InstagramTwitterSnapChat


 
وصف

العودة   منتديات سكاو > الكليات الجامعية > منتدى كليات البنات > منتدى كلية التصاميم والفنون
   
   


اختبار التصميم الداخلي كل مايجب عليكي معرفته ١٤٣٩-١٤٤٠

منتدى كلية التصاميم والفنون

إضافة رد
 
أدوات الموضوع إبحث في الموضوع انواع عرض الموضوع
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
  #1  
قديم 02-11-2017, 07:23 PM

Shay Shay غير متواجد حالياً

جامعي

 
تاريخ التسجيل: Nov 2017
الكلية: كلية التصاميم والفنون
نوع الدراسة: إنتظام
المستوى: الأول
البلد: جــــدة
الجنس: أنثى
المشاركات: 2
Skaau.com (5) اختبار التصميم الداخلي + كيفية التسجيل ١٤٣٩-١٤٤٠


السلام عليكم ورحمة الله وبركاته

كيفكم بنات؟

ان شاء الله اليوم افيدكم عن اختبار القبول للتصميم الداخلي بجامعة الملك عبدالعزيز كلية التصاميم والفنون

طبعاً عند الرغبة في دخول تخصص تصميم داخلي
لازم اول شي لما يفتحو التسكين (تحديد القسم) نهاية السنة
انك تختاري كلية التصاميم والفنون، طبعا كل الاقسام تتفتح لك
وتختاري رغباتك الاولى والثانية...الخ الترتيب حسب اللي تبغيه
انصحك انك تحضري دورات الجامعة حقت تحديد التخصص
وتسألي زميلاتك لما يجي وقت التسكين لانه كل دفعه فيها اختلافات بسيطة.
بعد ماتختاري كلية التصاميم والفنون وتنقبلي فيها بإذن الله لازم تسجلي في الاختبار، تروحي بنفسك الكلية وتسجلي اسمك عندهم في الشؤون.
عشان كذا ضروري انك تتابعي حسابهم بالتويتر حتى تعرفي متى تروحي تسجلي ومتى موعد الاختبار. لانه التسجيل وقته محدود، والاختبار عادة يكون بداية السنة الدراسية الجديدة. (يعني بعد ماتخلصي التحضيري لو انتي مستجدة)

وهذي الحسابات اللي لازم تشيكي عليها باستمرار عشان تشوفي اخبار مواعيد التسجيل بالاختبار ومواعيد الاختبار.
تويتر

interiorkau
cartanddesign

والان نتكلم عن الاختبار

الاختبار قسمين عملي ونظري، النظري اسئلة اختيارية وصح وخطأ اختياري. بس قبل ماندخل بالنظري بتكلم عن العملي لانه اهم بكثير ويركزوا على مهاراتك فيه اكثثثثثثثر.
ضروري ضروري ضروري، اتعب واقول مهم انك تتدربي على الرسم
لو انتي ما عندك مهارات رسم لا تخافي، يمديكي تتدربي لكن لازم من الان تمسكي ورقة وقلم وتتدربي كل يوم ولا تتكاسلي، لو اسبوعين كاملة بس تتدربي على الرسم راح تشوفي مهاراتك اتحسنت. ولو انتي عندك مهارات رسم من البداية مرة كويس، بس برضه تحتاجي تتدربي على رسم الكنب.

اوكي "طيب نتدرب على رسم ايش بالضبط؟؟"
١. رسم المنظور بنقطة
٢. التظليل
٣. انواع التظليل
٤.الاشكال الثلاثية الابعاد (مكعب، كرة، شكل مخروطي) وتظليلهم
٥. رسم الكنب (اي شي قدامك ارسميه، وارسمي شي جديد كل يوم، حاولي قد ماتقدري وصدقيني بعد فترة بتشوفي تحسن، لا تحطمي نفسك)
٦. مراعاة الاضاءة عند التظليل او الرسم بشكل عام

نصيحة: افتحي جوجل او pinterest وابحثي عن الظل والضوء وانقلي، ابحثي عن المكعب والكره وانقلي منهم، لانه الرسم بدايته غالبا النقل. وبكذا تتحسني، هذا فيديو ممكن يساعدك..

https://youtu.be/v8M4yoc0ZbY


اما المنظور فعندك فيديوهات من اليوتيوب عن المنظور بنقطة (منظور نقطتين غير مطلوب بس اتدربي عليه احتياط)
شوفي هذي الفيديوهات لمنظور نقطة وطبقي منه اكثر من مرة، وابحثي زيادة اكتبي بقوقل ويوتيوب (رسم منظور بنقطة تلاشي واحدة)

https://youtu.be/30tzJG6EOTo
https://youtu.be/v9TYIrGs-6I




ايش جانا في الاختبار عملي؟

١. ارسمي منظور بنقطة تلاشي واحدة لغرفة من اختيارك (لازم تتدربي قبلها وتحفظي طريقة رسم غرفة نوم او معيشة او اللي يعجبك والكنب اللي فيها؛ افضل تبرزي الخامات زي مثلا الارض خشب باركيه حتى يكون مميز ويشد النظر عن الباقي، والوان متناسقة زي مثلا الوان متكاملة تجذب النظر وبنتكلم عنها بعدين)
٢. يجيبولك شكل دايموند (راح يغيروه يجيبولك خماسي امكن بس خذي فكرة) ويقولولك كبريه ضعف. فكبريه حسب اللي تشوفيه.
زي كذا لكنه اعقد شويه وجوته نسخ من نفس الشكل

