ارجوو الاجابة يابنات التغذية

[جالكسي22]

بسم الله الرحمن الرحيم

السلام عليكم ورحمة الله وبركاته

ياحلوييين انا طالبه في السنة التحضيرية اتشتت كتييير وحست لما جيت بختار تخصص الى ان هداني ربي وقررت ادخل تغذية هنا في كليتكم

وبعد الحوووسة ولخبطة قراراتي استهديت بالله ورحت سألت اكتر عن القسم في الكلية " كل مالاقي بنت أسألها واستفسر عن شي الا ان وصلت الى المسؤلة عن التغذية اعتقد اسمها استاذة نجلاء"

المهم شرحتلي اكتر عن القسم وحبيتوو اكتر وسألتها عن الشروط اللي يبغوها وهنا كانت الطامة اللي لخبطت كل اللي قررتو واللي وصلت له بعد عناء

قالتلي انوو المطلوب عشان تدخلي دا القسم اهم شي درجة الانجليزي تكون 75 ومافوق ........

وانا للأفس مستوايا في الانجليزي موو داك الشي يعني بالعربي ماحجيب الـ75 ولا الـ70 موو اهمال مني والله .. كلوو من انظمتهم دي واسألتهم اللي مدري كيف؟!!<ماحدخل في دا الشي كتيير



سؤالي هو: هل فعلا مايدخلوو الا الي جايبين الـ75 وفوق ولا بس كدا كلام ووقت القبول يتغير كل شي؟؟...

وكمان عندي سؤال: دحين انا اخترت في التسكين اقتصاد منزلي وتاني رغبة علوم ع اساس انوو ابغى تغذية في الاقتصاد...لوو لاسمح الله ماانقبلت في التغذية فين حيودوني علوم؟؟ولا حيدخلوني اي قسم تاني في الاقتصاد اللي هوا نسيج"هوا دا الشي المتاح للعلمي"؟؟؟



معليش طولت عليكم ...
بس من جد انا في حاجتكم

في انتظار ردودكم

وبالتوفيق للجميع

[اجنادين]

والله ياعزيزتي انا متخرجة من كلية الرحاب والقسم رااائع فيه صعوبات ويبيله مذاكرة شدي حيلك اما من ناحية الانجليزي المصطلحات بالانجليزي ولكن كدراسة عربي
وانا الان مقدمة على الماستر وعلونا بالتوفل وهذا معناته ان دراستنا بالانجليزي لكن يسهلها ربك

[جالكسي22]

شكرا اجنادين ع ردك
بس ماجاوبتي على اسألتي
بليز احد يعطيني وجه ويفيدني
واكون شاكره لكم

[جالكسي22]

مو معقول يابنات التغذية
محد يعرف شي عن تساؤلاتي

شايفه عدد المشاهدات للموضوع اكتر بكتير من الردود الموجودة

بليييز ساعدوني وقولولي اي شي تعرفوه حيريحني

[cinnabon]

هلا أختي جالكسي

انا سمعتي دي الهرجة جديدة لانو وحدة كانت بتقول حيخصصوها على اساس درجاتها في الانجليزي

اول على أيامنا كان انو لازم نجيب في اسس تغزية 85 وفوق

بس شكلهم غيروو رأييهم عشان القسم اغلب واجباتو وشغلو بالانجليزي وترجمي ماتلاقي عربي الا قليل

بس ان شاء الله يااارب تدخلي ويسهلك أمرك

[Roa'a]

امممم
ايوه من الناحيه دي صح بس ودفعتنا كمان اخدوا اللي جايبين 85 وفوق
انا شايفه انو نزلولكم النسبه كمان
لانو هما فسمين فيا لاقتصاد المنزلي اللي فيها مستويات تدرس
بالانجليزي
هما التغذيه والتصميم الداخلي ^_"
بس انت حاولي تشدي حيلك بالانجليزي واستخيري
والله يكتبلك اللي فيه الخير

[ساكنه في بيتنا]

لو ربنا كاتبلك الخير في التغذيه راح تتيسر امورك ان شاء الله

انا افتكر لما قدمت على دراسات طفوله ما كنت مستوفيه شرط من شروطها .. بس الحمد لله انقبلت كيف ما ادري

وكلي امرك لربنا و ان شاء الله اللي فيه خير لك يسير :)

ولا تنسي الرسول صلى الله عليه و سلم قال تفائلوا بالخير تجدوه ..

بالتوفيق يا بطه ..

[جالكسي22]

شكرا اخواتي ع ردودكم

وان شاء الله اللي فيه الخير يصير زي ماقلتوو

[M!$$(=^,^=)tw!X]

سلام عالجميع .. طب انا عندس سؤال انا اتخصصت تغذية ايش اصير بعدين .. او ايش الفرق بينها وبين تغذية العلوم الطبية ؟؟ لانو صحبتي قالتلي انو وحده تقربلها درست تغذية في الاقتصاد المنزلي وتشتغل اخصائية في المستشفى !!! صحيح هالكلام ؟؟

[Roa'a]

الفرق أنو
اللي متخرجه من علوم طبيه تكون أخصائيه
اما من اقتصاد منزلي مسماها مو اخصائيه
لكن المستفيات يشغلوهم عشانهم ف رواتبهم ارخص من اخصائيات التغذيه
حقون التقنية الطبيه ^_"


بس صراحه هذا اللي اعرفو =)