!. ستـــــ'( الســـنة التحظيريـــة )'ــــوري .!

[LeLou]

المشاركة الأصلية كتبت بواسطة ُزمرد عذراً على المداخلة !! إنتِ .. هـ؟؟ :|

لا عادي يا عسل بس بلاشي فضايح راسليني لو عرفتيني ..
أمزح لا تزعلي..

[ُزمرد]

المشاركة الأصلية كتبت بواسطة lelou لا عادي يا عسل بس بلاشي فضايح راسليني لو عرفتيني ..

ووووووووآو هيّآ انتِ ..!!

طيب انا فلانة.. إللي اول ما اتخصصت صيدلة بعتلك مسج + كل ما اشوفك ف الكلاسات كنت اغنيلك هلابش وأقلك يا مسببة الكوارث

ماشاء الله عليك شآطرة .. وذكية . يجي منك وانا اتوقعلك مستقبل باهر وانا من ضمن اللي فرحولك وبرضه ضمن اللي أتفاجئو بِ البداية ..

بجد وحشتيني .. وكان نفسي أكلمك بس إنتِ ورقمك ف زحمـة!! قلتي ح تغيريه

.

عُذراً د.ماجد لخبطت موضوعك

[LeLou]

المشاركة الأصلية كتبت بواسطة ُزمرد ووووووووآو هيّآ انتِ ..!! طيب انا فلانة.. إللي اول ما اتخصصت صيدلة بعتلك مسج + كل ما اشوفك ف الكلاسات كنت اغنيلك هلابش وأقلك يا مسببة الكوارث ماشاء الله عليك شآطرة .. وذكية . يجي منك وانا اتوقعلك مستقبل باهر وانا من ضمن اللي فرحولك وبرضه ضمن اللي أتفاجئو بِ البداية .. بجد وحشتيني .. وكان نفسي أكلمك بس إنتِ ورقمك ف زحمـة!! قلتي ح تغيريه

مو قلنا بلاشي الفضايح ههههه..
.
حتى أنا كمان عرفتك على طول..
و بجد شكرًأ خجلتيني و إن شاء الله إنت كمان يكون لك مستقبل باهر يا أحلى صيدلانية..
و ما تشوفي وحش يا عسل،، و رقمي ما غيرته لساته زي ما هو..
من جد لخبطنا الموضوع خخخ..

[Majed7]

