مبروك التخرج ومبرووك القبول بالجامعه وحياكم اتعرفو على السنة التحضيرية

[الحائرة دائما]

السلام عليكم ورحمة الله وبركاته ..

اول شي احب ابارك لكل اللي اتخرجو وانقبلو عندنا بالجامعه واقولهم يلله شدو حليكم وكملو طريقكم والله يوفقكم


والله راح اشتاق لدا المكان ولكل اللي ساعدوني لان اي شي ماكنت اعرفو موعد اختبار مكان اختبار اي شي على طول ماشاء الله على هنا والاعضاء الله يبارك فيهم ماكانو يقصروا اتمنى انكم كمان تفيدو بعضكم في المنتدى ^^

طيب ندخل في السنة التحضيرية ومافيها

نبدأ بالمواد

هيا عبارة عن ترمين كل ترم يختلف تماما عن التاني بالمواد وعبارة عن خطتين

خطه أ
(الرياضيات - اللغة العربية - الثقافه الاسلامية - الحاسب الالي )بالاضافة للغه الانجليزية للي عندهم

خطه ب
(مهارات الاتصال -مهارات التفكير - الاحصاء) بالاضافه للانجليزي للي عندهم

نتكلم عن المواد

مهارات الاتصال مادة جدا سهلة حاولو تجيبو فيها درجات حلوة ترفع المعدل بسهولتها تتكلم عن كيفية الاتصال مع الناس من اسمها

اما التفكير مادة دسمة صراحه وتعتمد على الحفظ بس الاسئلة مو صعبة كثير يعني ان شاء الله تجيبو فيها درجات حلوة لو شديتو حيلكم وهيا عن التفكير والبحث العلمي

الاحصاء اخو الرياضيات ناس قالت اسهل من الرياضيات وناس تقول الرياضيات اسهل وانا مع الثاني من وجهة نظري طبعا مذاركة اول بأول لان مادة فهمية لا تغلطو غلطتي ماينفع ابد تأجيلها لوقت الاختبار

باقي المواد مايبغالها شرح واضحه العربي اسهل من حق الثانوي الحاسب يعني مريح وتجيب درجات عاليه فيلو ان شاء الله اسئلتو سهلة اما الثقافه دسمة بس مو مره صعبة بس صعوبتها في كثرتها والرياضيات اول بأول نفس كلام الاحصاء ماينفع يتأجل بس اشوف انو خاصة في الدروس الاولى سهل تقريبا بس الاخيرة يبغالها الصراحه مذاكرة

,,,,,,,,,,,,,,,,,,,,,,,

نتكلم عن الاستاذات بالنسبة للبنات .انا عن نفسي اول مادخلت الجامعه كنت خايفه مره منهم من كتر مااسمع انو في منهم ظالمات ومن دي الاشياء بس الحمد لله ماقابلت وحدة سيئة الحمد لله بعضهم والله حبيتهم واتمنى يرجعو يدرسوني بفضل الله فلا اتخاوفو والله يوفقكم في استاذات
طيبات

,,,,,,,,,,,,,,,,,,,,,

وبالنسبة للانجليزي في كثير منكم مو فاهم هوا كيف نظامو

الانجليزي حيكون اربع مستويات كل ترم مستويين تدرسوهم عادي ونهاية الكتاب تختبروا فيه ويكون في اختبار دوري نص الكتاب. وتبدأ بعدو في المستوى الثاني والاختبار حق تحديد المستوى انصحكم لا تقولو مانبغا نحل نبغا نبدأ من البداية حلو اللي تعرفو واللي ماتعرفو لا تتعبو نفسكم عشان تبدؤ في المستوى اللي على قد مستواكم في الانجلش الا اللي يبغا يأسس نفسو مزبوط يعني اوك يبدأ من الاول هذي وجهة نظري انا اشوف الانجليزي ياخذ وقت ثلاث ساعات يومية يعني ياخذ وقت صراحه الله يعين الا اللي مره في الانجليزي مو فاهمو ابدا صعب عليه يبدأ من الثالث مثلا حيكون صعب عليه لان الاول الاساس والباقي يكمل فكل واحد يشوف ايش يناسبو..

اللي بعد الاختبار يطلعلها المستوى الثاني يعني حتبدأ منو وبعد كدة الثالث والترم الثاني الرابع ويبقالها نص الترم الثاني تفضي نفسها لباقي المواد اذا الواحد نجح ان شاء الله وكدا كل مستوى حيكون واظن المستوى الاول مافيلو رسوب بس يرفع في المعدل مني متأكد .ويدخل في المعدل من الثاني

,,,,,,,,,,,,,,,,,,,,,,

الجامعه بصفة عامه حياة تانية الصراحه مره تختلف عن المدرسة ف انتي اللي تجري ورا امورك ابد مافي شي اسمو مدرسة تلحق وراكي عشان درجتك او ايش مايكون .. وحاجات كتير حلوة ماشاء الله انتو حتكتشيفوها ان شاء الله^^ وفي شي ابغا انبهكم عليه في دورات تصير في الجامعه حاولو تحضرو اللي تقدروا وتكونو فاضيين وقتها انا استاذة قالتلنا عليها بس ماحضرة للاسف. لان يعطو شهادات على حضروك تفيد بعد التخرج عند الوظيفه تفيد كثير ان شاء الله

,,,,,,,,,,,,,,,,,,,,,,,,,

[COLOR=DimGray]
واخيرا اتمنى لكم السعاده والتوفيق واتمنى ما اكون نسيت شي اقدر افيدكم فيه واذا فيه اي سؤال انا جاهزة ان شاء الله وباقي الاعضاء^^
....

