الطالباآآت المستجدات..جميع استفساراتكم هنــــــا

[samrona]

المشاركة الأصلية كتبت بواسطة тΰяҝιsн ςofféé الله يجزاك خير سمرونا ع الرد يؤ امداها تسكر يوم الاتنين رحت و كان لسى ما فتحوها بس لو جيد ع كلامك الساعات مرره مو جيده هه عشان الدكتورة يوم الاتنين قالت انو اقل شي 12 ساعه وهيا اللي رتبت الجدول ليا و خلته 10 ساعات = ( يلا ان شاء الله يفتحوها و اضيف معمل كيمياء ,, بس سؤال هوا معمل الكيمياء غير عن معمل الكيمياء العضوي عشان في الجدول مكتوب عند الكيمياء العضوي نظري/ عملي و ششكراً مره تانيه <3

ايوه هيا الساعات مره قليله ومايصير كذا
انا نازله لي 5 ساعات بس
بس نزلي كيمياحيويه + وامن سلامة مختبرات

ايوه معمل الكيمياء غير عنهم ..
كيمياء العضوي + كيمياء عام + احياء عام + كيمياحيوي
لهم معامل خاصه فيهم :)
ومعمل كيميا ومعمل احياء غير عنهم :)

[тΰяҝιsн ςofféé]

هههههه اما 5 ساعات يستهبلوا
يلا ان شاء الله يتعدل الجدول قريب ,, موفقه يارب

اهاا ,, خلاص ان شاء الله اضيفها يوم السبت حشوف ازا ربنا اراد

[sanureta]

السلام عليكم

انا مستجدة وانقبلت في قسم الاحياء

وبما اني مستجدة يعني ما عرفت ايش اسوي في الجدول !! ودحين قفلو الحزف والاضافة ومافي جدول !!

ايش اسوي ؟! كمان انا ابا احياء نبات وهما حطوني وراثة ايش اسوي ؟

وفين الاقي خطة قسمي !! دورت في الموقع وما لقيتها ><"

[samrona]

المشاركة الأصلية كتبت بواسطة тΰяҝιsн ςofféé هههههه اما 5 ساعات يستهبلوا يلا ان شاء الله يتعدل الجدول قريب ,, موفقه يارب اهاا ,, خلاص ان شاء الله اضيفها يوم السبت حشوف ازا ربنا اراد

اميين يارب والجميع :)
وتتسهل امورك

[samrona]

المشاركة الأصلية كتبت بواسطة sanureta السلام عليكم انا مستجدة وانقبلت في قسم الاحياء وبما اني مستجدة يعني ما عرفت ايش اسوي في الجدول !! ودحين قفلو الحزف والاضافة ومافي جدول !! ايش اسوي ؟! كمان انا ابا احياء نبات وهما حطوني وراثة ايش اسوي ؟ وفين الاقي خطة قسمي !! دورت في الموقع وما لقيتها ><"

والله ياروحي الحذف والاضافة تقفل من الاسبوع قبل
ذا اللي راح , والاسبوع اللي راح كان يدوي يعني
بحضورك انتي للكليه , وكان اخر يوم امس الاربعاء

* ان شاء الله ربي ييسرها لك السبت وكل شيء يتعدل :)
وتفضلي الخطة الدراسية
http://bio.kau.edu.sa/Pages-Bachelores.aspx

[h7nen]

بنات جدولي بس 4 مواد ب 10 ساعات كانت عندي ماده واختفت ياربي
مرا قليل صح ايش اسوي الله يسعدكم
بيو كيميائية ساعديني

[sanureta]

ايش وضعي ! مافي جدول ويقولي مو مسجل !!