المشاركة الأصلية كتبت بواسطة lelou ههههه،، لا شكر على واجب بس المرة الجاية مزبوط إن شاء الله .. بحاولـ إن شاء الله تزبط .:) ترى على فكرة تقدم الناس و تؤخرهم ما راح يغير من وضعك شي،، هذي قناعتي الدائمة أهم شي أوصل للي أبغاه بغض النظر عن مواقع أصدقائي لانهم ما راح يقدموا و لا راح يأخروا.. و أنا متأخرة عن صاحباتي هما مستوى خامس و أنا رابع و ما احد من اللي نفس مستوايا معايا بتخصصي و مع كدا ماني مهتمة.. ثمرة نجاحي أنا اللي راح احصدها لوحدي و نتيجة فشلي أنا اللي راح اتحملها لوحدي هما ما راح يغيروا في وضعي شي.. أوكي أنا اليوم مروقة و ماخذه جرعة كافية من الكافيين و مع تشيز كيك و سينامون يم يم أحلى فطور.. لو كانتـ طبيعة تخصصي أترام وصيفي .. كانـ ضغطت على نفسي وأضفت مادتين كل ترم وصيفيات وراح أتخرج مع طلاب دفعتي الأصليه ويصير كأنيـ ما ضيعت شيء .. أو على الأقل ترم واحد :) معاكيـ بنقطة تقدم الناس ما راح يأخرني ولا يقدمني .. لكنـ كآن نفسي أكونـ ماشي مع أصحابي ويكونـ وضعي طبيعي في الجامعه - أقصد مساري التعليمي يكونـ بدون تعثرات - .! وإنتيـ برضوا مجربه تأخر ترم - لكنـ لو تاخذي صيفيات يمديكيـ تختصري هالترم - . آها بالعافية عليكيـ .. بس بطليـ إدمان الكافيين هذآ هو مو لها الدرجة بس أنا هذا اعتبره أكبر درس اتعلمته في حياتي.. هي الحكاية مو زي كدا بالزبط.. و أعتذر قبل البداية لأنه القصة راح تكون طويلة جدًا لا تناموا و انتوا تقراها.. هو أنا قصتي تبدأ من 4 أو 3 سنين تقريبًا.. كانوا أهلي مصممين على أني أدخل طب.. لسبب أنه احنا عندنا ناس في العائلة واحدة دخلت بنتها تقنية مختبرات و واحد بنته مدخلها تاخذ دبلوم صيدلة و مسويين أنه بناتهم دكاترة و قاعدين يتفاخروا فيهم قدامنا.. على اعتبار أنه اخواني و أخواتي الكبار من أكبر الأحفاد في العائلة و كلهم متعلمين و اخويا الكبير يدرس طب بشري و دحين خلص ما شاء الله تبارك الله و قاعد يطبق.. و كانوا أهلي مقهورين منهم لانهم جالسين يشوفوا نفسهم ببناتهم و أنا،، و اعوذ بالله من كلمة أنا،، مستوايا أحسن منهم.. أنا كنت مقدرة أهلي لانه بجد التلميحات اللي كانوا يسمعوها ترفع الضغط وتنرفز.. لكني كنت رافضة هذا الشي رفض تام على اعتبار أنه الطب مسؤوولية قدام ربنا و أنا راح أكون مسؤولة عن أرواح بني آدميين و أنا مو قد هذي المسؤولية و ما أبغى أتحملها.. و كنت أحب الكمبيوترات و أبغى حاسب و أحس نفسي جدًا مبدعة في هذا المجال.. خصوصًا أنه تخصص بابا و كنت جدًا متأثرة فيه.. و كانوا يقولوا لي نو واي حاسب طب يعني طب.. و أنا نو واي طب.. و قعدت معاهم في حروب شعواء من 2 ثانوي الين ما اتخصصت.. و احنا اصلا غير سعوديين و أخويا يدرس في ابن سينا و تكاليف دراسته تكسر الظهر،، و أنا و أخويا الصغير في مدارس خاصة،، و صدف مع هذا كله مرورنا بأزمة مادية.. إللي خلت بابا ما يقدر يدرسني في كلية خاصة لأنه مصاريف دراسة أخويا كفاية و بزيادة و هما كانوا أصلا هذيك الفترة بيزوجوه.. فقدمت في جامعة الملك عبد العزيز كذا بس لأنه زوج أختي يشتغل هناك و راح كلم دكتور و قال له ما شاء الله معدلها عالي و اداه أوراق أداني هيا اعبيها و ارسلوها لوزارة التعليم العالي.. و قعدت سمستر في البيت و ما ابغى أدرس لاني عارفة أنه لو أهلي دخلوني جامعة خاصة راح يدرسوني طب و أنا ما ابغى.. و قضيت الجلسة في البيت زي ما قلت أكل و شرب و نوم و انيمي و لا دخلت معهد و لا أخذت دورات و لا سويت شي،، لأنه الحمد لله انجليزيتي طليقة و الحاسب مرررة مو محتاج.. و بعدين نهاية السمستر الأول اتصلوا علينا الجامعة و قالوا لنا اني انقبلت عشان أجيب أوراقي.. و في اليوم اللي وديت فيه اوراقي و كنت مبسوطة للغاية انقلب نكد لانه بابا كان مصمم أنه يجيب لي واسطة من تحت الأرض تدخلني طب،، يقول لي انت ما تسمعي الكلام اللي ينقال عنك.. معليش أنا مو مضطرة أني اثبت لاحد مستوايا الدراسي و مو كلام فلان و علان هوا اللي يحدد مصيري.. و أصلا قبولي في الجامعة أكبر دليل على أنه مستوايا عالي و لله الحمد لانه سنتي اللي انقبلوا من غير سعوديين معدلاتهم الموزونة فوق التسعين.. طبعًا دخلت الجامعة قضيت التحضيري كلها و انا متوقعة أنه آخر التحضيري راح يتعلق حبل مشنقتي.. و كنت مهملة في الدراسة بس في نفس الوقت مو عالآخر يعني معطيتها اهتمام بسيط.. كنت أبغى أرسب نفسي عشان ينقطع على أهلي أي محاولة في انهم يدخلوني طب.. كنت أحس أنه وقتي قاعد يضيع عشان الناس و كنت ناوية لو دخلوني طب لما اتخرج ابروز الشهادة و احط لهم هيا في الصالة اتخصص اللي يعجبني.. بعدين بدأوا يسكتوا لانه محاولاتهم باءت بالفشل و ما قدروا يجيبوا لي واسطة أبدًا.. و لما بدؤوا يسكتوا و قرب موعد التسكين صارت ضجة في الجامعة لأنهم قالوا مافي حاسب الكلية مكتفية.. و مريت بمرحلة اكتئاب عويصة و بكاء و كانت على أيام الدوري الثاني و درجاتي نزلت.. و صارت هرجة طويلة و تفاصيلها