٣. يجيبولك شي قدامك ترسميه زي مثلا كرسي، ولازم تضللي وخذي بالحسبان الظل والنور وكذلك الخامات لو كان في شرشف فوقه مثلا.


وبس هذا اللي جانا بالعملي. بنات اهم شي تتدربوا تمااااااام، ارسموا اشياء من واقع الحياة واتدربوا كثير على المنظور بنقطة وارسموا غرف تحبوها حتى تحفظوها وترسموها بالاختبار من ذاكرتكم.

الان نجي للنظري

1. Geometric constructions الاوجه والمساقط

٣. ماهي افضل ارضيات المطبخ، يجيكي خيارات
باركيه سيراميك فينيل الخ، فلازم تعرفي افضل نوع ارضيات لكل غرفة
٤. الالوان الحيادية والالوان المعاكسة او المتممة (ابحثي كثير بيجيكي مثلا سؤال: اللون الاحمر متمم للون الازرق - الاصفر - الاخضر. تختاري الاخضر. ابحثي اكثر عنهم واحفظي الالوان المتممه والثانوية والرئيسية الحيادية.. الخ مرة مهم.
٥. اضافة الالوان الحيادية تقلل من حدة اللون.
٦. يجيبولك مكعب مفكوك في سؤال واختيارات كثيرة، طبعا المكعب له ستة اوجه، في بعض الخيارات فيها اكثر من ٦ اوجه او حتى طريقة توزيعه غلط فانتبهي لكل النواحي. (شوفي موضوع سماح عن الاختبار بيساعدك http://www.skaau.com/vb/showthread.php?t=830871 )
وذي صورة بتساعدك كمان


٧. اتذكر سؤال "تنوع الاضاءة بشكل كبير غير مناسب"، الاجابة خطأ، هوا كثرة الوانها غلط اما تنوعها فهوا شي مرغوب.
٨. كان فيه سؤال شكل وجنبه اضاءة وانتي تختاري وين اتجاه الظل
وفيه سؤال شكل ويقولك كيف تشوفيه من فوق
٩. وفيه غرفه مأثثه وخيارات الشخص المناسب لهالغرفه.
١٠. الاسقاطات! مهم جدا جدا جدا، يعني مثلا يجيبولك شكل زي المثال اللي تحت باليسار، ويحطولك سهم على جهة معينة منه ويقولولك ايش تشوفي من ذي الزاوية وفي خيارات. اختاري الصح. وذا المثال:


انصحك انك تبحثي اكثر عنه واتدربي انك تعرفي المساقط من جميع زوايا النظر اكتبي بقوقل isometric drawing with orthographic view

اوكي بكذا خلصت من اللي انا متذكرته وساعدوني البنات على تذكيره من دفعتي.


ولكن.. يتبع!!!

التعديل الأخير تم بواسطة Shay ; 02-11-2017 الساعة 08:24 PM.
رد مع اقتباس

 

The Following 2 Users Say Thank You to Shay For This Useful Post:

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 02-11-2017, 07:34 PM   #2

Shay

جامعي

 
تاريخ التسجيل: Nov 2017
كلية: كلية التصاميم والفنون
نوع الدراسة: إنتظام
المستوى: الأول
البلد: جــــدة
الجنس: أنثى
المشاركات: 2
افتراضي رد: اختبار التصميم الداخلي كل مايجب عليكي معرفته ١٤٣٩-١٤٤٠

تكملة!!!


هذي اشياء ارسلوها ليا البنات وان شاء الله تساعدكم
كمان احب اوضح انه فيه دورات تساعدكم بالاختبار في بنات دخلوها السنو الي فاتت، فابحثوا عنها لو حابين.

وهذي المعلومات والاسئلة


اسئلة اختبار التصميم الداخلي اللي اتذكرها .

1. ❤رسم منظور بنقطة لغرفة و تعداد الاخطاء التي يجب تعديلها في هذه الغرفة .
2. 💕رسم ضعف المربع المرسوم بالتكبير وقياساته الصحيحة مع الشكل الذي بداخله.
3. ❤رسم كرسي موضوع امامنا مرمي عليه شال بالظل و النور .



