كل ما تحتاجه عن التعليم عن بعد

[عبدالله 7z]

بسم الله الرحمن الرحيم

السلام عليكم ورحمة الله وبركاته . . . الحمد لله خلصنا الاختبارات عدت على خير والله يبشرنا وياكم بالنتايج اللي ترفع الراس . . . كثرت الاستفسارات عن التحويل للتعليم عن بعد . . . سبق لي وان طرحت موضوع عن تجربتي في التحويل من الانتساب الى التعليم عن بعد

تحويلي من انتساب للتعليم عن بعد (( تجربتي ))

اليوم وبعد ان اكملت سنة في نظام الانتساب وسنة في نظام التعليم عن بعد حقيقه كانت سنة دراسيه حافله بالنجاح والحماس وروح الجماعه والتعاون بصراحه توني اعيش جو الدراسه يعني اول انتساب الواحد ضايع ينزل الجدول روح اشتر الكتب وحدد المحذوف وذاكر على غير بصيره الواحد مو بعارف ايش الاشياء المهمه وايش اللي مو مهم يعني في هالحاله تقدر تقول مع نفسك . . . حقيقه كانت تجربتي مع النظام رائعه جدا . . . نظام سهل وبسيط يبغى له شويه متابعه واجتهاد . . . قبل اني ابدا في شرح النظام ابي اقولكم على شغله خاصه بالتحويل من انتساب الى تعليم عن بعد يوم الخميس في مركز اختبارات الدمام كان موجود د.داود المشاط وكيل عمادة القبول والتسجيل . . . سالته قلت له الان اللي يبي يحول ايش وضعه . . . قال لي اللي توه مخلص التحظيري يحول بدون اي مشاكل واللي مخلص ساعات واجد يسوي طلب تحويل وراح ندرس طلبه واحتمال يخسر بعض الساعات . . . بس ما اتوقع من الناحيه ذي يعني هم اصلا يبغو الطلاب كلهم يحولو تعليم عن بعد لانو من خطط الجامعه انها تحول الكل تعليم عن بعد وتلغي الانتساب . . . المهم اني سالته عن طريقة التحويل وقال انو في 13-3-1433 راح تنزل ايقونة التحويل على الاودس ومن هناك يتم طلب التحويل . . . على العموم اللي مستعجل على التحويل اذا كنت من اهل جده روح للجامعه افضل لك وخلص امورك واذا من خارج جده عليك انتظار الايقونة وتنفيذ الطلب عن طريقها . . . بس نصيحه اذا خلاص قررت تحول لا تتاخر لانو في ناس تاخرو هالترم في التحويل لم يتم تحويلهم الا بعد ثاني محاظره فاتتهم واجبات وتبهذلو اشوي . . .

بالنسبه للنظام هو صراحه نظام سهل جدا جدا وراح اعطيكم شرح له وان شاء الله ايام وانزل شرح بالفيديو لطريقة استخدام النظام . . .
نبدا بالمحاظرات طبعا المحاظرات تكون على السنترا وتكون حسب الجدول يعني حسب عدد المواد كل ماده لها محاظره في الاسبوع . . . بالنسبه لوقت المحاظرات تبدا من 4 العصر الى 10 بالليل يعني اخر محاظره تنتهي 10 وغالبا يكون باليوم محاظرتين واحيان محاظره حسب جدولك وايام فاضي . . . احيان يكون لنفس الماده اكثر من شعبه وفي اوقات مختلفه فلو ما ناسبتك الشعبه اللي انت فيها تقدر تغير شعبتك لو ما كان وقتها يتعارض مع وقت ماده ثانيه في جدولك . . .
بالنسبه للحظور اجباري سوا مباشر او تسجيل ( إعادة تشغيل ) الحظور مباشر افضل لك كفائده غير كذا احيان ونادر يحصل فيه مشكله في النظام فما تتسجل المحاظره . . . لو ما قدرت تحظر مباشر تقدر تحظر المحاظره المسجله وتحسب لك حظور بس يفضل انك تحظرها قبل وقت المحاظره الثانيه لانو في بعض الاساتذه قبل كل محاظره يطبع له كشف بالحظور والغياب للمحاظره السابقه وخلاص يعتمده عنده ما يرجع يطبعه مره ثانيه . . . مع العلم ان تغيبك عن 25 % ( تقريباً 4 محاظرات ) من المحاظرات لكل ماده (لا مباشر ولا تسجيل ) تكون محروم في الماده DN > >

الان نجي للواجبات والمنتديات طبعا هي تكون على الايميس نروح للواجبات يوجد اربع واجبات خلال الترم على كل واجب 4 درجات ولها تورايخ للتسليم محدده من قبل العماده وعاده تنزل على الايميس قبل موعد التسليم بـ5-4 ايام حسب المحاظر . . . وانت تقدر تحله وترسله عن طريق الايميس باي وقت بس قبل انتهاء المهله المحدده . . .