enter]

[غير مرشحه]

مشكووووووووره
جزاك الله خيييييييير

[مريخيه]

الحائره دائما من جد ما قصرتي بس حبيت اصحح معلومه مستويات الانقلش احتمال فيها الرسوب كلها
من الاول الى الرابع يعني حبايبي لاتستهينون فيه وشدو حيلكم ربي يوفقكم

[Matri]

مشكوووره ويعطيك الف العافيه على المعلومات
بس سوال اللحين انااختبرت اختبار تحديد المستوى وخلصت بس متى النتايج بالعاده

خايف والله وشايل هم النتيجه ومتى يحددون اي خطه توني بالسنه التحضيريه


ادري سويت لكم ازعاج بس آسف منك نتعلم ونستفيد

[الحائرة دائما]

العفوو^^ ومشكوورة كثير يا مريخيه على التصحيح وانا ماكنت متأكدة بس كويس انك صححتيه

[الحائرة دائما]

[QUOTE=Matri;4484769]مشكوووره ويعطيك الف العافيه على المعلومات
بس سوال اللحين انااختبرت اختبار تحديد المستوى وخلصت بس متى النتايج بالعاده

خايف والله وشايل هم النتيجه ومتى يحددون اي خطه توني بالسنه التحضيريه


ادري سويت لكم ازعاج بس آسف منك نتعلم ونستفيد[/QUOTE


احنا كان اختبارنا بعد رمضان والنتايج طلعلت يعني تقدر تقول بعد اسبوع نسيت صراحه بس قبل الدراسة ماتبدأ وعن طرق الموقع تلقاها بس انتو مادام اختباركم بدري يعني مااظن بيطول بس راجعو الموقع

الخطه الدراسية يمكن قريب تنزلكم العام يمكن برمضان نزلتنا طبعا قبل الدراسة ماتبدأ
ولا تشيل هم النتيجه مافي رسوب حتى لو بديت من المستوى الاول مايؤثر كتير اهم شي القبول الحمد لله وغيرو مقدور عليه ان شاء الله ^^

[Matri]

مشكوره ويعطيك الف عافيه على المعلومات<<<تدرين ثقافتنا فرنسيه وما نعرف بامور الجامعه شيء<<حاسس انه بيفلح مع البدايه هذي

[مجودة 2010]

مشكوووره ويعطيك الف العافيه على المعلومات *_^

[RHF]

حائرة ، ابا اتفلسف شوية بالنسبة للمواد المشتركة < لاني كنت علمي

الاتصال ، لازم كل شخص يدرسو يجيب فيه a+ لانو بالفهم حتى لو ما زاكرتو ، من مخكم تعرفو تجاوبو ، والاختبار حيكون الكتروني ، يعني لازم تكونو عارفين كل كلمة في الكتاب ، ومجرد انكم تقروه حتسبت المعلومة في بالكم


الحاسب ، الكتاب كان فيه اخطاء لازم تكونو صححتوها ، ما ادري ازا اتغير الكتاب او لا ، عمومن المزاكرة لازم تكونو حافظين كل كلمة وكل حرف في الكتاب ، والخطوات كلها موجودة برضو في الكتاب ، لانو الاختبار برضو الكتروني ، وكمان ممكن يجيبو اشياء ما تخطر على بالكم ، لاكن برضو لازم تجيبو فيه a+

والانقلش ، حاعيد و ازيد فيه وانا اقولكم ، الاسئلة دايمن تكون من الكتاب مافي حاجة خارجية ، وكمان الكتاب معاه سي دي ، حلو الاسئلة اللي فيه و اتدربو عليها ،، الوورك بوك حتى لو الدكتورة ما حلتو معاكم ، انتو حلوه بنفسكم ، واضمنو درجات الرايتنق و الاسبيكنق ، ترا المستويات كلها سهلة ،

الانقلش و الحاسب و الاتصال ( مواد محطوطة عشان ترفع المعدل ) وممكن تنعكس الآية وتهبط المعدل كلو ،

وكمان يا حائرة انا اختلف معاكي في نقطة ،، انا لاحظت انو الجامعة نفسها المدرسة ( ممكن عشان انا كنت نظام مطور )
الجامعة = مدرسة كبييييييييييييرة
تروحي تدرسي وتحضري المحاضرات و تكتبي كل شي ، وترجعي على بيتك
ولو محاضرة وحدة فاتتك ، حتحسي نفسك ملللللللللخبطة و الدنيا كلها تتخربط عليكي

( حائرة ، يعطيكي العافية وتشكري على الموضوع )

رهف

[THE HILL]

الاتصال ، لازم كل شخص يدرسو يجيب فيه a+ لانو بالفهم حتى لو ما زاكرتو ، من مخكم تعرفو تجاوبو ، والاختبار حيكون الكتروني ، يعني لازم تكونو عارفين كل كلمة في الكتاب ، ومجرد انكم تقروه حتسبت المعلومة في بالكم

كل كلامك صح ميه ميه

بس من مخكم هههههههههه قويه هذي



الاتصال اختبار الكتروني " من الناادر انكم تلاقو بنات نفس اسئلتكم"الدكاتره يفصصفصو الكتاب فصفصه خخخخ ويطلعو اسئله تحيير نوعا ماا :(



وممكن يجي سؤالين نفس الاجابه بس الصيغه مختلفه





بس مو ذاك الصعوبه اللي تخووف ^^ عاادي الاغلب جايبين فيه الايه بلس :)