يا أيها الذين كتب الله لهم القبول في الطب .. هلموا

[dr-wolf]

المشاركة الأصلية كتبت بواسطة Dr.smile شكرا Dr.wolfانا الحمدلله انقبلت ف الطب

ألف ألف مبروك
dr.smile
الله يوفقك و ان شاء الله نشوفك دكتور لك مركز كبير في المجتمع

[dr-wolf]

د.فهد جراد
تروق لي همتك للدراسة
لكن احذر الاحباط فانك ستجد طلابا محبطين و ابحث لنفسك اصدقاء متفوقين و استفد منهم وخذ منهم طرق المذاكرة و لو زاملت طالب له تجربة من قبل في احدى الجامعات فخذ الخبرة منهم قد تجد لديهم اساليب جيدة للمذاكرة .
كذلك لا تخف مما ستواجهه في الجامعة لأنك ستجد طرق جديدة في الشرح لم تمر عليك من قبل
ذاكر اول باول و ابحث عن ملخصات تفيدك في الدراسة و تعلم مهارات كيفية مذاكرة الكتب.
في الاختبارات ذاكر قبل الاختبار بمدة لا تقل عن ثلاثة أيام (عشان يجي يوم الاختبار و انت مروق و مرتاح البال)
في الجامعة المذاكرة ليلة الاختبار فائدتها قليلة الأفضل ان تجعل ليلة الاختبار للمراجعة
خذ القدر الكافي من النوم قبل الاختبار حتى لا تجهد مخك لأن المخ كالعضلات اذا اجهدتها تصاب بالخمول و الكسل
هذه خلاصة خبرات طلاب سبق لهم الدراسة في الجامعة
أخوك: dr-wolf

[dr-wolf]

المشاركة الأصلية كتبت بواسطة عسوولهـ السلام عليكم اولا: د.فهد اتمنى من الله ان يرزقك بدخوول كلية الطب ولي ايضااا.... دكاترة المستقبل حبيت اسأل هل صحيح ان اختبار تحديد مستوى اللغه الانجليزيه لازم اخد لفل 2 عشان اقدر ادخل طب ام مجرد اشاعااات... لانني ف الحقيقه حلم حيااتي دخول كلية الطب ومستوايا ف الانجليزي جيد نوعا ماا فلو انها مجرد اشااعات اعتقد ان لفل 1 حيكون اسهل لي... شكراا..

الأخت عسوله اذا كان مستواك جيد في الانجليزي انصحك لا تدخلي ليفيل ون حاولي تدخلي ليفيل اعلى لان الاختبارات موحدة ماهي من الكتاب لكن مستوى الاسئلة متفاوت يعني من كل اللفيلات تقريبا
أخوك dr-wolf

[dr-wolf]

المشاركة الأصلية كتبت بواسطة د.فهد جراد يا dr.wolf الثانوية بسيطة جدا وما نخاف القبول في الجامعة خاصة بعد ما صار القبول لكل الطلاب من 100% إلى 70% والقدرات والتحصيلي لها المستوى الأدنى للقبول .. يعني بالعربي القبول بإذن الله ضامنين .. بس يا رب تمر السنة التحضيرية ونجتازها بمعدل 5 من 5 وننقبل في الطب الله يجزاكم خير ويعطيكم العافية ويبارك فيكم جميعا تحياتي د.فهد جراد

د.فهد ايش عليك لما تجيب 100% لانه في البداية يحطوك في قروب مستواهم مثل مستواك
انا كان موعدي اول ايام القبول للدفعة 10 واكثرالطلاب اللي في قروبي شفتهم يوم التقديم
على فكرة القياس و التحصيلي ممكن تدخلك اول يوم يعني لازم تجيبها في الثمانينات اقل شي

[عسوولهـ]

شكراا

Dr.wolf

بس انا قرات ف موضوع تاني انو الي يبغاا يدخل طب بشري لازم ياخد من لفل 2 واعلى

صح دا الكلااام ولا اشاعات؟؟؟
اتمنى تكون فهمتي..!!

[dr-wolf]

المشاركة الأصلية كتبت بواسطة عسوولهـ شكراا dr.wolf بس انا قرات ف موضوع تاني انو الي يبغاا يدخل طب بشري لازم ياخد من لفل 2 واعلى صح دا الكلااام ولا اشاعات؟؟؟ اتمنى تكون فهمتي..!!

هذا اللي سمعته قالوا
كل ترم بيدرسوا فيه مستويين في اللغة الانجليزية
لكن عدد المستويات خمسة يعني اللي يخش المستوى الاول يدرس كمان في الصيف عشان يكملها
خمسة مستويات انتي حاولي تدخلي مستوى اعلى
السنة الماضية سمعت انه ما راح يخش احد الطب الا اذا درس على الاقل المستوى الرابع
و الاشاعات كثيرة انتي ما عليك الا انك تجتهدي في اختبار تحديد المستوى

[Ma7a]

أولا السلام عليكم,,
تانياً أنا عارفة اني داخلة غلط هنا لأني مو من طالبات كلية الطب ,,
بس حبيت أفيدك عن السنة التحضيرية ,,