نجي للمنتديات هي ايضا على الايميس وعليها 4 درجات يعني المحاظر ينزل موضوع وحنا نتناقش فيه كل واحد يقول اللي عنده منت مجبور بشي معين بس اهم شي يكون متعلق بالموضوع ومنت محاسب على صحة معلوماتك لانه منتدى مفتوح للنقاش . . .

واخير في اختبارين فصلي كل واحد عليه 5 درجات ايضا يكون محدد بتاريخ معين من العماده والاختبار يكون على نظام الايميس ومحدد له 48 ساعه تفتح اي وقت يريحك وتختبر وكله خيارات وصح وخطا ولو فتحت الاختبار لازم تحله لانك ما تقدر تفتح مره ثانيه . . .

يعني بكذا نقول منتديات 4 درجات ، اختبار فصلي 10 درجات ، واجبات 16 درجه كذا تكون 30 درجه . . .

اكيد الكثير يسئل هل من السهل الحصول على 30 درجه طبعا شوية اجتهاد ومتابعه وباذن الله راح تاخذها . . .

وبكذا اكون خلصت الي عندي اسمحو لي ان كان نسيت شي واعذروني على التاخيرر ولكن كنت مشغول مع الاختبارات . . . واي استفسار انا حاظر باي وقت . . . والعذر منكم اخواتي لاني كاتب صيغه الكلام للرجال ليس المقصود انه موجه للرجال فقط ابدا هو موجه للكل ولكني عجزان اقعد اسوي شرطه و يا /ي . .

طرق استخدام نظام إدارة التعليم عن بعد الالكتروني (الايميس )

آلية تدريس برنامج التعليم عن بُعد


نموذج لمحاظرات التعليم عن بعد

http://www.skaau.com/vb/showthread.php?t=471930

وبالتوفيق للجميع . . . والله يبشرنا وياكم بالنجاح والتوفيق باذن الله

ملاحظة / اخر تحديث 20/7/1433

[al-ismail]

الله يعطيك العافيه .........

[طير النورس]

يعطيك العافيه اخوي

انا قررت احول من ايام السنترا
لكن انتظر وقت التحويل
والله فرق وانت تختبر ب 70 درجه 50 سوال
وانت 100 درجه ب 50 سوال


ومعليش عندي سوال
هل المحاظرات طوال الترم
او مثل الانتساب بس 3 اسبيع

[قطوه مكحله]

مليوووووووون شكرا

موضوع رائع وقيم

ماقصرت بيض الله وجهك

افدتنا ونورتنا الله ينور دربك ويحفظك ويوفقك

عسى ايامك كلها فرح وسعاده وامورك باحسن حال


جزاك الله الف خير

:)

[بروق الشوق]

جزاك الله كل خير

[كوكب الارض]

جزاك الله خيرا
معلومات قيمة
سلمت اناملك ياغالي

[عبدالله 7z]

المشاركة الأصلية كتبت بواسطة طير النورس يعطيك العافيه اخوي انا قررت احول من ايام السنترا لكن انتظر وقت التحويل والله فرق وانت تختبر ب 70 درجه 50 سوال وانت 100 درجه ب 50 سوال ومعليش عندي سوال هل المحاظرات طوال الترم او مثل الانتساب بس 3 اسبيع

الله يعافيك . . . ابد حولي وان شاء الله باذن الله ما تندمي . . . بس قبل كل شي تاكدي انك قادره على المتابعه . . . بالنسبه للمحاظرات هي طوال الترم . . . تقريبا 12-14 اسبوع . . . يعني راح يطلع لكل ماده 12-14 محاظره . . . والاختبار زي ما قلتي من 70 واحيان تجينا 35 سؤال واحيان 50 سؤال . . . وصراحه نفرح بــ35 لانها تكون اسئله سهله وغير متعمقه في الماده خصوصا اذا كانت ماده صعبه . . . وبالتوفيق ان شاء الله

[عبدالله 7z]

المشاركة الأصلية كتبت بواسطة قطوه مكحله مليوووووووون شكرا موضوع رائع وقيم ماقصرت بيض الله وجهك افدتنا ونورتنا الله ينور دربك ويحفظك ويوفقك عسى ايامك كلها فرح وسعاده وامورك باحسن حال جزاك الله الف خير :)

يا جعل ربي يعافيك ويسعدك . . . وبالتوفيق ان شاء الله

[عبدالله 7z]

المشاركة الأصلية كتبت بواسطة بروق الشوق جزاك الله كل خير

وياك يارب . . . بالتوفيق ان شاء الله

[عبدالله 7z]

المشاركة الأصلية كتبت بواسطة كوكب الارض جزاك الله خيرا معلومات قيمة سلمت اناملك ياغالي

الله يسلمك ويعافيك . . . بالتوفيق ان شاء الله