استفسار بخصوص بعض المواد الاختيارية

[طقوس ..~]

السلام عليكم ورحمة الله وبركاتة
عيدكم سعيد ,, وإيامكم كلها عيد إن شاءالله
الله يتقبل منا ومنكم ومن الحجاج صالح الاعمال


طُلب مننا نقرر اش المواد الاختيارية اللي حنضيفها في المستوى الثامن
وهي مابين

CPIT456 Software Economics >تدرسها أستاذة أسمها مروة

CPIT340 Database II

CPIT375 Data Network Design and Evaluation

~> يدرسونها رجال مكتوب tv


وحالياً أنا محتارة في الداتا بيس والسوفت وير
مافي شيء مشجعني على السوفت وير غير ان اللي بتدرسه دكتورة
بشكل عام يمدحونها ..
والداتا بيس مخوفني ان كان يعطيه دكتور هندي .. وطبعاً حالة في التواصل


ياليت أي أحد أخذ وحدة من دي المواد سواءً مع الدكتورة او مع الرجال
يقول لي انطباعه عنها (المادة كمادة ومواضيع - الدكتور او الدكتورة)
وإللي اخذو مادة السوفت وير يقول لي _مشكورين_ عن ايش تتكلم وهل هي زي الانالسيز وَ هندسة البرمجيات ؟؟
واللي اخذو داتا بيس ..هل هو شيء مثل الداتا بيس 1
واش اسم الدكتور اللي درسكم العام ,؟ وإيش رأيكم فيه

علماً بأنني والله اعلم أميل إلى اختيار الداتا بيس كمسار

أنا عارفة أن القسم جداً ميت ومحد عند احد .. لكن استخرت وبقى استشير
وشوركم وهداية الله

وشكراً

[نانو بيبي]

وعليكم السلام ورحمة الله وبركاته

بالنسبة للمواد الاختيارية

انا اخدت داتا بيس 340 مع دكتور محمد عمران الترم اللي فات ....هو هندي لكن التواصل معاه سهل وهوا متعاون
الترم دا يدرسهم احسان ...بصراحة صعب التواصل معاه ومحاضراته مملة (هادا رايي الشخصي )

بالنسبة للسوفت وير
انا ما اخدتها لكن اللي اعرفه انو دكتورة مروة مرة دكتورة كويسة وتفهم مزبووط

بالتوفيق

[Rawiah|IT]

انا اخذت 340 برضو مع دكتور عمران و اغلب دفعتنا كمان
زي ما قالت نانو بيبي متعاون و الاسئله زي السلايد
يعني باذن الله a+

لكن ذحين يعطيها احسان صح يطفششششششش و اسئلته من السهل الممتنع
يعني جاب اشياء ما تتوقعي تجي و تافهه و تغلطي فيها

حسيت مع خبرتي بالشعب الهندي الكريم انهم ما يشرحوا لكن اسئلتهم سهله ع قدهم

ع العموم انصحك بالداتا منهجها حلو وخفيف

لكن السوفتر وير ما اعرف شي عنها

و ربنا يوفقك و يسهلك