حمله تاجيل الدراسه في الجامعه

[smorh]

السلام عليكم ورحمة الله وبركاته

طلاب وطالبات جامعه الملك عبدالعزيز انتم فقط بيديكم تاجيل الدراسه لان الجامعه بلا طلاب لن تنفتح ولن يدخلها لا اسامه الطيب ولا اي مسؤول نحن ابناء الملك عبدالله حفظه الله ورعاه نحن شعبه نحن الاهم ونحن جيل المستقبل الواعد
يدا بيد مع حمله لا للدراسه وتأجيلها انا مستعده اكتب خطاب منسق ومنظم وكل واحد ينسخه ويكتباسمه فيه ونرسله لسعاده مدير الجامعه بس ابي الموافقه والتاييد للبدء بكتابه الخطاب واللي يأييد يكتب ويقول انه معانا ويعطيني سبب له مقنع يخلينا ناجل الدراسه عشان انا ابغى الخطاب بمشاركه من جميع الطلاب وابي ارائكم واسبابكم المقنعه والصادقه اختكم .....

[Ġlαмσяσυş]

وعليكم السلآم ورحمة الله


يعطيكِ العافية ع الموضوع :)
أنا معك بالحملة .. وإن شآء الله يأجلون الدرآسة
طبعاً سببي .. هو تأكيد هطول الأمطآر يوم الجمعة
وبعدهآ بيوم رآح تبدأ الدرآسة
وأكيد الكل عآرف إن السد يبغآله مطر قوي وريآح أقوى عشآن ينفجر بالكآمل
والجآمعة شفنآ الضرر إللي صآر لهآ الربوع إللي رآح
فآحتمآل كبير جداً يصير لهآ أقوى من اللي صآر لهآ أول اهئ
فتخيلوآ يصير لهآ إللي صآر ونحنآ جآلسين في كلآسآتنآ
فكروآ في أهلكم كمآن كيف بيكون القلق إللي بيعوشون فيه من يوم ما تطلعوآ من البيت إللين ترجعون !

[ĂŅĢėĿįČĂ]

with you = )
good luck
: )

[daforat al adab]

وانا كمان معاك عن جد لازم نحس ببعض في ناس خسرت اهاليها وناس بيوتها في بنات مابقى من اغراضهم شي لا كتب ولا غيرو
وفي اولاد بيوتهم وسياراتهم راحت
هدا غير النفسيه والخوف كيف بندرس؟! قال حطو صفارات انزار قال!ههههههههههه ضحكوني
هدا غباء اولا مين الي بيشغلها لهم تاني هدي بتزيد الخوف سيول وامطار وبحيرة عفن مفجوره وامراض وامطار وحوادث وناس فوق بعض وبيخوفوهم ب صوت الصفاره" من قصورهم المحصنه يشغلوها واحنا الي بنورط"
في طلب ياريت الكل ياخدو بجديه بليييييييييز لو احد يعرف الصفا عليه ضرر ولا لا يقولي بليز
لانو ب الجريده قالو 9 احياء زكرو"السامر الاجواد الربيعه الصاعده " وبس وين الباقي احنا جيران السامر

[smorh]

وين تفاعلكم يا طلاب ما اشوف منك تفاعل الا من قله بكرة راح ينكتب الخطاب وراح احطه هنا وارفق معاه الايميل اللي نراسل فيه العميد او اي مسؤول اعلى منه

[bint_jeddah]

صراحه اذا البنى التحتيه كلها دمرت طيب انا كل محاضرات شبكات ..واكيد مافي ارسال ولا لا؟؟
ومباني البنات اغلبها قديمه البتول التاسع الخامس الرابع الثاني الاول تخيلو من يوم مافتحت الجامعه ..اذا التاسع مره خربت مكيفاته صار يهز فينا زي الزلزال وسو لنا اخلاء .. وربي تخيلو مع السيول يكون في موتى ولا شيء تحت التراب ..انا سمعت انه بيحفرو حدود ال 3 متر وبيلاقو سيارات فيها عوائل ميتين .. يالطيف يارب .. والامراض تكفي بس تعفن الجثث وربي زوجي يقول لحد امس وهو بس يخرجو جثث متعفنه .. ايش الوضع داه مره يخوووووووووووف

[عالم الحب]

أنا أيغى التأجيل مو ظلني كسولة

لا لأن عندي أطفال لازم أربيهم ما أبغاهم يعيشو أيتام مثلي

[smorh]

ارجو التفاعل من الجميع وكتابه الاسباب بأسلوب منمق لان الاسباب راح تندرج في الخطاب يا طلااااااااااااااب

[ملك بلا مملكه]

نحن يدا بيد معاك

فرق الانقاذ الى الان شغالين يطلعون الجثث

ولا حول ولا قــوة الا بالله

والله شي مـــحزن

واكبر غلطة راح ترتكبها وزارة التعليم العالي

هي عــدم التأجــيل

برضوا في من اصحابي

توفاهم الله مع هذي السيول

وكمان من اهاليهم

والله ما ادري كيف اللخبطة

انا توني جاي من حي الجامعة

كان عزى اهل واحد من زملائي بالجامعة

وكذلك الرئاسة العامة للأرصاد وحماية البيئة تقول احتمال هطول امطار بما لا تقل عن الثامن من ذي الحجة

وبحيرة الزفت كمان من جهه تهدد جدة باكملها .

فيا ليت تدرسوا الموضوع

وانا برضوا ما ابغى تتأجل الدراسة

لكن واقعنا يقول

انو لازم تتأجل

ولكن القرار قرارهم وارواحنا امانه

وانا معاك يا اختي Smorth

العالم ملخبطة

والعالم مو في بيوتها

اغلبهم في شقق مفروشه

ووصل عدد التسكين في الشقق المفروشه الى 6 الاف عائلة

وزي ما قلت فرق الانقاذ برضوا جالسه تطلع الجثث

والي راحت سيارتهم

فكروا زيــــن يا عالم

والله يحفظكم ويرعاكم ,,

[smorh]

المشاركة الأصلية كتبت بواسطة bint_jeddah صراحه اذا البنى التحتيه كلها دمرت طيب انا كل محاضرات شبكات ..واكيد مافي ارسال ولا لا؟؟ ومباني البنات اغلبها قديمه البتول التاسع الخامس الرابع الثاني الاول تخيلو من يوم مافتحت الجامعه ..اذا التاسع مره خربت مكيفاته صار يهز فينا زي الزلزال وسو لنا اخلاء .. وربي تخيلو مع السيول يكون في موتى ولا شيء تحت التراب ..انا سمعت انه بيحفرو حدود ال 3 متر وبيلاقو سيارات فيها عوائل ميتين .. يالطيف يارب .. والامراض تكفي بس تعفن الجثث وربي زوجي يقول لحد امس وهو بس يخرجو جثث متعفنه .. ايش الوضع داه مره يخوووووووووووف

الله يخليكي اذا زوجك يقدر يصور لي مكان المويه والجثث اللي الا الان يستخرجوها يصور ها لي عشان ارفقها في الخطاب وله مني جزيل الشكر