الحيوي
ودخلوهم تمريض ومحولين على طب

واعرف وحده دخلت احياء وشدت حيلها ودخلت مختبرات


و فكرة قصة غروب حلوة كمان حاولي تعيدي التحضيرية

الي يبغى يوصل للطموح .. لازم يتعب ويجتهد

الفشل مو نهاية الحياة يا اختي .. هوا بداية جديده

[sarona511]

عزيزتي شهوده
في هاذي السنة الي فاتت كان معانا بنات محولين من كيمياء حيوي لتقنية مختبرات بس شدوا حيلهم و جابوا معدل عالي و دخلوا كليتنا وهمما اصلا كمان مهم سعوديات فالامل موجود و ان شاء الله راح تقدري بس اول شئ استخيري و بعدين اذا ارتحتي للموضوع حولي علوم و شدي حييييييييييييلك و ربنا يوفقك

[do0ody-do]

^^ .. طيب انا احي فيك عقليتك خصوصا انها بتحسب الاحتمالات .. يعني ممكن كدا و ممكن كدا .. و ممكن لا كدا و لا كدا و يصير كدا ..

اول شي انتي استخرتي و بذلتي الاسباب .. لكن زي ما نحنا لنا راي .. ربي يسير حياتنا بالشي الي يكون افضل لنا .. ف " عسى أن تكرهوا شيئا و هو خير لكم " ..

ثاني شي مرا لا تزعلي .. كنصيحة استخيري استخيري استخيري اذا ربي كتب حولي علوم .. ادخلي القسم الي انتي تبيه .. معليش خرجات سنة انحرمي منها .. ذاكري و اجتهدي و لو تنامي ع الكتب نامي >> بس طبعا بعد المذاكرة مو حي الله تقولي يهادي ببدا الا وراسك طايح ع الكتاب

و لما ينزل التحويل استخيري ثم استخيري ثم استخيري .. و ربي ماراح يصير لك الا كل خير .. باذن الله

[Dr.sh3ool]

حالتك مثل حآلتي بالضببببط بالضبببط أحسسسك أنا ..
الله ييسرهآ عليك و علي .. ونصير أخصآئياااات مختبر آآآد الدنيآ ..
أنا قدمت تحويل على العلوم .. وإن شاء الله يقبلون .. وإن شاء الله أدخل مايكرو بيولوجي ..و إن شاء الله تخلص السنة ونحول لللمختبرآت
وبإذن الله يتحقق الحلم ..

بخبرك عن ششي .. في دعآء إذا قلتيه كآن حقاً على الله أن يرضيك ..
(( رضيت بالله رباً وبالإسلام ديناً و بمحمد صلى الله عليه وسلم نبياً ))

>> أكثري منه والله يوفق الجميع ...

[sarona511]

المشاركة الأصلية كتبت بواسطة dr.sh3ool حالتك مثل حآلتي بالضببببط بالضبببط أحسسسك أنا .. الله ييسرهآ عليك و علي .. ونصير أخصآئياااات مختبر آآآد الدنيآ .. أنا قدمت تحويل على العلوم .. وإن شاء الله يقبلون .. وإن شاء الله أدخل مايكرو بيولوجي ..و إن شاء الله تخلص السنة ونحول لللمختبرآت وبإذن الله يتحقق الحلم .. بخبرك عن ششي .. في دعآء إذا قلتيه كآن حقاً على الله أن يرضيك .. (( رضيت بالله رباً وبالإسلام ديناً و بمحمد صلى الله عليه وسلم نبياً )) >> أكثري منه والله يوفق الجميع ...

الله يوفقكــــــــــــــــم يــارب