الدورات الصيفية لطلاب وطالبات الطب

[بنت الضحى]

بسم الله الرحمن الرحيم
السلام عليكم ورحمة الله و بركاته

أبغى أسألكم بالنسبة للدورات اللي ح يسووها لطلاب وطالبات الطب
متى ح تكون؟؟
ومتى و كيف نسجل؟؟
وكم دورة أصلا ؟؟ أنا أكتشفت 2 وحدة حق مصطلحات و الثانية مدري حق ايش بس أظن إنها عن طبيعة الدراسة في الكلية و يسووها الطلاب نفسهم

المهم يا ليت اللي عندهم أي معلومة يحطوها
وشكرا مقدما

[عبدالسلام الغامدي]

up up

[بنت الضحى]

up up

[No_0ne]

محد يقدر يفيدك الين ما تطلع نتايج التسكين ...

[محمد عماد]

متى ح تكون؟؟

الله اعلم

ومتى و كيف نسجل؟؟

حتوصل لك رسالة بعد ما تطلع نتائج التسكين فيها كل التفاصيل

وكم دورة أصلا ؟؟ أنا أكتشفت 2 وحدة حق مصطلحات و الثانية مدري حق ايش بس أظن إنها عن طبيعة الدراسة في الكلية و يسووها الطلاب نفسهم

الدورة الي تقدمها الجامعة عن المصطلحات الطبية مدتها اسبوعين وهي دورة مجانية تقريبا 3 ساعات يوميا
يكون فيها مصطلحات طبية بسيطة ... والدورة فيها شهادة

اما الدورة الي يقدمها طلاب الطب الدفعة السابقة مدتها اسبوع واحد قيمتها 150 ريال .. كانت من 8 صباحا الى 4 عصرا
كان اسمها العام الماضي teach me medicine ... ممكن يختلف اسمها هذا العام
يكون فيها ملخص عن المواد الي حندرسها في الطب وتجاربهم مع الطب ... والدورة فيها شهادة


الدورتين يقدر يحضرها اي طالب .. حتى لو ما كان يبغا طب

[The last word]

ألف شكر دكتور محمد ..

[بنت الضحى]

شكرا د. محمد على المعلومات

[هدوء الاحساس]

ثانكس دكتور ريال سعودي

الله يوفقنا

تحياتي

[M!Šs JỏJỏ]

مشكور اخويا ع المعلومات
جزاك الله خير

[مَـزٍآج ..}..]

حلوه الدورهـ . . على الاقل الواحد يدخل وهوا مفتح عيونو على اشيآء ..

خصوصآ للي ما راح يسآفر يعني ما عندو شئ

بس بصراحه الدوره الي تقدمها الجامعه ظالمين الكليآت الصحيه التانييه مركزيين على البشري بس