ابغى معلومات كافيه عن التعليم عن بعد الله يسعدكم

[تايهه دلوني]

السلام عليكم ورحمة الله وبركاته

كيفكم وكيف الإجاااازة إن شاء الله كل زي الفل بالنسبة ليا لسى شايله هم الشهااادة الله يستر من الشهادة (النسبة والمعدل)
المهم أنا بصراااااااااحة ما أرتحت للإنتساااااب وماكنت مقتنعه فيه بس دحين شكلو طفح الكيل بما انو للانتساب مافي غير 4 او 5 تخصصااااااات إن شاء الله راح أحول تعليم عن بعد بصراااااحة ابغى من طالبات السنة التحضيرية تعليم عن بعد كل شي يخص التعليم عن بعد
بإختصااااااار انا اعرف انو لازم نحضر السنترا ولها درجات وللمشاركة برضو درجات فبس هذا الي اعرفو وسمعت يقوقلو فيه اختبارات شهرية ع ما اعتقد ف بلييييز من الي عندها معلومات كافيه تقلي يعني اذا في اختبارات شهرية كيف الطريقة هل اروح الجامعه واختبر ولا من المزل وكيف الطريقة لو دخلت السنترا كيف الاستاذة تعرف انو انا جاوبت او شاركت معاها وهل يبغالو لازم نشغل الكاميرا حق الاب توب ولا زي الانتساب بدون كميرا

بليييز كل شي مهم قولولي ياااه تكفون.

مع تمنياتي للجميع بالتوفيق والنجاح

[فدى الحلوين]

ي قلبي في تخصصات للانتساب مفتووحه بس هماا مو كااتبين حتى انا كنت كدا وشفت 4 تخصصات بس قالولي انو المجال مفتوح للاتخصصات الانتساب ..

[ABU_JANA]

انا كمان نفس الطريقة اتحطمت من تخصصات الانتساب الجديدة وقاعد ادرس اني
احول تعليم عن بعد علشان احقق حلمي في التخصص اللي يناسبني وينفعني

[تايهه دلوني]

المشاركة الأصلية كتبت بواسطة فدى الحلوين ي قلبي في تخصصات للانتساب مفتووحه بس هماا مو كااتبين حتى انا كنت كدا وشفت 4 تخصصات بس قالولي انو المجال مفتوح للاتخصصات الانتساب ..

من جد طيب مشكوووررة ياقلبي الله يسعدك طمنتيني


مع تمنياتي للجميع بالتوفيق والنجاح

[تايهه دلوني]

المشاركة الأصلية كتبت بواسطة abu_jana انا كمان نفس الطريقة اتحطمت من تخصصات الانتساب الجديدة وقاعد ادرس اني احول تعليم عن بعد علشان احقق حلمي في التخصص اللي يناسبني وينفعني

اها ماشاء الله حلو الله يوفقك في التخصص الي تبغاه

بس كذا ولاكذا إنتساب ولا تعليم عن بعد مارااااح نتوظف بشهاداتنا لانو موموثقة انا سمعت يقولو كذا الله اعلم حتى في الوظايف مفضلين الإنتظام
بس الي فيلو خير لنا يجيبو ربنا ويوفقنا في التخصص الي فيه مستقبل لنا
(آمــــــــــــــيـــــــن يــــــارب)

مع تمنياتي للجميع بالتوفيق والنجاح

[شادونا]

ابغى اعرف لو بتخصص قانون تابع كلية رابغ ’’ الاختبار يكون برابغ ولاعادي اختبر بجده ؟؟؟ وهل عليه رسوم ؟

[جودي الحربي]

^
^

الاختبار زي ماتحبي تبغيه برابغ بموقع الكليه او بجده فرع كليه الفيصليه بدون رسوم طبعا لانو بجده

[yama]

بسم الله الرحمن الرحيم

بالنسبة للتعليم عن بعد انا افضلها عن الانتساب للاسباب كثيرة

اولا انك تحضري المحاضرة الافتراضية وتفهمي الدرس مثل طالبة الانتظام

واذا مافهمتي الدرس ممكن ترجعي للمحاضرة مرة ثانية لانها تكون مسجلة وتضل المحاضرة مسجلة لحد آخر السنة يعني ممكن ترجعيها في اي وقت
طبعا الدخول للسنترا لازم من قوقل كروم عشان تنفتح معاكي المحاضرة.......

