العياده النفسية لضحايا السنه التحضيرية (( خطة أ و ب ))

[سحر البيان]

المشاركة الأصلية كتبت بواسطة خالد9921 ذكرتيني بباكستاني على كفالة ابويه يكرف يكرف يكرف على الجبس والسيراميك لين آخر شي يكلم ابويه ابغى اطلع قلابات بإسمك !! وارخص قلاب قيمته 200 الف طبعا هههههه !! ماشاءالله ناس عمليين اكثر منا بكثيير

و أنا كمان بعد ما تخرجت أتدربت في مستشفى خاص ... كان معانا واحد سريلانكي أو بنغالي محترم جدا .... قال لي أنه أفتح مستوصف باسمي و هو يديره و الربح بالنص ... أيامها كنت صغيره .... مين يدلني عليه اليوم

الملك سعود اظن شفتها يا دكتوره في 274 !! عالعموم غياب او تأخر بالتصنيف مُحزن :/

أنا قلت هذا التصنيف الجديد (( اذا تذكر قبل فترة كانوا فرحانين أنهم تقدموا بالتصنيف ))

انا اللي فاجئني مره جامعه في كوبا هههههههههههههه يؤؤؤ كوبا بلد فيدل كاسترو اللي محاصر اقتصاديا من امريكا من عشرات السنين وانواع المخدرات والفساد فيه !! بالنسبة لباكستان والمسكيك هنا كمان قوة المخرجات ما ننسى باكستان قد ايش تطورت بالمجال الذري والمكسيك انواع الايدي العاملة في امريكا كفاية شركة زي جنرال موتورز تعتمد عالايدي العاملة المكسيكية

هذا نفس اللي قلته دول ما فيها أي مناخ مشجع للعلم ... دول مثل بكستان, كوبا , المكسيك

توتر سياسي , ارهاب , فقر شديد , كوارث طبيعية و لكن مسيره ناجحة

بالنسبة للباكستان لو ما كان عندها قنبله ذرية كان التهمتها الهند في دقيقة

بالضبط اهنيك ان صدتي الموضوع هذا وانو القدوه عندهم حتى غلطه اجتماعيه خاصه غير مقبوله منه !

فعلا رغم انه ما عندهم قيم دينيه و أخلاقيه ... لكن في نظرهم المسئول قدوه و أنه حتى حياته الاجتماعيه تعطي صوره كبيره عن شخصيته ...و أنه طالما خان مرته يقدر يخون وطنه

ولذلك انا احترم رأيك يا دكتوره ولكن تقبلي اختلافي معك

هذا موضوع مو حابه أتكلم فيه عشان ما أسيئ لاحد

لكن باختصار ... الدوله مو مقصره

لكن أيش تعمل اذا فيه ناس معقد

ناس ترفض أن خالد يقدم بحث لانه طالب

غير تعقيدات من ناس معقده أو ناس مو فاهمه ... لا تتخيل أنه في ناس تقدر تتقبل بسهوله أن الطالب خالد أحسن من دكاترة الجامعه

بهذه المناسبة ذكرتني ... نزلت اسئلة مراجعه لطلابتي و للمعلومية و الامانه هذه الاسئلة مأخوذه من دار نشر و أنا بس اضفت عليها حلول و بعض الاسئلة لاني لازم اترك بصمتي على أي شيئ ...

قابلت دكتوره ... و قالتها بتندر ... أن طالباتها وروها هذه الاسئلة قالت لهم هذه الاسئلة غلظ

طبعا هذه الدكتوره ما فكرت أنها تجلس وتحلها و تعرف أنها صح أو غلظ أو تسألني عن مصدرها أو تناقشيني فيها و كنت راح أحترم رأيها ,,,,

(( للمعلوميه كان فيها أسئلة محوره و شرحتها لطالباتي مرتين برضوا حسيت أني ما قدرت أقنعهم بالشكل الكافي و جلست مع نفسي في البيت و بهدؤ لقيت أنه في طريقه أسهل و أفضل ممكن أشرح فيها هذه المعلومة ))

قيس عليه الابحاث المحاضرات و أي عمل تطويري

كلام جميل 100% اتفق معك جدا وانا دايما اختصر كلامك هذا براسي بمقولة ( انسان واحد قادر على تغيير العالم ) بغض النظر عن الناس اللي ممكن تضحك او تستخف بالموضوع او تشوف مثل العالم اللي بالمقطع وتقولك يووه يستاهل ابلش نفسه بعلم وخرابيط ودفره ! واللي هما مفروض يتغيروا وان شاءالله يتغيروا للاحسن

