راحــت الإجـــازة بلا استئذان .. ودعتني وانا أعاني من الآلام

[باور هورس]

راحت أيام الإجازة
أيام الفله والوناسه
الوقت ماله اهتمام
بأي وقت تنام
صباحك ..ليلك
وليلك ..صباحك
كأنك طير فارد جناحك
تطير..وتطير
بسماء التغيير
تسوي اشياء واشياء كثير
والجميل بأي وقت
تروح للسرير
أروع إحساس
انك ماتكون للوقت أسير
تحس نفسك قدامه صغير
لكن الاوقات الحلوه
دايم لها نهايه
جاء وقت الدراسة
الوقت رجعة هيبته
اصحى ..اصحى
جاء وقت الدوام
لاتنام ..لاتنام
لكن المصيبه الصباح
يحلى ..المنام
و راح تقوم بالغصيبه
راحت ايام التمدد على السرير
تتنظرك طاوله و كرسي صغير


انتهينا ...

بدأ وقت الجد والاجتهاد

أتمنى أن الاجازة كانت فرصة لكم للترويح عن النفس والاستجمام

للعودة إلى مقاعد الدراسة بجد ونشاط وحماس

لا تشيلوا هم

كلها شهرين تقريبا وتجيكم إجازة ثانية

وممكن في هذي الشهرين تجيكم إجازة غبار ولا مطر

ولا ...

ما عليكم تتدبر ويخترعون لنا إجازة

إحنا أكثر شعب ياخذ إجازات



كل التوفيق لكم إخواني وأخواتي

وكل عام وأنتم بألف خير

[_OCTOBER]

ياخي قسم من كثرة الاجازات فكرت اسحب ترم p:,
الواحد توه ضبط نفسه للاجازة تجيه الدراسة .... يضبط نفسه للدراسة تجيه الاجازة !
واسوء شئ لمن ترجع للدراسة و تكون مكسل ومافي ابوك حيل ويجيك ذاك الاختبار اللي يبغاله سنتين مذاكره في اول اسبوع ...
ام القروشة .:

[aiko]

واضح انك تعبت في تأليف القصيدة الصراحه ابداااع

[باور هورس]

^
^

أهم شيء انها عجبتك

[شهد علي]

قصيده حلوهه ومتعوب عليها صراحه .
تقبل مروري
موفق يارب

[رغد محمد]

،’

مَاشاء الله تبَارك الله عَليك أ/ بَاوَر ,
يسْعِدَك رَبِّي , أجَدتَ وَصف الإجَازة بِـ كَامِل حَذَافِيرهَا وَ تفاصِيلهَا الدَّقِيقة.
وَ أهَم مَقطع فِي نظرِي هَذا:

اصحى ..اصحى جاء وقت الدوام لاتنام ..لاتنام لكن المصيبه الصباح يحلى ..المنام و راح تقوم بالغصيبه راحت ايام التمدد على السرير تتنظرك طاوله و كرسي صغير

فِي الصَّمِيم , . الأرَق فِعْلاً مُشْكِلَة !
الحمدُ لله عَلى كُل حال , وَ بإذنِ الله عَودَتنا مَشْحُونَة بِـ النَّشَاط وَ الحَمَاس.
أسْألُ الله لِي وَ لَكُم التَّوفِيق وَ تحقيق الطُّمُوحَات.
جُزيتَ خيرًا.

،’

[زمردة 2009]

الحمدلله على كل حال .............

[picasso]

اسبوع بعد الاجازه كانه شهر *_*
هانت واتعبوا وراح تشوفوا الشي الي يسركم نهاية الترم 3>

[مني يغار الورد]

ماشاء الله عليك
فعلا الاجازات اللي كذا متعبة
بقي ع الاجازة الجاية 7 اسابيع ونقول منها اسبوع مراجعات صارت 6 اسابيع شيلو منها الخميس والجمعة وخلاص هانت
الاختبارات 14-2
موفقين يارب ونشوفكم يوم 4-3