جوال سامسونج جالكسي نوت :)

[ملاذ الخواطر]

السلام عليكم ورحمة الله وبركاته

صباح /مساء الخير

من فتره جمعت عشان ابغى سامسونج جالكسي نوت


ووصيت أختي فيه لأنها كانت تبغى تشتري كمان لها ولزوجها
إلي صار إني امس نزلت جرير وإشتريت ب2850

وتفاجأت إنها راحت لوكيل شركة سامسونج في شارع فلسطين إشترت لي قبلها بيوم :(

ونزل لها السعر ل2450 يعني بسعر التراااب (لأنها إشترت 3)

وعطاها ضمان ذهبي +كوبونات تخفيضات كثيــــــــــره خصم 200 على ثلاجات و300 ريال على افران و100 على مسرح منزلي و200 على مكيفات سبيلت و20%تخفيض من سامسونج وكذا حاجه كمان .

المشكله انا قد فتحت جوالي وبديت استعمله بس الجوال إلي هيه جابته باقي حتى مالمسته (من الصدمه) والفاتوره معاه بالسعر والتاريخ يوم الخميس .

والعائلة كلهم تقريباً معاهم والمحل مايرجعه


ما أدري إيش اسوي فيه ؟!!!!!!

[Patricia]

بيعي اللي جابته اختك اللي لسه مافتحتيه دوريله شراي يمكن تلاقي هون بالمنتدى أو شوفي صديقاتك ..
أو رجعيه للمحل شوفي يترجع ..
بصراحة ماعندي فكرة اذا بيرجعوا الأجهزة عمره ماحصلي هيك مووقف ..

[إحساس ناجح]

شوفي جرير أنا آخر شيء أفكر اشتري منهم نصب متل stc. الحل رجعي الجهاز مكانو بالكرتون وكل شي وروحي شارع فلسطين أي محل يشتريه ونزلي سعره 2700 أو 2600 إذا سألوك ليش يتبيعيه قوليلهم ماناسبني وإذا بعتيه روحي عند المحل اللي أخذت منو أختك واشتري من عندو وكدا كسبتي الفرق وزيادة وضمان أفضل من جرير بس نصيحة اليوم بيعيه لأنو الجهاز طازه لسه لا تأخريه أوك

[ملاذ الخواطر]

المشكله ماأحد يوديني , وبعدين عادي عندي ماأبغى اربح فيه اهم شئ ابيعه

بعدين إلي من جرير قد استعملته يعني بيشتروه بسعر المستعمل ..

[إحساس ناجح]

المشاركة الأصلية كتبت بواسطة ملاذ الخواطر المشكله ماأحد يوديني , وبعدين عادي عندي ماأبغى اربح فيه اهم شئ ابيعه بعدين إلي من جرير قد استعملته يعني بيشتروه بسعر المستعمل ..

مو شرط شارع فلسطين أقرب سوق في محلات جوالات راح يشتريه مو لازم تروحين إنتي اىسلي أي أحد ويجيب لك فاتورة وأنا متأكد لو كلمتي صحباتك راح تحصلين أحد يشتريه منك

[يلدرم]

خدي الجهاز الجديد واهديه لاحد من قريباتك سواء عمه او خاله او من بناتهم

[همة همة همة]

المشاركة الأصلية كتبت بواسطة يلدرم خدي الجهاز الجديد واهديه لاحد من قريباتك سواء عمه او خاله او من بناتهم

حلوة

[كلي هدوء]

امممممم كلام إحساس مضبوط بيعيه بسرعة أفضل شيء أي أحد بيعي له الجهاز محل أو صحباتك

[ملاذ الخواطر]

طيب فيه احد هنا يعرف احد يبغاه ؟!!