الحمدلله قدرت أغير +1

صراحه هذه قناعتي وصلت لها ... بعد ما فعلا لقيت أنه ناس صعب تغيرها

أتذكر كان عندنا معلمة الفيزياء ما عرف تشرح غير سيئة أخلاقيا بشكل كبير ... تحب الاستهزاءو تحب تستقعد للطالبات مواقف السخيفة ماله داعي لذكرها

و لها نظره تخليك تكره اليوم اللي تسألها فيه

المهم ثلاث سنين الثانوي معها ... و كان في نقطه خلاص

اللي هي الوحدات ما كنت أعرف ليه هنا أحول لسم و هنا لمتر ..... الخ

تغيرها هي كان صعب.... عشان كذا كان الحل هو أني أغير نفسي و أدور الحل بنفسي في عهد لافيه نت و لا منتدى

رحت المكتبه و لقيت كتب فيها نماذج لاسئلة الاختبارات .... للاسف ما كان فيها اجابه على سؤالي

لكنها ساعدتني على حل كثير من الاسئلة ....

لما دخلت الجامعه كانت الوحدات هي أول درس في مادتي الكيمياء و الفيزياء ( هنا أشكر دكتورتك الكيمياء لانها أعطت هذا الموضوع حقه ))

ما تتخيل ماده الفيزياء اللي كانت أكره ماده عندي حبيتها في الجامعه و جبت فيها الفل مارك و بعدها أصبح تخصصي كيمياء فيزيائية و إن شاء الله قريبا راح يكون عندك بحث أو أكثر مع قسم الفيزياء

و طبعا ما كانت هي الوحيده ... بالرغم أن بعضهم أنتصروا عليا بالدرجات لكن أنا فخورة لاني أنتصرت عليهم بالمعرفه ....

و من يومها برضوا قررت أني أكون أستاذه تشرح كويس و أبذل كل جهدي عشان أوصل المعلومه و أنه أشرحها بأكثر من صوره حتى أظمن وصولها ....

و عندي مبدأ أؤمن به عمره ما الطالب يكون مبدع(( مخترع و غيره )) اذا هو مو فاهم لابسط أساسيات العلم اللي بيتعلموه ..

و قبل ما أختم كلامي ... ممكن أعطيكم فكره بسيطه ... عن موضوع الوحدات

الوحدات مهمة جدا و لكي يصبح هناك تصور موحد للواحدات و ضعت أنظمة لقياس الاشياء مثلا النظام الانجليزي ( رطل .. قدم... الخ )) و النظام الدولي ( كجم و متر ... الخ )) و هذا درستوه في الكيمياء

و الهدف من هذه الانظمة أن يكون لدينا تصور واحد للواحدات مثلا لو كنت أبغى لوح طوله 3 متر و جابه العمل بطول المسطره الصغيره معناه أننا نتكلم بلغة مختلفه كل واحد يقيس براحته ..

طبعا أكبر و أفضل مثال للوحدات هو الورق a4 ... هذا الورق ستاندر (( قياسي له طول و عرض معين ))

و طبعا يجب أن نعرف أنه عند اجراء عملية القياس يجب أن نتبع نظام واحد

مثلا لا يصح أن نقيس الوزن بالرطل و الطول بالمتر أو العكس

بالنسبة للمعضلة الكبيره الي ما كنت عارفتها بالثانوي حلها سهل جدا ...

طالما أننا كنا نتبع النظام الدولي للوحدات ... الذي وحداته القياسية هل الكجم للوزن .. و الطول بالمتر ... و الزمن بالثانيه .... الخ

شفتوا الموضوع سهل ( طبعا الوحدات النانو وغيره أخذناها في الجامعه ))

بالتوفيق و أعذروني طولت راح أكمل بعدين

[HaMo0ody]

باك بعد طووول غياب بسبب إنقطاع النت بسبب عطل في الشبكات ,.,.كالعادة يعني,.,.