السنة التحضيرية سهلة ماحقول سهلة جداً لأنها يبالها شدة حييييل ,,
وزي ماقالو المواد لمن تاخدها بالانجليزي أسهل من العربي ,, أكيد ماحتعرف الشي دا الا لمن تجرب الدراسة بالانجليزي,,هوا اللي عليك انك تحفظ بعض المصطلحات بس وحتحفظها أصلا تلقائي لمن تحضر المحاضرات وتتكرر وتسمعها كتير << مررة شغلة سهلة ,,

هوا أحلى شي الحماس اللي فيك,, أهم شي انك تكون حاطط هدف وااضح قدامك وأمشي على أساسو وان شاء الله توصل للي تبغاه ,,

وعن مادة الانجليزي ,, بصراحة كانت مادة سهلة جداااااا أكتر من مهارات الاتصال <بالنسبالي
كنت اروح الاختبار بدون مزاكرة وما انقص الا درجتين او تلاتة بالكتييييير,,مو شطارة مني
بس لأنها مادة تعتمد على مخزون الانجليزي اللي عندك من الثانوي,, وكلها أشياء بسيطة,,بس قبل الاختبار راجع ال Grammar لانو اهم شي,,وركز في المحاضرة كوويس وان شاء الله تعديها ب A

أهم شي في السنة التحضيرية واهم من المزاكرة انو تررررركزززززززز في المحااضرة ,, لأنها الأساس ,,, وبرضو المزاكرة أول بأول,,,
وحط في بالك انو لاتيأس ازا لا سمح الله ماجبت في اول اختبار كوويس,,في كتيير ضاعوو بسبب الشي داا ,, انهم اتحطمو من البداية ,,بالعكس شد حيلك في اللي بعدها والله مايضيع تعب أحد ,,,

واخر شي ان شاااء الله تدخل الطب ومن اوسع ابوابوو ,, لو انك بنت كنت حقول الله يعينك وفحطيي وزاكريييي وومووتي كمان ,,
لانو البنات ليهم فرصة وحدة بس لدخول الطب وهيا كلية الطب اللي في المقر الرئيسي للجامعة-السلمانية,,
أما الاولاد عندهم بدل الفرصة تلاتة ,, كلية الطب في السليمانية وفرع شمال جدة ورابغ,,

يعني ازا لا سمح الله ماحالفك الحظ في الاولى عندك التانية والتالتة,,,
بس برضو ارجع اقوول شدة الحيييييييييييل في السنة دي ,,لانو مو كل شي يجي بسهولة ,,,
وكمان الواجبات مهمة لاتهملها لانو الاختبارات تعتمد عليهاا ,,,

وبس كدااا,, وااسفة عارفة اني طوولت ,, بس حبيت اقوول كل اللي عندي

بالتووفيق ,,,,,,,,,,,,,,,,

[د.فهد جراد]

الله يعطيكم العافية جميعا .. مراد الجنيد وdr-wolf وعسولة وdr.smile وma7a وجميع القراء

خلاص .. استعدت ثقتي بنفسي بعدما أصابتني نوبة إحباط من الدرجة الثالثة حين سمعت كلام (الفاشلين) .. والله كلامهم ما ينهض بأمتنا بل يحطمها .. أنتم مشاعل لي .. دمتم بوافر الصحة والتوفيق

تحياتي
د.فهد جراد

[د.فهد جراد]

أنا مقتنع الآن كامل الإقتناع أن كلام الفاشلين هو اللي أصابني بالإحباط

أذكر مثال بسيط من مجتمعي الثانوي / أيام الإختبارات النهائية .. يوم السبت رياضيات تشوف أنواع الأمراض العصبية والنفسية للطلاب .. كلهم يقولوا صعب ومستحيل تجيب فوق العشرين واهم شي ننجح وماني عارف ايش ...
ويوم الانجليزي هذا يوم الإحباط العالمي .. تشوف أنواع الإغمائات المميتة .. أنواع السهر المزمن والرعشة الحادة والمغص الهزاز وماني عارف ايش .. أنا أتكلم الحين عن الطلاب المحبطين بأنفسهم المحبطين لغيرهم .. والله ما عمري حسيت بهالشعور اللي حسوا فيه .. وأخرج من الإختبار وأنا ضامن 30 بإذن الله تعالى .. أسالهم عن الإختبار .. يقولوا لا تسألنا والله جبنا العيد .. ومن جد يجي لهم في الشهادة 12 او 14 او 16 من 30 .. مو نقص في قدراتهم العقلية .. لكن نقص في الثقة بالنفس والجدية والإنتاجية .. (أخاف أكون مثلهم في السنة التحضيرية هع هع) .. لا الحمد لله .. والله متفائل جدا بالمستقبل القادم بعون الله وحده وتوفيقه لي وإمداده لي بالمعونة والتيسير .. والله مالنا حول ولا قوة ولا شيء إلا به سبحانه .. توكلنا عليه وهو حسبنا وكافينا

أشكر لكم تفاعلكم المثمر الصادق

تحياتي
د.فهد جراد

[dr-wolf]

ما شاء الله على الكلام الرزين يا ريت كل اللي دخلوا السنة التحضيرية يفكروا بتفكيرك
حقيقة عقلك كبير يا ريت تستثمرة في شي ينفعك
على فكرة ذكرتني بأيام اختبارات الوزارة حقيقة كنت اسميها أيام الجنون كنت اللي ما احله في الاختبار احله في البيت