انكتبت في المنتدى يمكن تكون قريتها.. و بعدين انقبلنا و أخيرًا حاسب كان حلم حياتي.. لدرجة أني لما شفت في الأوديس مكتوب حاسب قعدت أبكي في العمادة و كانت أول مرة أبكي من الفرح.. بعدها حسيت بضيق في صدري كانه أحد خانقني ماني عارفة أيش سببه.. و بعدها فكرت في الموضوع قلت أنا أيش راح أقدم للعالم و لنفسي بدا التخصص.. راح أصلح للناس كمبيوتراتها و أنا عارفة الناس كيف تستخدم الكمبيتورات هذي اليومين.. و لا راح اصمم برامج و الناس يستخدموها بطريقة و العياذ بالله.. أنا ما أحب أتحمل ذنب أحد و لما يصير لي موقف زي كدا ما أقدر آكل و لا أنام و أصير لما آكل أرجع الله يكرمكم.. يعني حالة متعبة للغاية و أنا كنت قبلها بفترة متعرضة لنفس ده الموقف بسبب شي متعلق بالكمبيوتر.. أنا عارفة أنه هذا مو منظار للحكم على الأشياء بس أنا كدا طبيعتي يجيني تأنيب ضمير من أقل حاجة و مو مضطرة أغير طباعي.. فقررت أني أحول فيزياء و استخرت الله و قلت لو اتيسر الموضوع معناها فيه خير و لو ما اتيسر خلاص حقعد حاسب.. فرحت العمادة و غيرت الكلية و رحت الكلية حددت تخصصي و نزلت جدولي في ساعتين إلا ربع تقريبًا خلصت كل شي.. و كل البنات قالوا لي ما كنا متوقعين أنك تحولي انت كنت اكثر واحدة حتموتي على التخصص و أنا كنت أقول غير حاسب ما راح أدرس.. و ما كنت أتخيل نفسي غير حاسب.. و قعدت أقول أنا مو مصدقة اللي قاعد يحصل معايا.. و أنا جالسة في المحاضرات حاسة نفسي مصدومة أقول أيه اللي قاعد يصير لي ده.. و كنت أبغى أكمل هندسة كهرباء بس الدكتورة اللي درستنا اسايات الكهرباء الله يسامحها طلعت من الكورس حقها صفر عالشمال.. و اتحطمت اكثر و اكثر قلت دحين أنا ايش حسوي بنفسي.. بس دحين أنا مررررررة مبسوطة في التخصص و عندي مشاريع نفسي أسويها لأنه في نظريات حاسة فيها ثغرات و نفسي أعمل عليها دراسة.. و دايمًا أدعي ربنا ييسرها ليا.. و اكتشفت أنه يمكن هذا انسب تخصص ليا و لو كنت دخلت حاسب يمكن كنت ندمت طول عمري.. و بجد أنا كل يوم أقول الحمد لله أني دخلت فيزياء.. و نفسي أؤلف كتاب و دايمًا اقول لماما ادعي لي و بجد صار عندي هدف أبغى أوصل له.. _______________ الله يعوضك خير إن شاء الله وتشوفيـ في قسم الفيزياء طموحاتك وآمالك ويكونـ هالقسم أخير لك من جميع أقسام الجامعه .. * أعجبني فيكيـ تقديمك لمصلحة أهلك على مصلحتك - فيـ مسألة إنك تدخلي طب على حساب أبوكيـ ولكن ما حبيتيـ تضغطيـ عليه - , وغيرك ممكن تقول أخوي كلها سنة بيتخرج وبعدها بيرجع الوضع طبيعي يعني يضغطوا نفسهم شويه :) .. * وحلو إصرارك على إتباع رغبتك في التخصص وبرضوا ما حبيتيـ تجرحيـ أهلك وترفضيـ بشكلـ مباشر .. حلوة العقلانيه وتهدأة الأمور >> علميني كيف * يب أتذكر موضوع الترم الثاني اللي سوته مسوري وإنتيـ كنتيـ فيه وعآزفة الكيبورد أتذكره وشاركت فيه طبعا .. بس أختيـ نظرتك لتخصص الحاسب أبدا مو منطقية .. كيف تكونـ شغلتك تصميم برامج وتصليح كمبيوترات .. التخصص أكبر من كذا بكثير خالي تخرج قبل سنتين حاسب وتوظف ما شاء الله في بنك بـ 15 ألف .. وشغلته كبيره مو زي اللي قلتيـ عنه .. * بسـ سؤال لو تكرمتيـ : إنتيـ حولتيـ فيزياء كذا على طولـ - يعني نظرة سطحيه - ولا أخذتيـ وقتك بالتفكير , لأنيـ حسيت قرارك كان متسرع ( وإنـ شاء الله التسرع هذا كانـ في التخصص الأفضل ) ؟ * حلوة جدا نظرتك لـ قدام .. وإنك حابه تسوي شيء كبير في قسم الفيزياء وتدرسي النظريات والقوانين مو بس حفظ وتطبيق ودرجات .. وبإذن الله بتوصليـ للي تبغيه \ / \ سوري عالرد الطويل تراني مفجوعة من شكله.. بالعكس مررره شكرا لأنك شاركتيني تجربتك ^_^ هو مو راضي يجي لأنك لسا قاعد تفكر بالماضي و تطالع على وراء.. بس من جد أنا اتعلمت أنه ما احد عارف فين الخير له و ربنا يقدم لك اللي فيه الخير و شيل من راسك هذي الأشايء اللي فات مات و طالع قدامك.. لأنه الزمن ما راح يرجع و راء و انت راح تضيع كثير من الحاضر و المستقبل و انت قاعد تطالع على وراء.. هيلين كيلر إذا تعرفها قالت:~ when one door of happiness closes, another opens; but often we look so long at the closed door that we do not see the one which has been opened for us. شوفيـ عشان ما أجامل ولا أبالغ .. أنا من جد ندمانـ ومتحسر على السنة - ولا زلت - وأحس إن هالصدمه كانتـ إيجابيه لأنه خلتني أجتهد أكثر ( وأحسـ أحيانا إن اجتهادي مو عشانـ احقق شيء .. بس من سبب الصدمه النفسيه ) أقولـ ضيعت سنه وما أذاكر وين عايش >> أكلم نفس قبل الاختبارات هيلين كيلر ما أعرفها >> ما عمره قرا كتاب بسـ مقولتها جدا رائعه , كلامها صح أنا لسى مركز على باب السنة الضايعه وما شفت باب الطب وباب الصحه وباب السعاده وباب الأمن وباب سكآو بصراحه مانيـ عارف أبرر قاعد أطالع نقطة سودآء في مساحه بيضاء >> تركت المساحة البيضاء كلها وركزت عالسلبية هذيـ ---------------------- و بس خلاص أنا من جد برااا..

