بنآت بايو كميستري

[DNA..~]

السلآم عليكم

الحمد لله تم قبولي في قسم الكيمياء الحيوية..

حابه اعرف مميزآت وسلبيآت القسم..

وكيف الدكتورآت..

وكل شيء

[Jeddah Glamor]

مبروك خيتوو

مبين محد منتبه لكن ابدأي باسماء المواد تلاقينها في الخطه عندك

ان شاء الله يساعدوكي باسماء الاستاذات

[DNA..~]

مشكوره قلبووو

^_^

[الشاطيء]

هلا اخت كول

مبروك القبول و الله يوفقك

بالنسبة للقسم أنتي اول ما تبدأي في التخصص بتدرسي ماده امسها كيمياء حيويه عامه من الآن أقولك عشان ما تتفاجئي اول ما تاخذي الماده هذي بتجيكي صدمه من الكميه و المعلومات بس شوي شوي حتتعودي و تتقبليها ، هي اساسيات علم الكيمياء الحيويه يعني دراسه عن البروتينات و الدهون و الكربوهيدرات و الفيتامينات و الأنزيمات و كيمياء الماء
في البدايه حتحسي بإرهاق من المعلومات الكثيره لكن صدقيني شوي شوي حتتعودي عالموضوع ، و المستويات اللي بعدها حتكون اسهل بكثيييييير
حاولي تاخذي هذي الماده مع دكتوره هاله سنبل و ابعدي عن دكتوره سوسن رحيم الدين

هذا بالنسبه لأول سمستر و بالإضافة لهذي المادة نزلي ماده اختيارية اسمها مصطلحات حتساعدك كثييييير في التخصص
يعني اول سمستر نزلي ماده كيمياء حيويه عامه + مادة مصطلحات
تكفيكي هذي المادتين من مواد التخصص و كملي ساعاتك من المواد العامه و الحره

بالنسبه للدكتورات اغلب الدكتورات عسل من جد عكس دكتورات الأقسام الثانيه
كلهم كويسين نادر جدًا تلاقي دكتوره في البايوكمستري احد يشتكي منها ماعدا دكتوره اسمها شاديه كثير اسمعهم يشتكوا منها ، ما ادري انا ما تعاملت معها و لا اخذت عندها بس كثير مره يقولوا اسألتها صعبه

لو حبيتي تسألي اي سؤال انا في الخدمه و الله يوفقك

[DNA..~]

تسلمي يا عسل

والله ريحتيني الله يريحك دنيآ وآخره قولي آمين

:)


هوا انا كنت اقول حا اخلي الجدول زي ما هوا يعني حا امشي على الخطه الدراسيه عآآدي زي ما هيا..

ما دة مصطلحآت..

كم ساعة..؟

موجوده هيا ضمن الخطه ولا كيف :d

انا اول سمستر عندي

احياء عامه..

كيمياء عامه

كيمياء حيوية

ثقافة

عربي

طيب كيمياء حيوية عامة نصحتي لي د.هآله..

باقي المواد تنصحي لي مين..

وكيف شرحها د. هاله تفهم ..؟ اسئلتها كيف..؟

معليش آسفه طفشتك :d

[CrAzY]

شوفي يا عسل ..

أول شي أعملي زي ما قالت لك أختنا الشاطئ .. كلامها مية مية ..
وخدي معمل دي المادة مع استاذة ألفت . مرة كويسة الله يحميها
بالنسبة لدكتورة هالة .. مرررررة عسل .. وأما من ناحية تفهم .. على حسب .. لكن الاغلبية يقولو ما تفهم بس عسل وتنجح وتعطي درجات .
في كمان د.سوسن رحيم الدين .. تعطي جنرال ( كيميا حيوية عامة ) شديدة بس تعطيكي حقك انا عن نفسي فهمت منها بس الاغلب يقول ما تفهم وانتقدوها كتير .
هيا كمان تعطي مادة مصطلحات وخدي معاها احسلك من ناحية اسئلة االاختبارات والدرجات . لا تاخدي المادة دي مع شادية زي ماقالت لك اختك الشاطئ .
ولا تخافي الدكاترة اغلبهم عسوولييين .

وبس حبيبي اي سؤال احنا حاضرين

ع فكرة .. المصطلحات مادة اختيارية بساعتين .. يعني تتحسب لك ضمن الساعات الاختيارية .

[الشاطيء]

هلا أخت كول

لا يا قمر لا تعبتيني و لا حاجه أحنا هنا عشان نفيد بعض

والله ريحتيني الله يريحك دنيآ وآخره قولي آمين

آمين يارب الله يسعدك محتاجه هذي الدعوات

بالنسبة لأسئلتك
* مادة مصطلحات ساعتين - و قلتلك خذيها مع الكيمياء الحيويه العامه لأنها حتفيدك في فهم المصطلحات الطبية و العلمية ، و اصلا في الخطه مطلوب منك 14 ساعه اختياريه و هي عباره عن ماده اختياريه بساعتين .

أحياء عامة 201 أحسن وحده تديها هي دكتوره زينب المديفر
كيمياء عامه ما عندي فكره بصراحه
كيمياء حيوية دكتوره هاله سنبل عسل و طيوبه و تعيد لك الشرح لما تطلبي منها مره نفسيتها عسل و متواضعه و مرررره اسئلتها حلوه و تصحيحها رووووعه مره مره تراعي
ثقافة - عربي ما يفرقوا كثير كل الدكتورات زي بعض لأن الأسئلة اعتقد موحده
أي سؤال انا تحت امرك

الله يوفقك في القسم

[DNA..~]

يسعدكم ربي..آمين..

:)

يلا إن شاء الله لمآ احتآج شيء تآني حا ألجأ لكم..

^_^

[همس المشاعر]

كيميا مرة حلو خديها مع دكتورة اكرام او امل فوزي او تهاني الزيات

[DNA..~]

اها

يعطيكِ العآآفيه..

^_^