أول شئ الحمدلله على سلامتك يادكتورة ليلى وإن شاء الله تكوني دايما بصحه وعافيه,.,.والحمد لله أنكتبلك عمر جديد وأنا حاس إنك في يوم من الأيام راح توصلي بس لمن توصلي لا تسحبي علينا أذكرينا لو ساعه في الأسبوع خخخخخخخخخخخخخخ,.,.وتأكدي إن أكثر المتواجدين هنا يدعولك بكل خير فالله يفرحك بعيالك وتعيشي سعيده ومبسوطه,.,.

قريت كل شئ صار من يوم ما كتبت آخر رد لي من جد أشياء لو الواحد يقف عندها راح يجلس طووول عمره واقف,.,.بس وش نسوي مالنا غير الدعاء لإخوااننا المتضررين وإلي راحوا نسأل الله أن يتقبلهم من الشهداء,.,.

بس عندي ملاحظه أرجو إنها ما تنأخذ بمحمل شخصي أو غيره لآني أبي الفائده تعم ووالله ثم والله إني ماني قاصد فيها أحد بعينه بس جات في بالي وبكتبها لآني دايما إلي يجي في بالي أكتبه ماأخليه عشان ما أجلس أفكر فيه,.,.

سؤال هل كل شخص منا يحتاج لموقف أو حادثه معينه تنبه إنه على خطأ أو تصحيه من نومه,.؟,.؟ إفرضوا إن الفاجعه أو الموقف ما صحاه من سباته لين متى راح يكون ناااايم,.؟,.؟ ليش حنا ما نعتبر بغيرنا يعني لازم نكون عبره ولا ما نتحرك.,.’,.!!!! كل بعد ترم بالنسبه لنا حنا يالطلاب يقف أكثرنا موقف صارم من نفسه ويبداء يحط الخطط والجداول وتكون مرتبه ومقننه ومدروسه وكل شئ ولكن للأسف ما نبداء بها من حيث أنتهينا لا نبداء نلصقها ببدايه الترم الجديد يعني تغيرنا لازم يكون له وقت أو شئ جديد (البعض يضعه بعد الإجازه والأخر السنه الجايه والبعض لم يدرس الموضوع بعد,.,.)أسموحولي أقول لكل من سوى هذ1 الشئ إنه ماراح يتغير لو إش ما صار تدرون ليش لآنه راح يبداء بدايه قويه ويتهي نهايه ضعيفه حده الشهر الأول وبعدين راح ترجع حليمه لعادتها القديمه يعني راح يبداء ويرجع لنفس النقطه ويحط مخطط جديد يعني يرجع لنفس الفلم ويظل يراوح ماكنه,.,.

الشخص إلي من جد يبي يتغير ما يستنى مناسبه من متى التغير كان له مناسبه مثل سنه جديده, عيد, حجه ,عمره, رمضان,موقف معين وغيرها لا التغير يكون في أي وقت ومكان وإلي يبي يتغير يبداء من اليوم يبداء يغير بنفسه يشتغل عليها يشوف سسلبياته وإيجابياته السلبيات يحاول يعدلها والإيجابيات يحاول ينميها وصدقوني راح تحسوا بالتغيير إبداؤ من الآن لحد يقول بكره وغيره ويعيش نفسه في وهم البكره,.,.

هذ1 أول شئ حبيت أقوله بس لي وثاني شئ بقوله شئ تعلمته من شيخ فاضل جلسنا في مجلس وكان هذ1 الشيخ سبحان الله يحرجك بتصرفاته ويخليك لا إراديا تسوي شئ إنت ما كنت ناوي تسويه والسبب هو أخلاقه وتعامله وسلوكه,.,.طبعا هذ1 الدرس تعلمته منه وإلا اليوم ادعي له بالخير الله يوفقه إن شاء الله,.,.يقول إلي يبي يغير غيره أول شئ يغير نفسه وبعد ما ينتهي من نفسه ما يغير غيره بنصايحه وكلامه لا يخلي أفعاله هي من تغير غيره يعني الشئ إلي تبي غيرك يسويه إنت سويه وداوم عليه وصدقني تحصل الشخص إلي تبيه يسويه صار يسويه,.,.إلي أبي أوصله هو خلوا أفعالكم هي إلي تدلل عليكم مو أقوالكم لآن القول تذهب ولكن الأفعال يبقى تأثيرها ما حيينا,.,.آسف على الشطحه نرجع لموضوعنا الأصلي إلي هو حديث اليوم والشارع والجرايد والناس ,.,.

وقفه مع سيول جدة والأضرار إلي صارت فيها,.,.

