مين من العضوات في دا القسم المحترم ؟؟تدخل و تسجل اسمها لو سمحت ..!!

[ساكنه في بيتنا]

السلام عليكم و رحمه الله و بركاته


طبعا الموضوع باين من عنوانه ..

كل وحده تقول هي في اي تخصص عشان نعرف نتفاهم مع بعض لو فيه شي كدا ولا كدا ..

و بعدين فيه شي ملاحظتو كل اقسام المنتدى شغالين عليها خلق ربنا الا قسم الاقتصاد المنزلي المسكين
جالس في حاله ولا عنده احد ..

فلو سمحتو حطوا يدكم معايا عشان القسم لو قعد مغبر اكتر من كدا شكلهم راح يقفلوه



يلا نراكم قريبا على خير ان شاء الرحمن ^_^

[kikiwiwi]

صحيح و الله ^^
حتى قبل (أقصد قبل أزمة المنتدى) كانت تقريبا كل مواضيعه عن وحدة بدها مادة حرة من عنا .. وحدة تبغى تحول لكليتنا..
أحس العالم ماخدين صورة غلط عن أقسامنا..
يعني سابقا.. كنت أسمع طالبة الاقتصاد المنزلي تنعرف في الجامعة كلها لأنها شياكة و عطرها لازم يكون فواح و الميك أب كامل و .. و.. و.....

لمن دخلت في السنوات الأولى كان الكلام صحيح لكن أول ما نزلت الخطة الجديدة كانت نكبة على الجميع..
اللبس صار أسود و الشياكة اختفت و المكياج صار طبيعي من هالات سوداء و حبوب و شعر منكوش و برونزاج طبيعي <<< خخخخخخ ما جبت شي مو واقعي..

طلعت عن الموضوع <<< بس موضوعك جا بوقته ^^

أنا بدرس اسكان مسار إدارة سكن و مؤسسات..
طبعا من دفعة النكبة اللي المفروض تكون مستوى 8 بس الحمد لله على كل حال أصبحنا مستوى سادس
ايش حابين تسألوني عن تخصصي أنا جاهزة :d

بس ياريت لو تعرفينا عن نفسك ^^

و شكرا على البادرة الطيبة :)
موفق بإذن الله ... لك مني أجمل تحية .

[ساكنه في بيتنا]

هلا كيكي ويوي

انا دراسات طفوله

مستوى سادس بس عشان النكبه على قولك سرت في الخامس

و ان شاء الله بس اخلص من اختباراتي انزل موضوع عن قسمي المحترم

مشكوره على مرورك يا البي :)

[J..M..S]

انا لسه طازة مستوى ثاني ونفسي اتخصص تصميم اللي عنده خلفيه يفيدني
وان شاء الله اذا تخصصت بفيدكم


يسلمووو عالموضوع الحلووو

ساكنة

سلااام

[ساكنه في بيتنا]

هلا j..m..s

مممممم

ان شاء الله ربنا يكتبلك اللي فيه الخير و تتخصصي القسم اللي تبغيه :)


بس على فكره خلي في بالك انو محد يدخل قسم التصميم من غير اختبار قبول

ما اقلك الكلام دا تحطيم بس عشان تكوني مستعده

هو اختبار سهل لللي يفهمو في الرسم صحبتي دخلتو

تقول يحطوهم في غرفه و يطلبو منهم يرسمو دي الغرف اللي هم فيها مثلا

و يسالوهم كم سؤال اختياري عن اسس التصميم يعني الاضاءه و التنسيق و الظل و والنور و الحاجات دي


ممممممممممم

ايش كمان ... بس هو دا اللي افتكروه

واي مساعده نحن حاضرين :)

[J..M..S]

تسلميين خيتو
الله يسهلها ان شاء الله
وربي يوفقنا ويوفقكم


لي عودة

[قلب المحيط]

فكره ممتازه راح تفيد القسم كثيروتفيد كل اللي حابين يعرفون اي شيء عن الإقتصاد المنزلي وراح تقلل المواضيع اللي تدور في محور واحد
بس ياليت كل تخصص يكون مستقل في موضوع لحاله واللي تقدر ترفق صور عن قسمها واعمال القسم \فوائده\مساوئه\كل شيء يخصه نكون لها من الشاكرين

شكرا ساكنه على فكرتك الحلوه كنت حابه اطرحها من زمان لكن تخصصي شغلني كثير

[ساكنه في بيتنا]

يسمو قلب على المرور

و ان شاء الله بس افضى انا كمان و احط كل المعلومات اللي عندي عن قسمي ( دراسات طفوله )

[ابـ ع ـد مـن الـ خ ـيال]

وعليكم السلام

يعطيك ربي الف عافية

جزاك الله خير على الموضوع الخطير

انا تخصص اسكان مسار إدارة سكن و مؤسسات

مستوى خامس

دمتم بود

[NoDaH]

فكرة حلوة

انا تخصصي تصميم داخلي
مستوى سادس في الخطة الجديدة
مستوى تاامن في الحقيقة

ازا في اي استفسار حا احاول افيدكم قد ما اقدر :)