خلصنا الثانوية ورقصنا,,,طيب وبعدين؟؟؟

[H@nEEn]

المشاركة الأصلية كتبت بواسطة da_joker فاللي في بالي يدور هل كنت راسم طريقك للجامعة ومخطط له؟؟؟ وايش احلى اللحظات ايام التخرج من الثانوية ؟؟؟؟ ونشووووووفكم تاااني

اول شي الصوووووورة هههههههههههههه والله شكلهم ابدا مايوحي انهم ثانوي

تاني شي...أنا عن نفسي..
كنت احب الانجليزي...وكنت ابغا اسير ممرضة...
كانو يقولو لي اشلك ومال الممرضة سيري دختورةخصوصا انو نسبتي كانت تسمحلي
ولكن للأفس الشديد والأسف الأشد..مدري ليش كان التمريض مسيطر على تفكيري
جيت لبااااابااا وقلت له ما ألاقي إلا شكلي سار زي كدا>>>>>>>>>>
يا بابا يخليك يهديك يرضيك..قالي ادخلي جامعة الملك عبدالعزيز وسيري الي تبغيه ان شاء الله فنية علاج طبيعي

قلت يا لهوووي>>اشبو بابا حذف الديموقراطية ع جمب
بس انا كنت ابغا الكلية الصحية و ما اعرفش ليه محدش يسأل

قصر الهرجة جيت ابغا اتخصص انجلش قلت يوووه..ما ابغاا مسيري أكمل اللغه بأي شي
فاتجهت صوب الادارة والاقتصاد على أمل أتخصص (إدارة مستشفيات)


والحمدلله تم لي ذلك

أما بالنسبة ليش أيام الثانووي أحلى أيام ...اااامممم
أحسها مرحلة مرة مهمة في التكوين..لأنو بعدها إنت مسئول من نفسك..
وكلنا عارفين حياة لجامعه..عكس الثانوية..
الكل مترقب نتيجتك..والكل يقلك زاكر ادرس اجتهد وجيب معدل..فلازم انها تحمل مواقف حلوة

اما الجامعه لمن دخلتها قالو لي>>>هنننننقلعي<<
سوي الي تبغيه
فسرت مسئولة عن نفسي..برضو حلوة الاستقلاليه

أتمنى إني ما طولت

[.SuperGirl]

المشاركة الأصلية كتبت بواسطة da_joker فاللي في بالي يدور هل كنت راسم طريقك للجامعة ومخطط له؟؟؟

تقريباً.. كنت عارفة اني ابا جامعة الملك عبدالعزيز وبس.. وأبا اوصل للدكتوراه
بس ما كنت عارفة في ايش..


كنت افكر في الطب.. احطو في راسي واشيلو..
وكل دا من نظرة المجتمع للدكاترة ..


استشرت واستخرت واحترت (الخيار التاني تغذية أو كيمياحيوي)..


وكل ما يمر يوم يصعب اتخاذ القرار..
الصيف داك كلو تفكير في التخصص.. وهم!


والحمدلله تم اتخاذ القرار.. والله يوفقني لأداوي مرضى المسلمين... :)

المشاركة الأصلية كتبت بواسطة da_joker وايش احلى اللحظات ايام التخرج من الثانوية ؟؟؟؟

كتير.. ما اقدر أختار شي..

[never hide]

هههههههههههههههههه من جد أنا شفت الصور في الجريده مت ضحك

و لا واحد كاتب على ثوبو (( مدرستي انتي طالق ))

ممممم موضوع مهم ... ورجعنا بالذكريات الى الوراء ههههههههه

منجد المفروض يعلمو توعيه في الثانوي عشان الواحد يعرف اش يدخل في الجامعة

أنا افتكر مدرستنا كانو يعملو رحلات على كلية دارالحكمة و عفت و كلية الطب

بس المشكلة دحين في السنة التحضيرية بالله تخيلو الواحد يدرس و بعدين ما ينقبل في القسم اللي هو يبغاه

مساكين و الله أحس مره تشتت

النظام اللي على ايامنا كان أرحم على الأقل الواحد يدخل الكلية اللي هو مسجل فيها و يعرف راسو من رجولو

أما دحين صراحة ما اقول الا الله يعينهم

أنا عن نفسي كنت احب الطبيعة من أيام الطفولة و أحب أربي حيوانات عندي في البيت

في المتوسط كنت افكر ادرس طب بيطري ... و لما درست الاحياء في الثانوي شوية توسعت آفاقي

و أبلتي في الثانوي كانت تقولي ادخلي احياء عشان كنت شاطره فيه

المهم كنت محتاره بين الاقتصاد المنزلي و العلوم

ولما جيت اقدم كنت ماراح انقبل في العلوم قلت خلاص اقتصاد منزلي ( هندسة ديكور )

و سبحان الله عملو مقاعد اضافية و كانت العلوم من نصيبي

و تخصصت أحياء و مبسوطة فيه و الحمد لله على الرغم من انهم كانو يقولولي احول طب

لكني حبيت القسم بكل عيوبة و بكل عقبات التعليم الجامعي عندنا

و تخرجت الحمد لله الترم اللي فات

[shaden]

ياعيني على أيام الثانوي كانت أحلى ايام والله أفتكر مريول المدرسة انقلب سبورة خليت كل صحباتي يكتبولي عليه حتى

الدادات مفرد دادة كتبولي عليه ههههههههههههههه بقي البواب بس عم سالم ههههههههههههه طبعا فاكرته ينادي اسمي بطريقة مميزة جداااااااااااااااااا

أما عن المريول لحد يسألني عنه كنت حاطته في صندوق الذكريات في يوم من الايام خرجتوا واخدتوا الجامعة معايا وريته

للبنات رجعته معايا وحطيته على الكنبة الي في غرفتي ونسيت امره تعالي يا دادة خودي وحطي في الغسيل وغسلي

واكوي وعلقي طبعا مسكتها وعلقتها مكان المريول مع القهر ماعلينا المهم

كنت من الاوائل ولله الحمد كنت مخططة أدخل كلية الاداب تخصص اعلام بس مالقيت غير علم الاجتماع قولت يابنت يالله

مو المهم انا ايش دخلت المهم انا ايش حأحقق في تخصصي وكم أجيب معدل وكيف أخلي تخصصي في عيون الناس احلى تخصص

بس

ونشكرك يادوووك على مواضيعك الراااااااااااااااااااائعة