جامعه الملك وحافز

[meme22]

يابنات انا غير مؤهله والسبب اني طالبه في الجامعه والجامعه حاطيني انتظام
المهم كلمت حافز وقال الموظف اني لازم اراجع الجامعه علشان يعدلون بياناتي في وزاره التعليم العالي
واكون طالبه منتسبه ومؤهله للاعانه
الحين وش اسوي اراجع اي جهه في الجامعه اعطوني حل الله يريح بالكم اشغلونا هالجامعه يعني المكافئه المكرمه من الملك وبعضنا استلم بعد طلعت الروح والباقين ياغافلين لكم الله والحين كمان
تبغى تعقدنا في الاعانه والحل يعني .................مااقول الاحسبي الله ونعم الوكيل
الله مايضيع احد انا لله وانا اليه لراجعون والله محتاجينها وماصدقنا فرحنا انه للمنتسبين نصيب
ومانسوهم زي كل مره وتجون انتم يالي ندفع لكم فلوس تخربونهاااااااا

[SROoO]

حسبي الله ونعم الوكيل...

[قيتارة ألم]

روحي لمبنى العماده للقبول والتسجيل ادخلي غرفه المديره ابتسام وكلميها
اشرحي لها الموضوع وان شاء الله تحله او ترسلك لاي وحده تحل الغلط
وردي علينا
وحسبي الله ونعم الوكيل

[المع]

حسبي الله ونعم الوكيل
وندفع كل ترم 3000

[meme22]

اقول ليش ماتعدلها الجامعه لنا كلنا يياالمنتسبين لان الغلط صاير مع كل طلاب الجامعه

[المع]

طالبات الانتساب في الجامعات الاخرى طلعوا مؤهلين الا جامعتنا

[قيتارة ألم]

جامعتنا المشرفه نصابه حاطتنا انتظام ونستلم مكافئه وش تبين اكثر من كذا
واحنا مانطر منهم ريال ندرس بحسابنا وهم يلطو المكافئه كل شهر حسبي الله عليهم

[brincessa reem]

حسبي الله ونعم الوكيل عليهم اصلن لانه شكل عدد الانتساب اكثر انتظام فشي اكيد راح يكذبوا

[حياتي كلها الله]

طيب الحل وش نسوي

[aa=as]

حرام عليهم طيب وش اسوي اقدر اعدل بياناتي
وانا نسيت الرقم السري حق حافز
الله لا يسامحهم وش ذا
المكأفاة جتني بعد طلوع الروح