ومن جد شكرا لكيـ في موازين حسناتك يا رب ^_^

عآجر عن شكرك وإيفائك حقك على ردودك بمواضيعي :)

موفقة يا رب في الفزيكس سكشن وإنـ شاء الله في السنوات الجايه نسمع عن تكريم الجامعه لكيـ على مجهوداتك ومساهمتك في تطور القسم ..

[Majed7]

^^

ههههههههههههههه

خلاصـ ما راح أسويـ اقتباس متعدد توبه ^_×

[LeLou]

المشاركة الأصلية كتبت بواسطة Majed7 ^^ ههههههههههههههه خلاصـ ما راح أسويـ اقتباس متعدد توبه ^_×

إنت لا تسوي اقتباس للرد..
اعمل رد جديد و العبارة اللي تبغى تقتبسها اعمل لها كوبي بيست و بعدين حدد عليها و اضغط على زر الــ Quote..
و بس..

لو كانتـ طبيعة تخصصي أترام وصيفي .. كانـ ضغطت على نفسي وأضفت مادتين كل ترم وصيفيات وراح أتخرج مع طلاب دفعتي الأصليه ويصير كأنيـ ما ضيعت شيء .. أو على الأقل ترم واحد :) معاكيـ بنقطة تقدم الناس ما راح يأخرني ولا يقدمني .. لكنـ كآن نفسي أكونـ ماشي مع أصحابي ويكونـ وضعي طبيعي في الجامعه - أقصد مساري التعليمي يكونـ بدون تعثرات - .! وإنتيـ برضوا مجربه تأخر ترم - لكنـ لو تاخذي صيفيات يمديكيـ تختصري هالترم - . آها بالعافية عليكيـ .. بس بطليـ إدمان الكافيين هذآ

تأخر ترم خلاني أتبهدل لانه كل سمستر احنا يا على نظام السنه اللي قبلنا يا على نظام السنة اللي بعدنا..
بس أنا ما همني مع مين أتخرج و مو ناوية اضغط على نفسي على حساب درجاتي باخذ راحتي و انا ناوية اخلص في 9 مستويات مو 8..
و لو باخذ صيفي بس عشان اخلص من المواد العامة و الحرة عشان اتفرغ لمواد التخصص في السمسترات العادية..
و بصراحة انا كنت افكر كدا في البداية بس بعدين حسيت انه هذا كله كلام ما له معنى..
و انت راح تستوعب الشي ده مع مرور الوقت..