كثير منا بداء ينظر ليوم الأربعاء أنه يوم أسود ومشؤؤم وغيرها من نظرات سلبيه مع إني ومع كل إلي حصل أقول إلي صار خير والله خير صدقوني خير تبوا تعرفوا ليه أنا أقلكم,.,.

الحمد لله مافي شخص معلم طالب (جامعي أوثانوي أو غيره)شاف الحدث وما آلمه قلبه وأكيد كل واحد جلس يلوم الحكومه والمهندسين والإداريين والمعماريين وغيرهم على الشئ إلي صار إلي جالسين يلوم اليوم بكره راح تكونوا مكانهم سواءً إنت يالمهندس او الإداري أو المعماري ودام إنه قلبك آلمك من إلي شفته أنا متأكد إنك ما راح تكرر إلي صار وما راح ترضى يصير نفس إلي صار وما راح ترضى بالتجاوزات ولا التعديات تدري ليش لآنك عيشت الحدث وكنت معه من لحظة وقوعه لإنتهاؤه من أول قطرة مطره لين أخر قطرة صدقوني إن شاء الله الجيل إلي عايش هذه الأحداث ما راح يرضى إنها تصير للجيل إلي بعده لأنه عارف معاناتها وقسوتها وأنا أقول سبحان الله الله أراد تكون المطرة بهذه الكميه عشان إلي بيتخرجوا ولي يدرسوا وإلي يدرسوا يشوفوا إش كانت نتيجة التسيب والإهمال وهم نفسهم عاشوها عشان بكره لمن يصيروا ويوصلوا يتقوى الله في الشئ إلي راح يكون تحت يدهم ويعرفوا إش هي مردوداتها وأنا متفائل خير في الأمة دام فيها ناس ما ترضى بالخطأ الحمد لله أجل لسع في ضمير وفي شئ إن شاء الله بيصير أحسن وأحسن من تطور وغيره فخلونا نبداء بنفسنا ونغيرها ونحاول نغير من إلي صار ونخليه نقطة تحول لكل من تعايش مع هذه الأزمه,.,.

آآسف على الإطاله والقرقرة الكثيرة بس إن شاء الله إلي كنت أبيه يوصل يكون وصل للجميع,.,.
وفي الختام ما أقول إلا الله يعوضنا خير مما نظن,.,.
موفقين,.,يارب,.,

موضوع في قمة الروعة والله ,,

صرآآحة استاذه ونعم الدكتورة انتي قيم واخلاق ومبآآآدئ

أخوي خالد ما شاء الله عليك موسوعة بانتظار جديدك ,, والله ان كلامك مية مية ونا معك بكل كلمة قلتها ,,

أخوي حمودي ,, كلامك عين العقل وصحيح لازم نشوف نص الكاس المليان ,, والخير في أمتي حتى قيام الساعة ,,

من اشد معجبي الموضوع والله ,,

ومتابعة لكم ولكل ردودكم ان شاء الله ,,

والله يوفقكم ويسعدكم ويرزقكم على قد نيأآآ’’’تكم آآآمين ,,

تقبلو مروري ,,

أختكم في الله ,,

[سحر البيان]

المشاركة الأصلية كتبت بواسطة hamo0ody باك بعد طووول غياب بسبب إنقطاع النت بسبب عطل في الشبكات ,.,.كالعادة يعني,.,.

ماشاء الله عمرك طويل اليوم افتقدتك و قلت في قلبي فين الولد اللي يكتب باللون البني ( ناسية النك نيم)) ...

سؤال هل كل شخص منا يحتاج لموقف أو حادثه معينه تنبه إنه على خطأ أو تصحيه من نومه,.؟,.

لا أبدا ما خذها بشكل شخصي ... المفروض دايم الانسان يراقب نفسه ....

لكن بعض القرارات تتأخر في أخذها .... أو بمعنى أخر تكون متردد فيها ...

لكن يجيك موقف مثل ذا يحمسك أو يدلك على الطريق الصحيح ...

كل بعد ترم بالنسبه لنا حنا يالطلاب يقف أكثرنا موقف صارم من نفسه ويبداء يحط الخطط والجداول وتكون مرتبه ومقننه ومدروسه وكل شئ ولكن للأسف ما نبداء بها من حيث أنتهينا لا نبداء نلصقها ببدايه الترم الجديد يعني تغيرنا لازم يكون له وقت أو شئ جديد

و هذا معاك حق فيه ....