بالنسبة للاختبارت الدورية عندنا اختبارين والدخول من صفحة الايمس وحتىلقي بعد الدخول اسماء المواد تضغطي على المادة وفي صفحة المادة في ايقونات للواجبات والاختبارات تضغطي على الاختبار مع مراعاة المدة الزمنية للاختبار وتاريخ انتهائها يعني لما تدخلي للاختبار في مدة محددة للاختبار حسب الدكتورة واذا انتهت المدة تتقفل الصفحة لوحدها
والاسئلة عبارة عن صح وخطـأ واختياري

والواجبات عندك 4 واجبات للترم كله لكل مادة 4 واجبات ويعطوكي مدة زمنية لارسال الواجب يومين او 4 او اسبوع حسب الدكتورة اهم شئ انك ترسلي الواجب قبل ماينتهي المدة
وفي منتديات يبغوا منك مشاركتين فقط حسب الموضوع اللي يبغونها والمشاركة مفتوحة لحد قبل الاختبارات النهائية
بالنسبة للعلامات 4 للمنتديات
16 للواجبات
10 للاختبارات
المجموع الكلي 30 والاختباراات النهائية من 70 وبكدا حتكون المجموع النهائي من 100
وضروري انك تحضري المحاضرة اذا غبتي بنسبة 25% اي 4 غيابات تحرمي من المادة اي ماراح يخلوكي تمتحني الاختبارات النهائية

اتمنى اني افدتك واي سؤال انا حاضرة

[yama]

نسيت اقولك ان بمجرد ماتخلصي من الاختبار راح تظهر العلامة على طول في نفس الوقت يعني التصحيح الكتروني

وممكن تتواصلي مع الدكتورة عن طريق البريد لانه في بريد خاص لكل دكتورة اذا عندك استفسار او تبغي حاجة ممكن ترسليها بريد وترد على سؤالك

وفي اثناء المحاضرة عندك صندوق المحادثة اذا مافهمتي نقطة ممكن تسأليها في وقت المحاضرة وطبعا كل دكتورة تسجل المحاضرة عشان نقدر نرجع لها في اي وقت وجدول المحاضرة حتنزل لك على الاوديس والوقت كمان وغالبا تبدأ من 4 عصر ومش كل يوم حسب المواد اللي عندك ووقت المحاضرة ويومها لكل مادة محاضرة وحدة في الاسبوع

[تايهه دلوني]

المشاركة الأصلية كتبت بواسطة yama نسيت اقولك ان بمجرد ماتخلصي من الاختبار راح تظهر العلامة على طول في نفس الوقت يعني التصحيح الكتروني وممكن تتواصلي مع الدكتورة عن طريق البريد لانه في بريد خاص لكل دكتورة اذا عندك استفسار او تبغي حاجة ممكن ترسليها بريد وترد على سؤالك وفي اثناء المحاضرة عندك صندوق المحادثة اذا مافهمتي نقطة ممكن تسأليها في وقت المحاضرة وطبعا كل دكتورة تسجل المحاضرة عشان نقدر نرجع لها في اي وقت وجدول المحاضرة حتنزل لك على الاوديس والوقت كمان وغالبا تبدأ من 4 عصر ومش كل يوم حسب المواد اللي عندك ووقت المحاضرة ويومها لكل مادة محاضرة وحدة في الاسبوع

يسلمووووو من جد ماقصرتي كفيتي ووفيتي والله يعطيكي العافيه

بس عندي سؤال لمن اختبر النصفي لازم اشغل الكام حق الاب توب ولا

لانو يمكن بيصير في غش يعني يمكن وحدة تكون فاتحة الكاتب وبتحل ؟! وكمان وقت الماحاضرة نشغل الكام؟

مع تمنياتي للجميع بالتوفيق والنجاح