الماجستير أم الدبلوم التربوي ؟

[أطيآف]

بسم الله الرحمن الرحيم


أنا خريجة هذا العام من كلية العلوم تخصصي أحياء
هدفي اكمال الماستر ..
اختبرت ستيب + قدرات الجامعيين ..

كان طموحي أسجل في الماستر وإذا ما انقبلت أروح للتربوي
بس بعدها تفاجأت إن التسجيل للتربوي والماستر في نفس الوقت ونفس التاريخ !

وقرأت انو ما أقدر أسجل في البرنامجين في وقت واحد ؟

والآن أنا في حيرة شديدة

أخاف اسجل في الماستر وماانقبل وتروح عليا سنة كاملة
سؤالي/ هل فُرص القبول في الماستر قليلة ؟ هل فعلا المقاعد قليلة والتنافس قوي؟

وبالنسبة للتربوي
هل فرص القبول أقوى؟ يعني أضمن قبولي لمجرد اجتيازي لقدرات الجامعيين بلا شروط أخرى؟

بماذا تنصحوني؟
مع أن آمالي الأولى ورغبتي هيا الماستر بس ما أبغى اجازف : (

وجزاكم الله خيرا

[ماجت على كيفي]

توكلي ع الله وخذي تربوي أضمن
الماجستير قبوله صعب بس ماهو مستحيل وكمان عندك برامج ماجستير تربويه تتطلب انه يكون عندك تربوي
بالتوفيق

[أطيآف]

المشاركة الأصلية كتبت بواسطة ماجت على كيفي توكلي ع الله وخذي تربوي أضمن الماجستير قبوله صعب بس ماهو مستحيل وكمان عندك برامج ماجستير تربويه تتطلب انه يكون عندك تربوي بالتوفيق

جزاكِ الله خيرا♡

وبانتظار أراء اكثر
لمن لديه الخبرة افيدوني
ربي يوفق الجميع

[جنون الطفولة]

عزيزتي يعتمد على رغبتك..!!
يعني التربوي يوجهك للتعليم العام + تقدري تاخذي بعده ماجستير في التخصصات التربوية.
والماجستير لو تبغي وظيفة أكاديمية فيوجهك للتعليم العالي + هل الماجستير في تخصصك له وظائف خارج نطاق التعليم؟؟؟

^^ هذه الاسئلة تحدد لك لايش تتوجهي.


من ناحية القبول
في الماجستير: فهو فعلا القبول محدود غالبا ما يتعدى 20 وهذا أقصى عدد وممكن يكون أقل من 10
الدبلوم التربوي: تقدري تقدمي على أحد الفرعين (الرحاب-السليمانية) + القبول في الرحاب أكبر يعني يوصل لـ 4 شعب والشعبة الواحدة تقريبا 40 طالبة. أما السليمانية فيمكن العدد كله ما يتعدى 40.

اللي أقدر أقولك عليه (لا تكتئبي) ممكن تدرسي دبلوم وبعدها تقدمي ماستر وتنقبلي .. (زي ما سار معايا)
وممكن ما تنقبلي سنة او اثنين وبعدها تنقبلي
ويارب يكون حظك جميل وربي يرزقك اللي تبغيه من أول مرة :)


بالتوفيق يارب

[غيم تايه]

المشاركة الأصلية كتبت بواسطة أطيآف بسم الله الرحمن الرحيم أنا خريجة هذا العام من كلية العلوم تخصصي أحياء هدفي اكمال الماستر .. اختبرت ستيب + قدرات الجامعيين .. كان طموحي أسجل في الماستر وإذا ما انقبلت أروح للتربوي بس بعدها تفاجأت إن التسجيل للتربوي والماستر في نفس الوقت ونفس التاريخ ! وقرأت انو ما أقدر أسجل في البرنامجين في وقت واحد ؟ والآن أنا في حيرة شديدة أخاف اسجل في الماستر وماانقبل وتروح عليا سنة كاملة سؤالي/ هل فُرص القبول في الماستر قليلة ؟ هل فعلا المقاعد قليلة والتنافس قوي؟ وبالنسبة للتربوي هل فرص القبول أقوى؟ يعني أضمن قبولي لمجرد اجتيازي لقدرات الجامعيين بلا شروط أخرى؟ بماذا تنصحوني؟ مع أن آمالي الأولى ورغبتي هيا الماستر بس ما أبغى اجازف : ( وجزاكم الله خيرا

حياك الله:

طبعا اسئلتك الأخوات ما قصرن في الإجابة، ليه ما تحاولي تسجلي ماستر في جامعة ام القرى، وفي جامعة الملك عبدالعزيز تسجلي دبلوم؟. أو العكس..
لكن إذا طبعا كان ولابد من الاختيار، اللي اشوفه تتعاملي مع الموقف حسب درجاتك، إذا معدلك وإذا درجاتك في القدرات والكفاية مناسبة، ..
وياليت تحسبي الموقف بأن تختاري الدبلوم للأسباب اللي ذكروها الأخوات ومنها انه يفتح أمامك برامج أكثر لدراسة الماجستير فلا تنحصري في برنامج معين..
بالإضافة إلى أنك تقدمي على الوظائف ومعك الدبلوم وتأخذي وقتك في دراسة الماجستير وخلال سنوات دراستك ان شاء الله تنزل لك وظيفة،.. وان طالت المدة فما خسرتي شيء..


موفقه يارب"""