* أعجبني فيكيـ تقديمك لمصلحة أهلك على مصلحتك - فيـ مسألة إنك تدخلي طب على حساب أبوكيـ ولكن ما حبيتيـ تضغطيـ عليه - , وغيرك ممكن تقول أخوي كلها سنة بيتخرج وبعدها بيرجع الوضع طبيعي يعني يضغطوا نفسهم شويه :) .. * وحلو إصرارك على إتباع رغبتك في التخصص وبرضوا ما حبيتيـ تجرحيـ أهلك وترفضيـ بشكلـ مباشر .. حلوة العقلانيه وتهدأة الأمور >> علميني كيف

و مين اللي قال اني كنت عقلانية..
أنا رفضت صراحة علنًا جهرًا و قامت بيني و بينهم حروب شعواء..
بس انا ماني من النوع اللي احب استمر في حرب انا عارفة اني ما راح انتصر فيها..
و انا عارفة انه اهلي ما راح اقدر عليهم..
فقررت اني افوض امري لصاحب القدرة لأنه يده فوق ايدي جميع الخلق..
و انا ماكنت ابغى اوصل لحاجة على حساب غضب ربنا ففوضت امري له و سكت و قعدت استنى المستقبل و قلت بلاشي استبق الأحداث،، و ربنا ما راح يقدم لي إلا إللي فيه الخير..
و بالفعل في النهاية لا اتخصصت طب و لا أي تخصص يمد للكليات الصحية بصلة..

* يب أتذكر موضوع الترم الثاني اللي سوته مسوري وإنتيـ كنتيـ فيه وعآزفة الكيبورد أتذكره وشاركت فيه طبعا .. بس أختيـ نظرتك لتخصص الحاسب أبدا مو منطقية .. كيف تكونـ شغلتك تصميم برامج وتصليح كمبيوترات .. التخصص أكبر من كذا بكثير خالي تخرج قبل سنتين حاسب وتوظف ما شاء الله في بنك بـ 15 ألف .. وشغلته كبيره مو زي اللي قلتيـ عنه ..

نو أنا نظرتي أبدًا مو سطحية..
بابا زي ما قلت تخصصه حاسب و انا عارفة اصحاب التخصص ده ايش يشتغلوا بالزبط..
بس أنا قاعدة اتكلم عن حياتي الخاصة بغض النظر عن الشغل قاعدة أتكلم عن ابسط الأشياء..
و أنا مو ناوية اشتغل غير لو معيدة في الجامعة لأني ما أبغى أي مكان فيه اختلاط<< و هذا كان أحد الأسباب الاضافية اللي مخليتني أرفض الطب..
غير انه كل اللي حولي يقولوا لي انت تنفعي مدرسة..

* بسـ سؤال لو تكرمتيـ : إنتيـ حولتيـ فيزياء كذا على طولـ - يعني نظرة سطحيه - ولا أخذتيـ وقتك بالتفكير , لأنيـ حسيت قرارك كان متسرع ( وإنـ شاء الله التسرع هذا كانـ في التخصص الأفضل ) ؟

أبدًا أبدًا،، أنا ما احب آخذ قرار عشان أندم عليه مستقبلا..
و هذا كان حلمي من أولى ثانوي و مو بس حلم،، أنا حاربت عشانه كثير و تعبت عشانه كثير و ذرفت عليه دموع ما تنعد..
و حولته لواقع بفضل ربنا،، فلا تتوقع أنه بعد ما اتحقق راح اتنازل عنه بكل سهولة عشان حاجة ما تستاهل..
و هي و إن كانت في نظر الناس سخيفة فأنا في نظري مهمة و عظيمة..

* حلوة جدا نظرتك لـ قدام .. وإنك حابه تسوي شيء كبير في قسم الفيزياء وتدرسي النظريات والقوانين مو بس حفظ وتطبيق ودرجات .. وبإذن الله بتوصليـ للي تبغيه

شكرًا و إن شاء الله إنت كمان تحقق اللي تبغاه و تنسى الماضي..

