كتب المستوى الرابع موجودة في معرض الكتاب وبأسعار زهيدة

[مسولف]

السلام عليكم

اول مانزلت مفردات المواد في موقع الكلية

اخذت اسامي الكتب ودورتها بموقع مركز معارض الرياض الالكتروني ولقيتها بخصومات حلوه


راح احط لكم الكتب واسامي دور النشر ولاتنسوني من دعواتكم


1- اساسيات المحاسبة / صالح السعد / دار حافظ / السعر 56 ريال
2- الثقافة الاسلامية المستوى الثالث / فيصل بالعمش /دار حافظ / السعر 25 ريال
3- التحرير الكتابي / حمدان الزهراني / دار حافظ / 28 ريال
4- ادارة الانتاج والعمليات / توفيق ماضي / الدار الجامعية بالاسكندرية/ 65 ريال
5- مبادئ التسويق / رعد عبدالكريم حبيب / مكتبة خوارزم / السعر 45.5 ريال


وجميعها موجوده في مركز معارض الرياض حسب الموقع


انا بكرة الصباح راح اروح المركز واشتري الكتب وانزل صورها ان شاء الله

[abdullah albahli]

انا صراحه اخذت الاسلاميات واخذت التحرير العربي لكن الكتب الثانيه ما كنت عامل حسابها

لكن بكرة بمرهم علشان برجع الاسلاميات لاني من الذكاء اخذت حق المستوى الثاني
والي علينا المستوى الثالث

موفقين ان شاء
لكن باقي الماده السادسه وش صار عليها وش اسم الكتاب حقها !!!!

[مباركـ حمدانـ]

ماشاء الله الاسعار حلووهـ اذا كانت بالفعل متوفره بالمعرض .. لأني امس كنت بالمعرض

ومريت على جناح وزارة التعليم .. وبالقسم الخاص بجامعتنا ماحصلت ولاكتاب ..

بالنسبه لكتاب ادارة الانتاج والعمليات موجود بالمهندس بـ 55 ريال
والتحرير الكتابي بـ 50
والثقافه الاسلاميه بـ 38

بلغنا اذا حصل معاك شي .. وبأي دار نشر حصلتها

ومشكور على مجهودكـ يالغالي

[مسولف]

المشاركة الأصلية كتبت بواسطة abdullah albahli انا صراحه اخذت الاسلاميات واخذت التحرير العربي لكن الكتب الثانيه ما كنت عامل حسابها لكن بكرة بمرهم علشان برجع الاسلاميات لاني من الذكاء اخذت حق المستوى الثاني والي علينا المستوى الثالث موفقين ان شاء لكن باقي الماده السادسه وش صار عليها وش اسم الكتاب حقها !!!!

المادة السادسة مانزل الكتاب المقرر لها في موقع الكلية الى الان

المشاركة الأصلية كتبت بواسطة مباركـ حمدانـ ماشاء الله الاسعار حلووهـ اذا كانت بالفعل متوفره بالمعرض .. لأني امس كنت بالمعرض ومريت على جناح وزارة التعليم .. وبالقسم الخاص بجامعتنا ماحصلت ولاكتاب .. بالنسبه لكتاب ادارة الانتاج والعمليات موجود بالمهندس بـ 55 ريال والتحرير الكتابي بـ 50 والثقافه الاسلاميه بـ 38 بلغنا اذا حصل معاك شي .. وبأي دار نشر حصلتها ومشكور على مجهودكـ يالغالي

كتبت بالموضوع دور النشر لكل كتاب روح الى كل دار واسئل عن اسم الكتاب وراح تحصله

جناح وزارة التعليم ماله دخل بالكتب

[abdullah albahli]

مبارك انا شريت وركن جامعتنا كان خاص بالكتب الي يصدرونها


اما دار حافظ فيها كتب الثقافه والاسلاميات وانا شريتها منهم لكن تأكد انها المستوى الثالث لان الرجال عطاني
المستوى الثاني مضيع الله يهديه
الثقافه بـ 25 ريال
والتحرير العربي بـ بـ 20 ريال على ما عتقد لان كنت شاري كتب ثانيه خاصه فيني
لكن انت اول ما تدخل لمعرض الرياض تلاقي في اجهزة كمبيوتر منطوله في الزوايا
روح لها واكتب الكتاب الي تبي
يطلع لك سعره وسعره المخفض بمناسبة المعرض
علشان اذا جيت تشتريه تعرف سعره ولا يلعب عليك العامل
نصيحه تراهم حاولوا يلعبون علي في بعض الكتب الين هددتهم اني بجيب مندوب وزارة الاعلام
وعطوني اياها بالسعر المخفض
بس كان يبي الفكه مني
لانهم للأسف بعض الموظفين ما يستحون
اخوك ابو معن
بكره بروح وبشتري باقي الكتب ان شاء الله

[طارق58]

يعطيكم العافيه الي يبي الموقع هنا

http://www.riyadhbookfair.org.sa/Abo...cationMap.aspx

[سكرتي2]

اذاتقدر تشتريها اخوي لي الله لا يهينك
وترسلها لي وانا بحول لك المبلغ
والله يجزاك خير
انا من الشرقيه - الدمام