[بيو كيميائية ^_^]

المشاركة الأصلية كتبت بواسطة nsmr انا كمآن عرفت اش هيا مشكلتي طريقة مذاكرتي مو صح يعني اشتت نفسي وكمان مااجلس بالوقت اللي احدده وبعد مو دائم اراجع او مو عارفه طريقة المراجعةة صح واحس هذي اللي منزل درجاتي لاني احس اتعب بس بالنهاية مافي درجة يعني بس اقول الحمد لله بس ناويه على ذا القسم لاني جد ماحبيت قسم قدهـ احس من كلامك عنو حبيته ولا ماكأن براسي كيمياء حيوي >< " جد كنت تايهة واقول يلا طب ههه ذا كان اول كنت متحمسة بقوة بعدين قلت لا محاسبة طبعا ذي الاشيآء الاساسية اللي اهلي يتكلمون عنها بس الحمد لله معطيني رآحتي يعني مااحد اتكلم ولاعلق وكلهم انصدمو بس جد ذي رغبتي واذا مااتحركت من اللحين متى يعني بصحى ناوية ذي السنة على ذا القسم وبقوة جد الله يسعدك بيو سآعدتينا ونصايحك جد الله يوفقك يارب ويسعدك ويوظفك قسم انك وحدا شيء -_- الله يحميك راح اطبق نصاايحك كلها ان شاء الله وبحاول اصلح مشاكلي بعد وبضغط نفسي لانو انا ابغى ذا القسم والحمد لله دخلته ♥♥"

شوفي طريقة المراجعة وأنتِ تذاكري تلخصي الشيء المهم زبدة الموضوع

لأنك مستحيل بتراجعي المنهج كامل في وقت قصير

مثلًا كيمياء 202 ألخص وأنا أذاكر القوانين والتعاريف و الوحدات

وحلو إنك عرفتي غلطك بس لازم تصححيه لأني أعرف مثلك يكسرون خاطري يا ماينامون يالخوف يقلب عليهم ويضيع تعبك

وكمان لا تشتتي نفسك بمصادر المذاكرة مصدر أساسي ومصدر للثبات وهو الفيديو لأن لما تشوفي الشيء غير لما تقريبن

خذي الأمور بسهالة بس بدون إهمال

وبإذن الله في هالترم تعوضين عن العام وماتقلي عن 95 في كل المواد

المشاركة الأصلية كتبت بواسطة тΰяҝιsн ςofféé السلام عليكم و رحمة الله و بركاته اليوم نزل جدولي و فيه بس اربع مواد احياء عامة 2 + آمن وسلامة مختبرات + كيمياء عضوية + معمل احياء و كلها 10 ساعات مررره قليله = ( ايش من مواد اضيفها معاها بس اهم شي ما يصير ضغظ في الجدول و كيف المواد اللي نازله كويسه ولا لا

وعليكم السلام

لازم جدولك مايقل عن 15 لأن بتتأخرين كثير بعدين

وأصروا عليهم يضيفون لكم

المشاركة الأصلية كتبت بواسطة h7nen بنات جدولي بس 4 مواد ب 10 ساعات كانت عندي ماده واختفت ياربي مرا قليل صح ايش اسوي الله يسعدكم بيو كيميائية ساعديني

قولوا لهم إنتوا اللي ماخصصتون إلا على نهاية الحذف والإضافة الحين تقولون لنا مافيه

ليش السلمانية يضيفون لهم ويوسعون لهم وإحنا لا بالرغم إن أنتوا اللي ماطلعتون التخصص لنا بدري

المشاركة الأصلية كتبت بواسطة sanureta ايش وضعي ! مافي جدول ويقولي مو مسجل !!

لأن مانزل لك جدول

روحي لهم السبت وأعملي مثل ماقلت للبنات اللي فوقكـ

ولا ترضين بأقل من 10 ساعات

وبنات نصيحة حولوا السلمانية

وشوفوا لكم حل مع إدارة كليتكم هذهـِ

كل سنة يعملون كذا

إهمال والضحية الطالب

حسبي الله عليهم بس

[h7nen]

مساء الخير رحت لهم اليوم واضافوا لي ثقافه وكيمياء عامه وصار جدولي كذا
امن وسلامه
معمل كيمياء
ثقافه
كيمياء عامه
احياء عامه
كيميا حيوي عامه
16 ساعه كويس ولا لا يمديني ارفع المعدل واحول ؟؟؟

[حبيبتي أمي]

آحم آحم

عندي سوال انا كنت ابي احذف العربي ولاني ملقوفه دخلت الاودس ولقيت مكتوب (اعتذار ) واخترته بس اكتشفت انو عدد الساعات ماتغيرر !!
وهقت نفسي ادري .. بس وش اسووي الححين