استفسار مهم جدن جدن كوني طالبة علمي وراغبة في تخصص القانون

[جمانه حسن]

السلام عليكم .,
السؤال باين من عنوانه ., انا طالبة علمي وان شاء الله راغبة بتخصص القانون هل هذا ممكن ( الاجابة ياريت تكون مضمونة ) ., وكم وقف المعدل العام ؟ ولاحظت انو نادر ماحد يبغى هالتخصص بالجامعة صح ولا ؟؟

وفقتم ! :)

[خالد الهجله]

ايووه


انا كنت رياضيات وحولت قانون


اذا جاتكـ رغباات التحويل تحطين الاولويات للكليات اللي تبينها


حطي اول شي كلية الاقتصاد والاداره

بعد ما تدخلين كلية الاقتصاد والاداره تروحين وتحولين على قسم الانظمه

وانتهت السالفه

بتقدرين وبدون شك

[جمانه حسن]

بس انت مشروع تحويل ., انا ابغى كرغبة دراسة من البداية !!؟

[المتره]

أنا علمي ودخلت قانون

جيبي معدل 4,5

ويدخلوك

[جمانه حسن]

الله يوفقك ., بس كيف ؟ انا سالت وحدة قالت العام لمن جات تحط الرغبات ماطلع لها قانون ؟

[خلدونة]

أتوقع يحقلك تدخلي قانون مافي أي مانع بس بضرو روحي اتأكدي بكرة في إدارة واقتصاد وأسألي وبالتوفيق

[Benoo]

قبل لا تتوّرطين , روحي اسألي رئيسة القسم اذا فيه اماكن شاغرة , القسم مزحوم وبالقوة قبلوا كم بنت بالنهايه .

[ميس محامية]

مافى اختيار اسمو قانون لان القانون تحت قسم الادارة والاقتصاد يعنى تدخلى اقتصاد وادارة وبعدين من داخلها قانون

[AFOODA]

انا قريب رحت للجامعه شفت ورقه معلقه فيه التخصصات القانون صار من اللمسار الاداري والمعدل المطلوب 4

[zeze23]

كم طالبين المعدل بالتحديد للاداري؟ ونقدر نحول الترم التاني ولا لأ ..... دعواتكم انو ندخل القانون