أستفسار بسيط وحااابه أخذ أرائكم بكل صرااحه

[daloOo3at jeddah]

السلام عليكم ورحمة الله وبركاته

حاابه تقولولي يابناات الي راحة الجامعة وحبت تستفسر عن اي شي كيف كاانت المعامله هناااك ويريت تكوونوا صاادقين أنا رحت اليوم وأول مادخلت قلت السلام ولا أحد رد قلته مرررره ثاانيه مافي فاايده حتى بالغلط وحده ردة مااافي مع أنوا رد السلام وااااجب حطوا تحتهااا مليون خط عاد أنا عديتهااا جيت عند وحده ماعندها ولا بنت وقلتلها لو سمحتي بكل أدب سوت نفسها ماسمعت عدتهاا مره ثانيه وردة طبعا بدووون نفس وطول ما أنا أكلمهااا شايفه نفسهااا ما أعرف ليه عشان ربنا أعطاها وظيفه زي كده خلاص تعمل كده يمكن في لحظه تموت ونهايتها قبر أو يسيرلهاا شي وماتقدر تكمل ووظيفتهااا ماحتفيدهااا وأناا حاابه أوجه نصيحه صح أنا أصغر منهم بس أحس عقليتي وأخلاقي أكبر منهم ونصيحتي يريت يعاملوا الناس بنفس الطريقه الي يحبوا الناس تعاملهم بيها يعني على الأقل يكون في أحترام شويه وأدب نحس شويه أنوا نحن طالباات أنا عاارفه أنو كلامي في الهوا وقدييييم بس مييين سارلهااا زيي

[توكا]

اختي تبغي الحق بدون زعل ..

الحريم اذا مسكو وظايف كلهم نفس هذي الطخه الي انتي شفتيها الا نادرا ماتلاقي وحده اخلاق ..

انا كنت اشتغل في مركز صحي تعالي شوفي قد ايش الشكاوي على قسم النساء كلها حاجات تافه مطنشه مراجعه والا ترفع صوتها عليها ..

يعني باختصار الحرمه اذا مسكت شغل وفيه ناس يراجعونها تتكبر عليهم وتشوف نفسها عليهم ..

فلا تضايقي نفسك كل الي قلتيه شئ طبيعي عند الحريم ..

[do0ora-al harbi]

والله انا من ضمن الناس الي اقدم نفس شكوتكي يادلوعه صارتلي السنه الي فاتت داخله العماده طبعا كل وحده كانها في بيتهم مطفين النور وعلى اضاة الشمس الخافته وكل وحده الي على الجوال ولا الكبيوتر ولا تلفون ثابت وتسلمي ولا تتكلمي ولااحد يمك لين توقفي على راسها وتقوليلها ترى يافلانه انا بستفسر ولاتعبركي ولو عبرتكي من غير نفس
بس احب اقول للفئه هاذي ترى يوم لك ويوم عليك اليوم بنات المجتمع تتعاملي معاهم كذا بعد كذا بناتك يصير فيهم نفس الشى واقول لهم ترى انتو يلي في العماده تبع الحريم ((غصبن عنكم تحت خدمتنا )) اذا الملك خادم البيتين انتي وهيا من تكونو ..! لاتنسو انكم مخلوقين من تراب وبكرى ولابعدو راجعين له فااحترمو النعمه الي ربي اعطاكم هيا والامانه الي وكلها لكم وصيرو قدها وترى انتم ناسين ان ممكن بيوم وليله اي طالبه تقدر تفصلكي بمجرد نزول اسمك وشكوى عند د عبدالفتاح سليمان مشاط ومااقول غير حسبي الله ونعم الوكيل يسلمو دلووعه^

[αFйαи ≈]

غير جيدة ..


الموظفات هناك شي فوضوي .. الا من رحم ربي ،،


موقف شفته بعيني ..
في عمادة الشؤون .. واقفه سرا عند الشباك ، والموظفه الي داخل ،، رجل على رجل وتاكل شوكلت وكوفي ،، وتتكلم وفمها ملياان ،، صراحه وقتها ماسألتها ولا فكرت اسأالها ،، و الاحظ بس تصرف البنات ،، اغلب الاسئله ماعندها اي اجابه لها ،، بس الي سمعته منها " الي بعدهاااا ،، الي بعدهااا ،،، " عشان تمشي السرا ،



اي معامله جيده يرحم والديكم !! ،،، اسلوب ماش ابداً

[روان+]

بصراحه انا رحت قبل يوم العماده وكان من جد زحمه بس الاخوات هناك الله يهديهم مهملات وومتاخراات واذا جا دورك تعطيكي ورقه وتقولك تعاليلي وين اجيكي ارجع اوقف كم ساعه بالطابور عشان ورقه وربي شي يقهر ..


بس في بعض الاخوات بصراحه نادرا ما تلقين وشفت ثنتين بس الي منظمين ويمشون المعاملات بسرعه ..

بس الاغلببييه الاخلق بالخشششم ..

[Samia B]

انا اكثر من مره رحت والاسلوب الحمد لله والشكر بس ما نقول غير كذا
الا اثنين صراحة قمة في التعامل

استاذة نوال تبع المعاملات
واستاذه حنان تبع معادلة المواد

والبقية الباقية خصوصا المركز الشامل الله يسامحهم

غير امن البوابات يحسسوك انك داخلة بنتاغون والا ناسا
وانك اسوا وحدة ممكن تدخل الجامعه

[mesho.ksa]

^^



الله يكون بعونكم يالبنات




اما بالنسبة للشباب انا كثير رآجعت عمادة القبول والتسجيل ( الاستقبال مآحولك آحد مآحد يدري وش الطبخة وهذي كآرثة )

ولكن بالتعامل على طول يخدمك ويرد عليك بس معلوماته مآش


الادارة الداخلية رئيس قسم والسكرتآرية مآقصرو الله يجزآهم الخير ينشهد لهم بحسن التعآمل والاخلآق الرفيعة


عمادة خدمة المجتمع راجعتهم فترة وتعاملهم واخص بالذكر منهم محمد بن آمين وبدر العتيبي ونعم الاخلآق وحسن التعآمل مع المرآجعين ولآيهون سكرتير العميد / نآصر الغآمدي الله يعطيه العافية متعآون جدآ


الله يصلح الحآل ويكون بعونكم يآقسم البنات

[مجروح الزمن 11]

المشاركة الأصلية كتبت بواسطة توكا اختي تبغي الحق بدون زعل .. الحريم اذا مسكو وظايف كلهم نفس هذي الطخه الي انتي شفتيها الا نادرا ماتلاقي وحده اخلاق .. انا كنت اشتغل في مركز صحي تعالي شوفي قد ايش الشكاوي على قسم النساء كلها حاجات تافه مطنشه مراجعه والا ترفع صوتها عليها .. يعني باختصار الحرمه اذا مسكت شغل وفيه ناس يراجعونها تتكبر عليهم وتشوف نفسها عليهم .. فلا تضايقي نفسك كل الي قلتيه شئ طبيعي عند الحريم ..

ههههههههههههه شو كتر مهدوم هالرد >>تسلم الايادي

[دآفوره خآنوم]

انا رحت يوم الندوة بصراحه الكل رد ع ومبتسمين يمكن يتوعدونا ب الابتسامه خخخخخخ
بس الحمد لله محد تعامل معي بشكل سيئ ..