مانزلتلي المادة الحرة اللن دحين ...ايش اسوي ؟؟؟؟؟؟

[pinko1991]

السلام عليكم ورحمة الله وبركاته

انا يوم السبت رحت اضيف مادة السيرة النبوية واللين دحين مانزلتي المادة في الاوديس

ايش اسوي اروح الجامعة اليوم اشوف ايش صاير ولا عايدي استنى كمان ..لانوا اخاف تتعبى الشعبه وتروح عليا المادة ..في احد صايرلو زيي ولا بس انا ؟؟

ارجوا الرد باسرع وقت وشكرا مقدما

[فانتوكا جيرل]

عزيزتي انا كمان مانزلتلي الماده الي بضيفها
بس سمعت ان حيضفوها بعد يومين والله اعلم

[حأقعد عالكاشير]

انا زيك طلبت اضافة سيره مع ناديه

ومن امس مسنتره من 8 في الجامعه وسويت كل شي ورحت

والحين قفلت الشعبه وانا ما دخلت مرررررررره شي يقهر

حسبي الله على اباليسهم :(

[احلاهم واتحداهم]

لا طبعن روحي عندهم
انا امس اضافولي المواد الي طلبتها ومنها الحره ونزلت
خليها قدامك تظيف الماده
اجلسي قولي لها قبل ماتقفل الشعب المواد الحره ومافي غيرها انزله
وينزلونها لك
وبالتوفيق

[ملكه بكبريائي]

والله انا للحين مثلك ما نزلوولي المواد الاساسيه

الله يعني بكره بروح اشوف اذا ما نزلت

الله يعيننا ع الكرف

[مشاعر]

المشاركة الأصلية كتبت بواسطة حأقعد عالكاشير انا زيك طلبت اضافة سيره مع ناديه ومن امس مسنتره من 8 في الجامعه وسويت كل شي ورحت والحين قفلت الشعبه وانا ما دخلت مرررررررره شي يقهر حسبي الله على اباليسهم :(

لا تنقهري ولا شيء في شعبة جديدة حيفتحوها سيرة نبوية مع أ.نادية تقريبا حتكون من 8-9

والله يوفقك

مشاعر

[خلود جده]

بنات الله يسعدكم ايش رمز ماده السيره النبويه

[زعيمة الورود]

والله انا للحين مثلك ما نزلوولي مادة حرة وانا رحت يوم السبت وقلت لمرشدتي تنزلها ودحين الشعبة مليانه ايش اسوي!!!!!!!!!!!!!!!

[pinko1991]

طلعت المادة قفلت الشعبة حقتها وحطيت بدالها مادة تانية الحمد لله إن شاء الله رح احطها الترم الجاي

[فانتوكا جيرل]

السيره النبويه hist221