أريد جدول دراسي مميز

[صلوح المملوح]

بسم الله الرحمن الرحيم


السلام عليكم ورحمة الله وبركاته


كيف الحال؟


المهم حبايبي


أريد جدول دراسي أحسن فيه من نسبتي

لأن عندنا من ثاني ثنوي لين ثالث ثنوي معدل تراكمي

وفي ثاني ثنوي ماكنا نعرف المعدل التراكمي لأنه أول مره يطبق

في المدرسه اللي أنا فيها وكنت كالعادة نفس الدرجات لاكن

تفاجئة أخر السنة أن نسبتي 83 جيد جدا ولاتنسوا القدرات

والتحصيلي

ساعدوني كيف اتمكن من تجاوزها

لأن والله حال طلاب الثنوية هذي الأيام صعبة

أريد منكم جدول ونصائح حتى تمكنني من دخول كلية الطب
ويكون الجدول في أيام الدراسة والعطل الأسبوعية وعطل الأعياد

وغيرها علما أني أتي من المدرسة الساعة 2 ظهرا وأيام الأجازة

الأسبوعية الخميس والجمعة


ولكم خالص شكري

[د.مشاعل]

صلوح انت الان راح تكون تالته ثانوي بداية النسه الجديده..
انا راح اكون زيك
وانا كمان مرررررره نفسي طب
انا الحمدلله جبت في تانيه 98.33%
اللي راح اسويه تالته بإذن الله هو اني احااااااااول ارفعها قد ما اقدر
انا راح اقلك اللي انا انويه اعملو وانت براحتك
اولا : بالنسبة لأيام وسط الأسبوع ( سبت - احد - اتنين - تلوت - ربوع)
ادرس اول بأول دروس اليوم نفسو مو دروس بكره
وادرس الاختبار ادا كان عندي اختبار
انا إن شاء الله راح اخصص كل يوم نص ساعه الى ساعه لدراسة كتب الاستعداد لاختبارات القبول اللي انا اشتريتها
اكيد ما ننسى الراحه عشان نعطي نفسه دافع اكبر
حلمك الطب ابدا مو سهل ولازم تتعب عشان توصل لو وكمان تحسن نسبتك
ثانيا : بالنسبة لأيام آخر الأسبوع ( خميس - جمعه)
الخميس اعمل فيه اللي انت تبغااااااااااا إلا ادا كان في اختبار يوم لسبت صعب شويتين ادرس شويه من الماده
الجمعه ادرس وراجع الأشاء الصعبه

ملاحظة عااامه : لا تتعب نفسك زياااااااده ع اللزوم ولا تهمل زياااده يعني اعطي كل شي حقو
ولا تنسى حق نفسك من المتعه والمرح بحدود
اتمنى ما طولتها
واستنى رأيك
تقبل مروري
اختك : د. مشاعل

[AmOoOoON]

""" بســـــــــــــم اللهـ الرحمن الرحيم"""

اخووي صلوح::

بصرااحة نسبتك شوي نازلة >>من اولها تحطيم

بس لسا عندك فرصة كبيرة لازم تستغلها

الا وهي>> ثالث ثنوي

لازم تشد حيلك قد ماتقدر

وانا بقلك جدوولي اللي كنت ماشيه عليه لما كنت ثالث ثنوي وكمان ثاني ثنوي والحمدلله كنت طالعة الاولى بنسبة 99.87

طبعا اول شي الاعتماااد على اللهـ سبحانهـ وتعالى في كل شي واعرف انو اذا احسنت الظن بالله

عمرو ماراح يخيب ظنك

ثاني شي الاصرار والعزيمه ودايما خلي الهدف اللي انت تبغا توصلوا قداام عيونك عشاان يعطيك دافع للأمام

ثالث شي ذاكر دروسك اول باول ومو لازم انو تذاكر تذاكر بس على الاقل اقرا الدرس اللي اخذته كويس وحل الواجبات بنفسك عشان تشوف اللي فاهمو واللي مو فاهمو
واذا في شي عجزت تفهمو رووح دايركت على المدرس واسألوو

وأهم اهم اهم شي اللي هوه الشرح الشرح الشرح خلك مفتح ومركز في الشرح لأنو ساعات الاساتذه يركزو على شي يكونوا جايبينو في الاختبار

وقبل الاختبار بيوم او يومين افتح الكتاب وشوووف الفصل اللي حتختبروا فيه واذا فيه اي شي مو فاهمو زي ما اسلفت قبل شوووي على طووول استااذ الماادة كذا الاستاذ ح يحترمك ويحبك لانو
ح يشوفك مهتم بالمادة