بالعكس مررره شكرا لأنك شاركتيني تجربتك ^_^

العفو..

شوفيـ عشان ما أجامل ولا أبالغ .. أنا من جد ندمانـ ومتحسر على السنة - ولا زلت - وأحس إن هالصدمه كانتـ إيجابيه لأنه خلتني أجتهد أكثر ( وأحسـ أحيانا إن اجتهادي مو عشانـ احقق شيء .. بس من سبب الصدمه النفسيه ) أقولـ ضيعت سنه وما أذاكر وين عايش >> أكلم نفس قبل الاختبارات

لا حول و لا قوة إلا بالله قول الحمد لله في ناس اعمارها ضاعت في أشياء ادهى و أمر..
و في ناس ما قدرت تحقق طموحاتها..
قول الحمد لله انك عايش و انك قادر تشكر ربنا و قادر تصلي و تصوم..
و قول الحمد لله انه عندك أشياء كثيرة غيرك ما عنده اياها و أولها حياتك و انك قادر تداوم في الجامعة..
و انه بتخصصك ده راح تساعد ناس كثير و راح يفتخروا فيك ناس كثير و راح يدعوا لك ناس كثير،، إنت ليه كدا نظرتك لوراء بس..

هيلين كيلر ما أعرفها >> ما عمره قرا كتاب بسـ مقولتها جدا رائعه , كلامها صح أنا لسى مركز على باب السنة الضايعه وما شفت باب الطب وباب الصحه وباب السعاده وباب الأمن وباب سكآو بصراحه مانيـ عارف أبرر قاعد أطالع نقطة سودآء في مساحه بيضاء >> تركت المساحة البيضاء كلها وركزت عالسلبية هذيـ

و باب ربنا..
هيلين كيلر هذي كانت واحدة جاتها حمى و هي صغيرة و فقدت على أثرها حاسة النظر و السمع..
كانت لا تشوف و لا تسمع و لا تتكلم..
و مع كدا اتعلمت و درست ماني فاكرة في اي جامعة و اخذت ماجستير و ألفت كتابين..
شايف كيف في ناس حتى الإعاقة ما وقفتها،، و انت سنة قاعد تتحسر على أطلالها..
تفكيرك هذا راح يضيع عليك أكثر من سنة،، و كثرة التفكير تشيب الراس و تجيب الضغط و تكبر الواحد..
و لو انت ما تبغى تتغير مافي شي راح يتغير..
أعتذر إن كان كلامي قاسي بس ترى أنا من جد اتنرفزت شوية..

ومن جد شكرا لكيـ في موازين حسناتك يا رب ^_^ عآجر عن شكرك وإيفائك حقك على ردودك بمواضيعي :) موفقة يا رب في الفزيكس سكشن وإنـ شاء الله في السنوات الجايه نسمع عن تكريم الجامعه لكيـ على مجهوداتك ومساهمتك في تطور القسم ..

آمين يا رب..
العفو و لا شكر على واجب،، بس يا رب تكون جالسة تجيب نتيجة و مو عالفاضي..
و إن شاء الله انت كمان تعمل شي حلو في و تبدع في تخصصك و نسمع عنك أخبار حلوة..
و سوري ترى شكلي أنا مرة ما أعرف اختصر و أعتذر مرة أخرى||~

[رسام الجزيرة]

تجارب عديدة خاضتها قلوب رقيقه الحياة محطة لابد ان تجبر القلوب على الوقوف فيها حياة

تعطينا قصص وعبارات واهات ومؤلفات العبره تنتهي بالنهاية

ماجد

ستبقي آهاااااتنا روح متناثرة جزء لايتجزأ من الحياة

لأن آهااااااتنا هي من تخرج طاقاتتا المخزونه بداخل قلوبنا للأبداع

وهذا لن يمنعنا أننا ننثر هناااا أشراقاااات روح متناثرة وتجارب عديده

تجارب محزنة ولكن النهاية تكون مشرقه

دعواتي لى ولكم بالقبول في الرغبات الموجوده بداخل القلب

وان نشاهد اروحنا وهي تجسد بالبكاء فرحة ورهبه لمستقبل مشرق

دعواتكم في هذا الشهر الفضيل بكل مايتمناه القلب واكثر

دكتور ماجد اشكرك على مواضيعك الرائعة وامنيه من قلبي ان اشاهد

هذا الكم الهائل من اخلاقك في تميز دوما واساله ان يرزقك ماتتمني