المعهد البريطاني...؟؟

[مني يغار الورد]

السلام عليكم ورحمة الله
لو سمحتو ابغا اسألكم عن المعهد البريطاني ايش تعرفو عنه يعني ابغا مدة الدورة الاسعار حلو ولا يمشي الحال من حيث الفائدة والمدرسين والموقع حقه أوتنصحوني بمعهد احسن منه
ياليييت اللي عنده خبرة عنه يفيدنا
ولكم جزيييل الشكر

[بنت ملوك وكلي كيوت]

وعليكم السلام ورحمه الله وبركاته


بصراحه أنا أعرف معهد حلو بالأخص ما أقول معهد
أكيد تعرفي جامعه إكسفورد اللي بإنجلترا
المهم لها فرع هنا ف جده ولعيونك بحثت ف غوغل
ونسختلك الكلام والرابط معاه عشان تستفيدي إنتي وغيرك
بس رجاء خاص إدعيلي إن ربي يوفقني ويوفق الجميع
وكل من يدخل ويقرى الموضوع بجد محتاجه دعواتكم


أكاديمية أكسفورد للغه الانجليزية بجده

تقدم دورات اللغه الانجليزية للحصول على مستوى التوفل

* مبادئ الأكاديمية :

نظام التعليم بالأكاديمية هو نظام متقن
معلمون ومعلمات بريطانيون
فصل مكون من 16 طالب أو طالبة كحد أقصى
تدريس مناهج جامعة أكسفورد العالمية

* أهداف الدورة :

مهارات المحادثة والقراءة والسمع
تطوير المعرفة بقواعد اللغه الانجليزية
زيادة المعرفة بمفردات اللغه الانجليزية

* البرنامج العام لدورة اللغه الانجليزية :

بما فيه من تفاصيل المستويات ومدتها

موجوده داخل هذا الرابط

http://file5.9q9q.net/Download/59838...-----.doc.html

* رسوم الدورة :

الكورس الواحد لمدة شهر : 1800 ريال

المستوى الواحد كاملاً لمدة شهرين : 3400 ريال

الأيام : السبت حتى الثلاثاء

الساعات : 3 ساعات يومياً

* مقر الأكاديمية للطلاب :

شارع الأمير سلطان - مكتبة العبيكان - الدور الأول .

* مقر الأكاديمية للطالبات :

شارع الأمير سلطان - آيس لاند - الدور الثالث .

لمزيد من الاستفسارات

هاتف الطلاب : 6927225

هاتف الطالبات : 6627066

__________________________

وربي يوفق الجميع



مــــــــــــــــــــنـــــــــــــــــــــقــــــ ــــــــــــــــــــــول

[خالد الشمراني]

انا لي شهر فقط في معهد سراي ( lsi ) والله صرت اعبر عن اي شي بالانجليزي وانا توني في البدايه

الطلاب فقط في كلاس مايتعدو 8 اشخاص

معروف هذا المعهد انه من افضل المعاهد بجده ولكن مشكلتهم انهم غاليين بالاسعار

[άŇ3m 3яbjeά]

اهلين خيتو
انا اخدت في المجلس البريطاني
مو في المعهد
لأن يقولو المعهد مو قد كذاا
بس المجلس البريطاني
الصرآحهـ روعــهـ استفدت منو كثير مع اني اخدت كورس واحد بس
وان شاء الله ناويهـ اكمل بس في الاجازات

سعر الكورس الواحد 2100 ريال
و50 ريال رسومـ اختبار القبول
والكورس 5اسابيع
3ايامـ في الاسبوع

واي استفسار حبيبتي انا حاضرهـ
ربي يوفقكـ

[روووني]

بيرلتز مرره يمدحوه وبنت خالتي كانت فيه كمان وتقول مررره حلو

[pharm.d .s]

طيب الدبلومات كيف
؟؟؟؟
ابغى حاجة كويسة
ومو مهم السعر
بس الدوام مهم ياليت الي يعرف يقولي

[E7sasBanota ~]

عن تجربة بيرليتز مرة كويس درست فيه



:)

[Soso Rowdy]

الله يوففك ان شاء الله ويسر لك معهد كويس

[[:مريــم:]]

أنا أخذت في british councl كورس واحد

صراحة كويس ويعطيك ثقه انك تتكلمي Fluently لأنهم يعتمدوا التعليم بالأنشطة واللعب وزي كذا والمدرسات british وحلوين صراحه ههههه

وهذا رقمهم 6670186 في الفرع القديم يمكن تغير رقمهم الله أعلم

كان في الحمراء لما أخذت الدورة في الاجازة بس بعد كذا ع طول حولوا للفارسي سنتر في طريق الملك عبدالله

وفي معهد اسمه future في الحمرا خاص بال speaking

ان شاء الله ربي يوفقكِ والجميع كمان

[الإمبراطورة]

أكيد الــ British Council
هو الأفضل.. :)

http://www.britishcouncil.org/ar/me-...es-details.htm





مُوفقــــــــــــــة
مني يغآر الورد ..