مرافق الجامعه من ملاعب وغيرها .. كيف الاستفاده منها ؟

[فلسفة مهندس]

السلام عليكم

كيفكم ان شاء الله طيبين .. ودرجاتكم عساها مرتفعه

<<< ترا ماقصد انه اغلب الشعب مفحطين

بصراحه الموضوع اللي كان ودي اتكلم فيه عن مرافق الجامعه

يعني جامعتنا تحتوي على ملاعب مزروعه روعه ماشاء الله .. غير الاستاد الكبير الرئيسي

غير ملاعب السلة وغيرها


بصراحه انا من الناس اللي يحبون لعب كورة القدم لكن مافيه شي يشجع انك تروح تلعب بهذيك الملاعب

على حسب ماعرف انه اغلب اللي يلعبون في الملعب الرديف على سبيل المثال هم ناس من بره الجامعه

يتجمعون ويجيبون كوره ويلعبون . ولاهم ينتمون للجامعه من الاساس

وكليه الهندسه ماشوف اعلان الا مره كل 3 شهور يمكن انه فيه تدريب بالملعب الرديف .. ولمن رحت هناك باحد هذه التدريبات ( النادره ) كان مجرد لعب عادي وكثير منهم من بره الكليه اصلا

يعني احس فيه فوضى كبيره ولا احنا قادرين نستفيد منها استفاده تامه من المرافق المتطوره اللي عندنا .. لكن الغير مرتبه نظاميا للاسف

اتمنى اي احد عنده تعليق او تعقيب لايبخل فيه علينا .. ولكم خالص الشكر