البلاك بورد (black board ) بالتفصيل

[Teem__xx]

السلام عليكم ورحمة الله وبركاته


قبل مابدا باي شيء للطالبات اللي حابين يعرفوا عن نظام البلاك بورد في السنه التحضيريه يقدر يحضر تعريف عنها بالجامعه


إعلان لورشة عمل للطالبات للتعرف على Blackboard:

تعتزم عمادة التعلم الالكتروني والتعليم عن بعد بالتعاون مع عمادة شؤون الطلاب بشطر الطالبات
عن إقامة ورشة عمل للطالبات للتعرف على أساسيات النظام الالكتروني لإدارة التعليم Blackboard
وستعقد في معمل العمادة مبنى 66 الدور الثالث
وستكون في يوم الأربعاء 8 / 5 /1437هـ
ويوم الأحد 12 / 5 /1437هـ
للتسجيل الرجاء تعبئة البيانات على الرابط التالي:
https://docs.google.com/forms/ d/127EJmJaO1dZ-iUoFlEfDRUE0mvh xVL9s_HRgYnwSQ1w/edit?uiv=1
*علماً بأن الأماكن محدودة *

_____________________________________________



طيب لنفترض اللي ماتسنى له يروح او ماقدر يفهم ايش يسوي حاولت انا هنا احط كل شيء قالته الاستاذه بورشة العمل اللي بيخص الانتساب فقط طبعا هي قالت اشياء برضو تخص تعليم عن بعد للي فكرة تحول مثلا او طالبات عن بعد اللي كانوا متواجدات عن الواجبات والاختبارات ... الخ طبعا هنا راح اركز بس ع الجانب اللي يهم طلاب وطالبات الاانتساب بدانا

اول شيء ايش هو نظام البلاك بورد ( black board ) باختصار هو موقع او برنامج بندخل فيه عشان نشوف المحاظرات اللي يتم شرحها لنا من قبل الاساتذه طبعا بما اننا انتساب مراح نتحاسب على اي شيء الا ع الاختبار النهائي يعني باي وقت فاضي احضرها .

طيب كيف حندخل للنظام

اول شيء
تفتح موقع الجامعه > بعدين الخدمات الإلكترونية > بعده النظام الإلكتروني لإدارة التعليم (black board )

او بدل هالحوسه كلها من الرابط دا واحفظه بمفضلة المتصفح عندك

https://lms.kau.edu.sa

المهم اول ماتفتح حيطلع لك كدا



طبعا الخانه 1
حتحط فيها رقمك الجامعي

والخانه 2
حتحط فيها الباسورد او كلمة المرور

ملاحظة :
كلمة المرور عادة اللي ترسل من الجامعه على الايميل بتكون عباره عن A كبيرة a صغيرة متبوعه برقم الهوية محذوف منه الرقم الاول مثلا
لو كانت رقم الهوية : 123456789 حيكون كلمة المرور Aa23456789
اوك طبعا دا الكلام مالم يتيم تغير كلمة المرور من نفس الطالب

بعده حتطلع لك الصفحه وتختار من فوق المقررات الدراسية بعد ماحتختارها حتوديك على هالصفحه :



ملاحظة :

تاكد انه جدولك اللي نزلك بلادوس هي نفسها المواد اللي نزلت لك بالنظام طبعا مثل ماوضحت بالصورة اللي بالخط العريض اسم الماده تحته راح يكون اسم الاستاذ/ة اللي حتشرح هالمادة

بعد ذلك تشوف جدولك بلادوس وتعرف موعد مادتك وتحضرها اون لاين مع الاستاذة بوقت ماتنزل المهم نجي نشوف وين راح نطلع المحاظرة اول شيء اضغط ع المادة اللي تبيها



وبعد ماتفتح اضغط ع الفصول الافتراضيه كما هو موضح اعلاه طبعا المحاضرات ماتنزل او مايطلع لك انه عندك محاضره الا بالكثير قبل المحاضره بربع ساعه يعني مثلا محاضرتك الساعه اربع تخش الساعه 3 وماتلقى الوضع عادي ترى لاتنصدم

