بنات الطفولة والتغذية ضرورري

[طالبة مااااث]

مساء الخير بنات زي ماأنتوا شايفين تخصصي ماث بس ابغى احول وسمعت انه الطفولة بس للأدبي صح وإلا لا والتغذية كيف بليز كل وحده تتكلم عن تخصصها والشئ الحلو فيه ومجال الوظائف بعدين الله يجزاكم خير ارشدووووووووووووووووني ولكم الشكر

[طالبة مااااث]

بليييييييييييييييييز يابنات اللي تعرف تجاوبني ساعدوني أنا مررررررررررررررة محتارة

[طالبة مااااث]

فينـــــــــــــــــــــــــــــــــــــــــــــــ ــــــــــــــــــــــــــــــــــــــك ياساكنه في بيتنا افيدني
ولاتقولي انه الطفوله بس للأدبي مره أبغاه يعني مافيه أمل(شويه واتجنن)

[cinnabon]

هلا يا بطة ايوا تخصص طفولة بس للمسار الادبي وما ينفع يدخلو المسار العلمي

وبالنسبة للتغزية شوفي دولا الموضوعين يفيدوكي

http://www.skaau.com/vb/showthread.php?t=80596

http://www.skaau.com/vb/showthread.php?t=122597

[ساكنه في بيتنا]

مساء النورات :)


للأسف الشديد جدااا زي ما قالتلك الأخت سينابون الطفوله بس للمسار الأدبي

بس روحي للعماده و جربي تحولي مسارك .. اعرف بنات غيروا مساراتهم بعد التحضيري !! ..

دي روابط الطفولة و روابط التغذيه اعطتك هيا الأخت :) ..

http://www.skaau.ws/vb/showthread.php?t=9540

http://www.skaau.ws/vb/showthread.php?t=53026

في كل الأحوال الله يوفقك و يكتبلك الخير يارب ..

[طالبة مااااث]

مشكورين سينابون وسكونه بس سؤال لو حولت مساري ارجع ادرس تحضيري من جديد والا يعادلوا المواد بالساعات لانه موقع الجامعة متعطل وماعندي غيركم بعد الله؟؟
سينابون من جد الترم الحاي بيحولوا التغذية انجلش والا اشاعات والكيمياء والأحياء اخدتوها عربي او انجلش ؟؟؟
ولكم الشكر

[متاخره واااايد]

^^^^

ياحلوه بالنسبه للتحضيري لاطبعا ماراح تعيديها

اما مسأله التغزيه بحولولها انجلش.. للاسف ايوا ع السمستر الجاي كل المواد حتسير انجلش

السمستر دا انا اخذت الكيمياء والاحياء بالعربي.. بس اللي حياخدوها السمستر الجاي الله يعينهم بتكون انجلش

اتمنى اكون افدتك .. ومعليش للتأخير ^_^

[ساكنه في بيتنا]

لا وي ما تعيدي التحضيري حلى هو !!

انتي روحي لمن تبدأ الجامعه و شوفي ايش يصير معاكي ..


ربنا يوفقك و يكتبلك الخير ياارب ..

[طالبة مااااث]

[quote=ساكنه في بيتنا;1401928]مساء النورات :)


للأسف الشديد جدااا زي ما قالتلك الأخت سينابون الطفوله بس للمسار الأدبي

بس روحي للعماده و جربي تحولي مسارك .. اعرف بنات غيروا مساراتهم بعد التحضيري !! ..

مشكورة سكونه بس البنات اللي تعرفيهم مكملين دحين عادي مستوى ثالث؟؟
وبالنسبة لتحويل التغذية انجلش الخبر من مصدر موثوق إذا كان كذا معناته ماراح يصير فيه فرق بيننا وبين العلوم الطبية صح والا لا؟؟
الموضوع دا موترني لأني سمعت ان التحويل مره وحده بس
يارب ساعدني

[ساكنه في بيتنا]

والله يا بنتي ما تابعت معاهم الاخبار ..

اذا جات فرصه راح اسألك هما ان شاء الله عشان ما عندي طريقه اوصلهم فيها ,, ما اشوفهم غير في الجامعه

ان شاء الله ربنا يفرج همك و تعرفي الاجابه قريب ..