البنات اللي راحوا اليوم الجامعه .. اش صار معاكم ؟

[rnd]

بسم الله الرحمن الرحيم


.
.
.

صباحكم ورد ..

بنات .. ايش صار معاكم لمن رحتوا الجامعه اليوم ؟

يعني بخصوص الجداول و الحذف و الاضافه و مشاكلها ..؟


في حل يعني و اضافولكم المواد ولا زي كل ترم عبي ورقه و تعاليلنا بعد كم يوم !!

صراحه مارحت اليوم عشان كذا .. لانه كل ترم كالعاده و نفس الكلام ..

اللي عندها معلومات تفيدني ايش كانت مشكلتها و حلولها هيه ولا طنشوها ..


يسلموو مقدماً ..

[يــ<ـق لـ&ـا]

والله عطيتني الورقة وقالت آكتبـي المواد الي ماانضافت لك آو الي مو راضيه تنضاف

واحنا ندبرها وإن شاء الله نحطاها لكم

وبسس قالت لها خلاص قآلت ايووووووة...

وانا ماصدقت طلعت بس ياليت يضيفوها لنا ونرتاااح من ههمها..

[Assor]

انا مارحت اليوم .. بس أعصابي جداً باردة من ناحية الجدول بس ...أحس إنو لااازم يسوو آآكشششن ^_^
إن شاء الله جدولي يكون تمتم على حسب ما حطيناهـ مع المرشدة، و بكرة إن شاء الله رايحة الجامعة ..

[rnd]

يعني نفس كل ترم ..

عبينا جدول مع المرشده على الفاضي ..

وحده قالتلي انه قالولها النظام خربان لا تجي بكرا كمان ..

طيب متى يتصلح ؟ ... ماندري !!

اجل مين يدري؟

مشي حالكم ..الله يستر .. اهم شي تنزلي 6 مواد ..

حتى لو بعد شهر ..

[لاتين]

بنات أنا ما رحت اليوم على أساس إني سويت جدول مع المرشدة

وهيا تعدلي من عندها عاللي أتفقنا عليييه <<<شكلي أتحلم

بس على موضوع النظام خربان ( صاحبتك اللي قالولها أيش تخصصها )


وأكيد النظام معطل يعني ما أروح بكرة وأتعب نفسي

[لاتين]

يا جماعة اشبو الاودس لسع متنك حتى الييوم

يعني قلنا امكن تنحل مشكلة مواد التخصص وتنضاف السبت <<< لكن برضها ما زبطت

واللي يقهر إنو الشعبة فتحت اليوم وفي بنات سجلو فيها <<<كيف يعني

و أنا لا عندي تعارض ولا شي

و مو راضية تنضافلي المااادة << ليييييييييييييييييييييييييييه

[Roa'a]

اللي سمعتوا من البنات
قالولهم هاتو الورقه اللي سويتوها معانا
وتعبي ورقه بالمواد اللي تبغيها
واستنوا



اتحدى ان نزلوها لوووووووووووول

[لاتين]

كيف يعني هاتو الورقة اللي سويتوها معانا

<<مو هيا أوريدي عندهم

بس شغل عبببط

حسبي الله عليهم

[rnd]

و الله حتى أنا يا لاتين ..

مقفل الموقع من الصباح و قبل شويه فتح ..

قلنا ان شاء الله يكون اتحل كل شي ..

اتاريه زي ما هوه ..!!

انا مواد التخصص اللي ابغاها و اللي اغلب البنات يبغوها كمان ما نزلت مع المواد المتاحه ..

وتشوفيها في قائمة الشعب ( صفر ) بنات مافيها احد ..

يعني لا فتحت ولا هي موجوده ..

ولاني عارفه ايش اسوي ..

انا ادارة سكن ..

و على قولتك يا رؤى .. اتحدى اذا نزلوها .. كان نزلوا المواد اللي عملناها مع المرشده بالاول ..

الله يعينا كلنا ان شاء الله ..

حالة كل ترم ..

[ساكنه في بيتنا]

من جد يا رؤى

انا داااايم كدا اروح يوم السبت و ما ينزلوا شي ارجع اروح الاتنين و على دا الحال ..

الله المستعان ..