لكن أنا بما أني للامور بناحية ايجابية في نظري طالما الانسان بدأ في التغير هذا ممتاز ...

المفروض أنه لو مشيت على جدول معين و حصل ظرف ما و خلاك تتأخر .... عادي أرجع و صصح وضعك

ممكن أعطيكم مثال على هذا الموضوع ... بالنسبه لي هذا كان وضعي لما كنت في عمركم و أمشي بنظام حسب الجدول ...

و أول ما يبدأ الدوري الاول ...يتلخبط الجدول ... و تتراكم الدروس ... بعد ما أخلص الاختبارات أبدأ مراجعة الدروس اللي فاتتني و أضغظ على نفسي شوية .... بعض الاحيان الاجازات مثل اجازة الحج تساعد كثير ...

و ينتظم الجدول مرة أخرى الاهم الواحد ما يستسلم و يهمل ...

بس عارف المشكله فين ياحمودي ...

لما يكون عندك انسان عنده رضا كامل عن نفسي و ما عنده أي رغبة في التطور أو التغير ....

حتى اذا مر عليه حادث مثل ذا ممكن يجلس يبكى و يسب الكل بس ما يفكر لحظة يحاسب نفسه ....

يعني الشئ إلي تبي غيرك يسويه إنت سويه وداوم عليه وصدقني تحصل الشخص إلي تبيه يسويه صار يسويه,.,.إلي أبي أوصله هو خلوا أفعالكم هي إلي تدلل عليكم مو أقوالكم لآن القول تذهب ولكن الأفعال يبقى تأثيرها ما حيينا,.,.

و في هذه معاك حق 100%

[quote]

وهم نفسهم عاشوها عشان بكره لمن يصيروا ويوصلوا يتقوى الله في الشئ إلي راح يكون تحت يدهم ويعرفوا إش هي مردوداتها وأنا متفائل خير في الأمة دام فيها ناس ما ترضى بالخطأ الحمد لله أجل لسع في ضمير وفي شئ إن شاء الله بيصير أحسن وأحسن من تطور وغيره فخلونا نبداء بنفسنا ونغيرها ونحاول نغير من إلي صار ونخليه نقطة تحول لكل من تعايش مع هذه الأزمه,.,.[/quote]

برافوا عليك و هذا اللي نتمناه ....

الحمد لله أنكم بداتوا تفكروا بمنطقية و ايجابية ...

الحمدلله شبابنا فيهم الخير و البركه ....

و اكبر دليل وقفتهم الشجاعه في سيول جده .. وهذا شفته بعينى و بشهادة الكل

وأنا حاس إنك في يوم من الأيام راح توصلي بس لمن توصلي لا تسحبي علينا أذكرينا لو ساعه في الأسبوع

ههههههههههههههه .... ان شاء الله لا ...


فعلا الترم الجاي ما راح أعطي للتحضيري .... لكن أكيد راح أجي هنا أطمن عليكم

و اذا تخصصتوا كيمياء راح تلاقوني في منتدى كلية العلوم .... و حتى راح تلاقوني أرد على رسائلكم الخاصه باي وقت

[miss you]

حمد لله شفيت من المرض النفسي لاني نجحت

[سحر البيان]

المشاركة الأصلية كتبت بواسطة miss you حمد لله شفيت من المرض النفسي لاني نجحت

هههههههههههه

أنا ما ألومكم لان أنتوا اليوم في مرحله مصيريه من حياتكم ...

و أكيد حالتكم النفسية تعبانه .... الحمد لله أنك أنت و زملائك نجحوا

الله يوفقكم

[rano00nah]

المشاركة الأصلية كتبت بواسطة سحر البيان فعلا الترم الجاي ما راح أعطي للتحضيري .... لكن أكيد راح أجي هنا أطمن عليكم و اذا تخصصتوا كيمياء راح تلاقوني في منتدى كلية العلوم .... و حتى راح تلاقوني أرد على رسائلكم الخاصه باي وقت

دكتورهـ ,,
مآ حتعطي الترم الجاي :| وآي =( ,,
ع حظي يعني ؟ :( ,,

كنت أبغى أجي محاضرآتكـ ,,

::

الله يوفقكـ وين مآ تروحي دكتورهـ :) ,,

[سحر البيان]

