طريقة السداد لاختبار القدرات..عااااجل

[الملاك الوحيد]

السلام عليكم
تكفووون ياجمااعه ساعدوووني
سجلت في الاختبار القدرات (19-4) بس اخر شي كتبوا لم يتم تأكيد التسجيل الا بعد السداد؟؟؟
طيب كيف اسدد المبلغ ماني عارفه الله يوفقكم ويفرج همكم دلوني اش اسوووي الحين؟؟؟

[AreEej Al-RoOo7]

مساء الخير اختي روحي بكره لبنك الراجحي وسدديه من عندهم او خلي اي احد يروح واعطيه رقم سجلك المدني ورقم المشترك وخليه يسدد المبلغ او عن طريق الصراف

[هيستيريا]

التسديد يكون عن طريق الصراف اذا كانت نفس طريقة اختبار القياس للوظائف التعليميه
اتمنى اكون افدتك

[الملاك الوحيد]

مشكووورييين علرد الله يجزاكم الف خير
طيب انا سجلت في القدرات واختبار الانجليزي الحين ادفع المبلغ كل واحد وحده والا كلهم مع بعض
الله يحقق لكم اللي تتمنوه يااارب

[جواانا]

المشاركة الأصلية كتبت بواسطة الملاك الوحيد مشكووورييين علرد الله يجزاكم الف خير طيب انا سجلت في القدرات واختبار الانجليزي الحين ادفع المبلغ كل واحد وحده والا كلهم مع بعض الله يحقق لكم اللي تتمنوه يااارب

أودعي في حساب المشترك الخاص فيك كامل المبلغ 300ريال وبعدين المبلغ يتحول مباشره لسداد الرسوم ..وإحتياط بعد ماتودعين المبلغ تأكدي من حالة التسجيل إنها صارت مؤكد ..بالتوفيق

[عماد الحسن]

أتمنى لكم التوفيق والموضوع سهل جداَ وخاصة عن طريق المباشر في البنوك.

وأشكر الأخت http://www.skaau.com/vb/member.php?u=103366 على هذه المشاركات الواضحة في المنتدى.

[الملاك الوحيد]

طيب انا كل مااروح البنك احاول اسدد يقولي لايمكن اتمام العملية!!!! ولما اتصلت من الهاتف المصرفي يقولي الفاتوره منتهيه وانا دقيت قبل ينتهي الوقت؟؟؟
احد صار معاه اللي صارلي والا بس انا ؟؟؟ وهل في اختبار ثاني او لا ؟؟؟ تكفوووون ردوا عليه اش اسوي الحين؟؟

[بنت العطــا]

انا تقريبا مشكلتي نفسك رحت اليوم للبنك وقلت للموظفه ابي اسدد رســـوم القياس قالت ايه الرسوم 100 واعطتني اورقه وسجلت كل البيانات فيها واعطتني الايصال وقضيت ويوم جيت اكدد التسجيل بالموقع طلع الرصيد الحال _100 ومانيب عارفه وش اسووووي تكفووون احد يرشدني ينفع اسدد 100 الباقيه عن طريق الصراف والا لا تكفووون والله لا دعيلكم بظهر الغيب لان اذا ماسددت قبل 7 الصباح راح يتلغي التسجيل ولكم جزيل الشكــــــــــر..

[عذب السجاياا]

انا رحت للصراف وعن طريق الصراف سددت اولا 200 ريال لاختبار القدرات ومن ثم 100 ريال لاختبار الانجليزي ومن ثم تم اعتماد قبولي..ولاتنسي ان اخر موعد سيكون غدا
اذا اردت ان اوضح اكثر وبالتفصيل فلامانع لدي

[عذب السجاياا]

عن طريق الصراف

عمليات اخرى
ثم بطاقات مسبقة الدفع
ثم قياس
ثم اضغط على 200 ريال لاختبار القدرات ولاتنسين الايصال...اهم شي
بعد كذاهل تريد عملية اخرى اعيدي نفس الطريقة السابقة بس اكتبي 100 لاختبارالانجليزي واخذي الايصال وعن طريق الهاتف او عن طريق نفس الموقع يتم ادخال رقم الايصال ليتم اعتماد القبول

طبعا ان اتصلت بهم وقام الموظف بادخال رقم الايصال لانه اليوم كان فيه مشكلة فنية في ادخال رقم الايصال