ملاحظه :
لما يكون المحاضره تبع الانجليزي راح تنقلب الصفحه الجهه الثانيه برضو لاتنصدموا فيها كمان اوك

وبس انا للحين مانزلت لي محاضرات ان نزلت راح اكمل واوضح كيف بنفتحها والبرامج اللي لازم احملها هو تلقائي بتطلع لكم او اذا حابين تحملونه قبل مايخالف

وهم java ودا رابطه:
آخر إصدار من الجافا
www.java.com

وكمان Blackboard Collaborate Launcher روابط تحميله :
لنظام الويندوز :
https://na-downloads.elluminate.com/...borateLauncher
لنظام الماك :
https://na-downloads.elluminate.com/...borateLauncher


ودحين نجي اذا حابين نشغل المحاظرات سوا باجهزة الاندرويد او ابل

تدخلوا ع المتجر محل تحملوا فيه برامج باجهزتكم اللوحيه كل واحد وش جهازه

المهم تحطوا دا الاسم بالبحث Blackboard.

وتختاروا اللي صورته كدا :



وبعدين بعد مايتثبت

تكتبوا اسم الجامعه بلانجليزي

king abdulaziz university وتختاروا اول رابط كما موضح بالصوره :


ويفتح لكم زي الموقع تبع بوابة الجامعة


ونجي لثاني برنامج اللي نشوف منه المحاضرات
برضو تكتبوا بالبحث :

Blackboard collaborate mobile
ودا صورته


وبعد مايتثبت يطلع لكم صفحه عبوها كدا



حطوا هذا الرابط بالخانه 1

https://lms.kau.edu.sa/webapps/portal/frameset.jps

وبعده حطوا اساميكم بالخانه 2


ملاحظة :
الدخول الى النظام البلاك بورد بالجوال او الاجهزه اللوحيه يسمحلكم تشوفوا المحاضرات المجدوله فقط يعني اللي يتم شرحها حاليا ام المسجله لا وتقدروا تسفسروا وتعلقوا عن طريقهم


اما الدخول على النظام عن طريق اللاب او لاجهزه المكتبيه وافضل شيء طبعا يسمحلكم تشوفوا المحاضرات مجدوله ومسجله تتواصلوا مع الاستاذ/ة وتقدروا تشوفوا اسماء اللي معاكم بالمحاضره وتتواصلوا معاهم وخواص كثيره كمان

وكمان رسائل المقرر تشبه البريد تقدر من خلالها ترسل لمعلمة الماده و الطالبات يلي بياخدو معاك نفس الماده وتستقبلي منهم رسائل ورسائل الاعلام حتكون مخصصه لمعلة الماده عشان ترسل لطالبات يلي بياخدو معاها

كثيير يقول المحاضرات تنحذف قبل الاختبارات ومدري ايش المهم المحاضرات باقيه اللين تخلص اختباراتكم بس التسجيلات يلي طهرت مثلاً في فبراير لما تخلص هذا الشهر حتختفي من عندك هذا نظام بالبرنامج كدا هي حقيقه موجوده لكن تحتاج انه تعدلو التاريخ لشهر فبراير عشان تطهر لكم تسجيلات هذا الشهر و مثل ماقلت هي ماحتنحذف الا بعد صدور نتائج الاختبارات .


وبس هذا كل شيء لدحين والطالبات اللي يقدروا يروحوا الاحد روحوا راح تستفيدوا حيكون من 10 صباحا الى قريب 12 مساء كدا وطبعا الافضل احضروا قبل لان المقاعد محدوده

ودمتم سالمين

[Zaina abdullah]

شكرررررا مرررره استفدت يعطيك العافيه

[ايان محمد]

وعليكم السلام ورحمة الله وبركاته
يعطيك العافية على الموضوع مرة فادتنا 💙💙✌😻
الله يوفقك يا رب 🌸

[بنت ناس وقلبي ألماس]

وعليكم السلام ورحمة الله وبركاته

الله يجزاك كل خير ويسلم يدينك

معلومات مفيدة وموضوع مرتب ما شاء الله