ولازم تحط في بالك قبل اي اختبار تدخلو انك تبغا تجيب الفل ماااااارك وماتبغاا غير كذا

وفي الاختبارات النهائية طبعا تكوون مختم المواد الصعبة واللي تكون في نص الاسبوع زي مثلا عندك الكيمياء كنا في ثالث ثنوي يحطولنا هيه الاربعاء الاسبوع الاول والاحياء الاثنين الاسبوع الثاني يعني مررررة مافي وقت لو ترووح مواصل ما حتقدر تختم الكتاب بس لما تكون مذاكر 3 او اربع فصوول ح ترتاح كثييييييييييير

وبالنسبة للقدرات والتحصيلي انا اشتريت رام 2 ورام 1 وكتاب الطالب التدريبي للقدرات من المركز الوطني وبصراحة رام ما فتحتو بس كتاب الطالب التدريبي قريت منو شوي وفتحت نت ودخلت مواقع اختبارات تجريبية وفتحت منهج ثاني ثنوي وقريت شويتين

وفي الاخير جبت نسبة ماشي حالها دخلتني جامعه



وهذا اللي قدرت عليه وان شاء ربي يوفقك وتجيب نسبة عالية في ثالث وتدخل التخصص اللي انت تبغاهـ

[M!ss Mojy]

ماشاء الله دكاترة المستقبل ماقصروا معاك

بس حابة اضيف انو انت الآن ثالث ثانوي يعني لسه بدري تفكر في الطب

خلي تركيزك كلو على نسبتك وكيف ترفعها وتجيب شي كويس لا تتعب نفسك في التفكير بشي لسه شويا متآخر يعني خلي تفكيرك منصب على الشي الي انت فيه

بعدين ان شاء الله اذا تخرجت لكل حادث حديث

والله يوفقك ونشوفك السنه الجاية انت ومشاعل في التحضيري واماني في الطب

[rayyan1444]

والله انا ليله اختبار الفيزياء العب سوني خخخخخخخخخخخ

[صلوح المملوح]

يعطيكم 10000 عافية ماقصرتم


بس يقولون أن الطب تقدر تدفع فلووووس عشان تدخل هل هذا صحيح وإلا لا

ولكم خالص شكري

[صلوح المملوح]

بس لا انسى كل الانظمة اللي اعطيتونيها حلوه ومميزه

ولكم خالص شكري

[أنا وبس]

ماااشاء الله تبارك الله

احلى ايام ايام الثنوي والله شي

الله يعينكم نصيحتي ليكم سيبوا النت واجلسوا ذاكروا

وشكلها الاجاازه مطوله يعني العبوا قد ماتقدروا عشان بعدين حيجي طفش تالته ثنوي

الله يوفقكم ونشوفكم دكاتره

[صلوح المملوح]

يعطيك العافية اختي

[al-sha7ro0ora]

اهلين .. صلوح
ماشاء الله الاخوان والاخوات ماقصرو معاك لكن انا ابغى اضيف نقطه صغيره . او اقول لك اهم الاشياء.
اهم شيء.. انك قبل الاختبارات الفاينل <<<النهائيه
لازم تختم عدة فصول من المواد الكتيره زي الكيمياء او الفيزياء وو.....
عشان لما يجي يوم الاختبار النهائي انت حتراجع الفصول وتذاكر اذا بقي لك كم فصل فهمت عليا..
واهم شيء كمان انك تنام عدل لانه وقت الاختبارات يجيك نوووم فظيع ويمكن ماتقدر تركز منه...
وحاول في الترم الاول لثالث ثانوي تجيب 100 او 99 تعرف الاسئله من مدرسين مدرستك فإن شاء الله بتكون سهله .. لكن برضو انت عارف انوو الترم التاني ممكن يكون من خارج مدرستك .. <<< تكون جبت اكبر معدل في الترم الاول
وان شاء الله يرفع نسبتك حق تاني ثانوي ...
وعلى القدرات والتحصيلي انا رحت مكتبه المؤيد في جده طبعا واشتريت منها بطاقه حقت اختبار القدرات صرحتا فيها يمكن اكتر من 200 سؤال
بس انصحك تشتريها بدري انا اشتريتها ليله الاختبار عشان ماكنت اعرف عنها ...
ويارب ربي يوفقك ويوفق الجميع يارب بس اهم شيء انت لاتقلق ولا تخاف من اي شيء اوكي ....
وبعدين لاتنسى تبشرنا ... :)