1. الالوان الحيادية اختياري
2. الالوان المتكاملة اختياري
3. خطوط العرض وتاثيرها
4. خطوط الطول و تاثيرها
5. تاثير الالوان الدافئة او الباردة على سكيولوجية الانسان .
6. 👾جزء من غرفة من الاعلى بصيغة ال plan واختاري مايطابقة على شكل قطاع
7. 👾صورة النسبة و التناسب بين الاثاث * سؤال تكرر
8. 👾صورة كرسي و من الاختيارات الثقافة المصرية القديمة و الثقافة الرومانية و الثقافة ال...
9. 👾صورة زخرفة و من ضمن الاختيارت زخرفة اسلامية او زخرفة اغريقية او زخرفة فارسية او زخرفة ( كلمة فيها حرف الش
10. 👾صورة زخرفة وتصنيفها الى نباتية او هندسية او ...
11. 👾اختياري صورة طاولة و نختار التصميم او الترتيب الامثل للي حولها * سؤال تكرر
12. 👾صورة مبنى و يشار الى جهة منه وكيف رؤية المبنى لو مشينا امامه بالاتجاه المشار اليه * سؤال تكرر كثير
13. الالوان المتراكبة
14. 👾الظل والنور يعطونا صور و بحسب الضوء نقول ايش الظل الاصح * او من فين مصدر الضوء سؤال تكرر
15. غرفة اطفال/مطبخ وايش انسب ارضية فينيل و باركيه سيراميك
16. الالوان المحايدة تعطي عمق للغرفة





المشاركة الثانية




اسئلة اختبار التصميم الداخلي اللي اتذكرها .
1. رسم منظور بنقطة لغرفة و تعداد الاخطاء التي يجب تعديلها في هذه الغرفة .
2. رسم ضعف المربع المرسوم بالتكبير وقياساته الصحيحة مع الشكل الذي بداخله.
3. رسم كرسي موضوع امامنا مرمي عليه شال بالظل و النور .
4. الالوان الحيادية اختياري
5. الالوان المتكاملة اختياري
6. خطوط العرض وتاثيرها
7. خطوط الطول و تاثيرها
8. تاثير الالوان الدافئة او الباردة على سكيولوجية الانسان .
9. جزء من غرفة من الاعلى بصيغة ال plan واختاري مايطابقة على شكل قطاع
10. صورة النسبة و التناسب بين الاثاث * سؤال تكرر
11. صورة كرسي و من الاختيارات الثقافة المصرية القديمة و الثقافة الرومانية و الثقافة ال...
12. صورة زخرفة و من ضمن الاختيارت زخرفة اسلامية او زخرفة اغريقية او زخرفة فارسية او زخرفة ( كلمة فيها حرف الش
13. صورة زخرفة وتصنيفها الى نباتية او هندسية او ...
14. اختياري صورة طاولة و نختار التصميم او الترتيب الامثل للي حولها * سؤال تكرر
15. صورة مبنى و يشار الى جهة منه وكيف رؤية المبنى لو مشينا امامه بالاتجاه المشار اليه * سؤال تكرر كثير
16. الالوان المتراكبة
17. الظل والنور يعطونا صور و بحسب الضوء نقول ايش الظل الاصح * او من فين مصدر الضوء سؤال تكرر
18. غرف الاطفال وايش انسب ارضية فينيل و باركيه سيراميك
19. الالوان المحايدة تعطي عمق للغرفة




وبالتوفيق بنات، لو في اي اسئلة او اي احد عنده اضافات تساعد غيركم حطوها. ان شاء الله ما انسى الموضوع هنا، لا تستحوا اي اسئلة قولوا وان شاء الله نقدر نفيد بعض.

وربنا يورينا الطريق الافضل لنا في حياتنا. لا يخيب ظنكم ابداً 💜💙

 

Shay غير متواجد حالياً   رد مع اقتباس
 

The Following 2 Users Say Thank You to Shay For This Useful Post:

منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 04-11-2017, 11:10 PM   #3

Naser

مؤسس الموقع

الحمدلله

الصورة الرمزية Naser

 
تاريخ التسجيل: Sep 2003
كلية: كلية الاقتصاد والادارة
التخصص: Law \ I.T
نوع الدراسة: إنتظام
المستوى: متخرج
البلد: جدة
الجنس: ذكر
المشاركات: 10,025
افتراضي رد: اختبار التصميم الداخلي كل مايجب عليكي معرفته ١٤٣٩-١٤٤٠

وعليكم السلام ورحمة الله وبركاته

الله يعطيك العافية على المجهود الجميل في هذا الموضوع
سيتم نشر الرابط لجميع الطالبات في حساباتنا بمواقع التواصل الاجتماعية حتى يستفيدوا منه الطالبات

شكرا لك
وياهلا

 

Naser غير متواجد حالياً   رد مع اقتباس
 

إضافة رد

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 12:05 PM


Powered by vBulletin® Version 3.8.9 Beta 3
Copyright ©2000 - 2024, vBulletin Solutions, Inc.
Ads Organizer 3.0.3 by Analytics - Distance Education

أن كل ما ينشر في المنتدى لا يمثل رأي الإدارة وانما يمثل رأي أصحابها

جميع الحقوق محفوظة لشبكة سكاو

2003-2023