مصيبه!!!! تعطل طريق الحرمين لأكثر من ساعتين والسبب؟؟؟؟؟

[سلمان السلمان]

شي ما يصدقه العقـل ؟؟ مصيـبه والله مصيبه
هذا الادمان اللي ملازم لغالبة الناس...
اليوم قبل الظهر وانا امشي بطريق الحرمين ( الطريق السريع ) متجه شمال جده , وبعد ما تعديت كوبري ولي العهد باتجاه كوبري فلسطين, تعطل السير؛ وصارت السيارات واقفه في سبع مسارات, ثلاث على نفس الخط والباقي برا الخط مع العلم بأن الطريق يكفي لثلاث ..
وكنت اشوف الطريق الجاي من المدينه باتجاه مكه فاضي!!! ما فيه ولا سياره ( عاد اقول انا بنفسي يا حظ اللي رايح لمكه الحين ) عاد بعد ما عرفت اش السالفه قلت الحمد لله اني مب رايح لمكه اليوم ,, المهم وبعد حوالي ساعه من الوقوف وانا اقول بنفسي ليش ؟ ليش؟؟ اكيد فيه حادث قوي الله يستر.. وانا امشي متر واقـف امشي متر واقـف حتى جت نقطة الانفراااااااااج وهنا ما ادري انا اضحك او اصيح من القهر الزحمه ذي كله بالطريق المتجه للمدينه عشان حادث بالطريق المتجه لمكه والناس موقفين يتفرجون ؟؟؟؟؟
عاد تصدقون الكلام ذا ؟؟ يعني لو كنت انت واحد غير سعودي ومب عايش بالسعوديه مثلا وقالك احد الكلام ذا تصدقه؟؟ والله ان تقول كذااااب بعينه ..
مع العلم بان المرور موجود والدفاع المدني والاسعاف المسكين انبح صوته عشان يوصل ومب قادر من وين ياصل يا حسره ...سبع مسارات بدل ثلاث؟؟
من جد شي يقهــــــــــر جالسين يتفرجون على حادث ومصايب ناس كأنهم حاسدينهم ؟؟

مع تحاتي ,,,

[ttotti20]

السلام عليكم ورحمه الله وبركاته....

يا أخي العزيز سلمان السلمان والله هذي مشكلتنا يالعرب نحب اللقافه علي غير ( سنع) أنت أفهمها عاد وكثير ما تصير مشاكل بسبب أن الناس تبغى تتفرج بس , مثلا تلقى الأسعاف يتأخر أويصير شي ثاني مثلا ....

ما نقول إلا الله يعين ....

وتقبل تحياتي...

ttotti20

[سلمان السلمان]

اخوي توتي شكرا على المشاركه الطيبه ...
بس ماتلاحض انها قويه انه يـنـقـفل طريق زي هذا عشان سبب زي ذاك؟؟؟

[ttotti20]

ياخي سلمان لو أنه أول مره يصير كذا كان قلنا شي غريب وما يصير .... بس أنا بسألك متى عمره صار حادث في أي شارع ولا لقيت العالم كلها مجتمعه بس حب اللقافه ......

لو رحت تدور حل لهذي المشكله فأنا ما أتوقع انك تلقا حل لهذي المشكله .....

مشكور أخي العزيز على الموضوع وتقبل فائق شكري وتقديري...

ttotti20

[ســـــــاخر]

السلام عليكم ورحمة الله وبركاته . . . وبعد

لا وازيدك من الشعر بيت

اليوم وتحديدا الساعة 11:18 د بالتمام كنت رايح بنفس اتجاهك والقى نفس الكلام بس ايش هالمرة الخطين

الطالع و النازل (الى الان شيء عادي بالنسبة لنا )الجديد هالمرة هذي طريق الخدمات اللي انا رحت معه عشان

اتفادى الزحمة لقيت ناس حاطة سياراتها على الجنب لمان امتلى الشارع و واقفة قدام الشبك تتفرج

اللي قهرن انه معظم اللي واقفين من الشباب مابين 25-40 يعني لو جو شباب اقل من 17 وش بسوون؟

[algeed]

طيب لو كان فيه حالة طارئه

بغض النظر عن الحادث

اي حاله طارئه ثانيه شلون تقدر تستفيد من الطريق مع الزحمه ذي


مااقول يالله العفو

[السنيور ميدوو]

السلام عليكم ورحمة الله وبركاته

القيادة ....فن ... وذوق .... وأخلاق ....
سوق بذوق و لا لا تسوق..

...للاسف مجتمعنا (خاصة الغربية) عندنا مشاكل مع السيارة .. عارف ما تسوق السيارة الا لما تخلص الثانوي
يعني بعد ما تاخد السيارة الجديدة .... وخاصة الكامري (ثبت علميا ان الكامري تسبب 99%) من الحوادث في المملكة...
يعني بالله خط سريع ... ايش اللي يسبب فيه حادث ؟؟ يعني لما تقطع اشارة و لا عند تقاطع لكن خط سريع؟؟!!!
المشكلة الخط كلو امن طرق ... والناس ياعيني حافظه الاماكن حقتهم يعني تعدي واحد و عارف التاني فين
... انا اعتقد ان اغلب مشاكل هذا الخط تجي من التجاوز بعد الخط الأصفر ..
طيب ليش تتجاوز من الخط الاصفر... متأخر ؟؟!!! يعني قيمة الوقت ما تنعرف الا لما تركب السيارة
...والتجمهر عن الحوادث صارت من عاداتنا و تقاليدنا الاصيلة زي التمر و القهوة ...
يقلك ايش (عظه و عبرة) ..لو سألته متى اخر مرة رحت القبور يقلك (اهووووو من زمااااان)
.. الله المستعان
على العموم اتمنى من الاخوان القراء مايكون مرورهم على الموضوع مرور الكرام ... يعني لو بدينا بنفسنا يمكن بعد مليون سنة تختفي هذه العادة ..لان في ذاك الوقت ماحتلاقي احد موقف عن حادث....!!!
.
.
.
..... حيكون الكل مسوي حادث ....


وسلامتكم

[سلمان السلمان]

اخواني توتي, الجيد, والسنيورميدو,, شكرا للمشاركه الطيبه والتفاعل الممتاز
اخوي توتي هل من المعقول اننا لو دورنا حل للمشكله ماراح نلاقي حل؟؟؟؟؟ ياخي اكيد فيه الف حل وحل بس ايش الممكن يعمل لحلها؟؟؟؟
اكيد فيه احد عنده حلول مو حل واحد إن شاء الله نشوفه..
وشكرا,,,,

دربك خضر

[سلمان السلمان]

الاخ ساخر:
والله كلامك سليم وشكرا للمشاركه...
الاخ ناقد :
شكرا لمرورك العطر واتمنى اشوف مواضيعك الجميله قريبا ...... اهلا بعودتك