استكمالا لهذا الرد

من يوم ما فتح الاوديس ... و أنا جوالي و الرسائل الخاصه و ايميلي ما هدأ .... منهم مجموعة درجاتهم حلوه ( 98 و 93 ) مو عاجبتهم و بعضهم درجاتهم مو طيبه أو راسبين و يبغوا يطلبوا المشوره و لاني أحب الفائده تعم على الجميع فقلت أكتب رد شامل هنا

طبعا رديت على الفئة الاولى .... اليوم راح أرد على الفئة الثانية

درجاتهم مو طيبه أو راسبين و يبغوا يطلبوا المشوره

أولا أقول لهم (( قدر الله و ماشاء فعل )) و (( اللهم أجرني في مصيبتي ، واخلف لي خيرا منها))

عن أبي هريرة رضي الله عنه أن رسول الله صلى الله عليه وسلم قال : « يقول الله تعالى: ما لعبدي المؤمن عندي جزاء إذا قبضت صفيه من أهل الدنيا ثم احتسبه إلا الجنة » رواه البخاري .

عن ام سلمه رضي الله عنها قالت : سمعت رسول الله صلى الله عليه وسلم يقول : « ما من عبد تصيبه مصيبة ، فيقول : إنا لله وإنا إليه راجعون : اللهم أجرني في مصيبتي ، واخلف لي خيرا منها، إلا أجره الله تعالى في مصيبته وأخلف له خيرا منها . قالت : فلما توفي أبو سلمة ، قلت كما أمرني رسول الله صلى الله عليه وسلم فأخلف الله لي خيرا منه رسول الله صلى الله عليه وسلم . رواه مسلم .

ثانيا.... أحمدوا الله على نعمة الصحة العافية ... الصحة و العافيه كنز من الكنوز احنا ما نقدر نعمتها ...

اذا عندك الصحة و العافية تقدر تعمل أي شيئ .... و اذا ما عندك كنوز الدنيا ما تسوى و لا شيئ عندك

قبل فترة توفيت بنت شابه من أرحامنا بالسرطان الله يحمينا و امراه بمرض نادرا جدا بالرئة .... و بالرغم من انتمائهم الى أغنى العائلات ماقدروا أبدا أنهم يعالجوهم .... و ماقدروا يستمتعوا بشيئ من اللي عندهم في الوقت اللي ممكن لو أي أحد فينا شاف عزهم كان حسدهم .....

عارفه أنكم صغار و ممكن ما يعجبكم كلامي ....

للحديث بقية أنتظروني

[تركي4444]

المشاركة الأصلية كتبت بواسطة سحر البيان استكمالا لهذا الرد طبعا رديت على الفئة الاولى .... اليوم راح أرد على الفئة الثانية درجاتهم مو طيبه أو راسبين و يبغوا يطلبوا المشوره أولا أقول لهم (( قدر الله و ماشاء فعل )) و (( اللهم أجرني في مصيبتي ، واخلف لي خيرا منها)) عن أبي هريرة رضي الله عنه أن رسول الله صلى الله عليه وسلم قال : « يقول الله تعالى: ما لعبدي المؤمن عندي جزاء إذا قبضت صفيه من أهل الدنيا ثم احتسبه إلا الجنة » رواه البخاري . عن ام سلمه رضي الله عنها قالت : سمعت رسول الله صلى الله عليه وسلم يقول : « ما من عبد تصيبه مصيبة ، فيقول : إنا لله وإنا إليه راجعون : اللهم أجرني في مصيبتي ، واخلف لي خيرا منها، إلا أجره الله تعالى في مصيبته وأخلف له خيرا منها . قالت : فلما توفي أبو سلمة ، قلت كما أمرني رسول الله صلى الله عليه وسلم فأخلف الله لي خيرا منه رسول الله صلى الله عليه وسلم . رواه مسلم . ثانيا.... أحمدوا الله على نعمة الصحة العافية ... الصحة و العافيه كنز من الكنوز احنا ما نقدر نعمتها ... اذا عندك الصحة و العافية تقدر تعمل أي شيئ .... و اذا ما عندك كنوز الدنيا ما تسوى و لا شيئ عندك

هو هذا الكلام اللي يعرف المعنويات ولا بلاش

الف شكر لك استاذتنا القديرة

[عبدالله الحربي 192]

كلام كثير وبداية موضوع مشوقة (l)
أقرأ من البداية وأعلق
سجلوني متابع (l)