خبر حلوو لدفعة 2008

[NoNa al7ellwa]

السلام عليكم
كيفكم يا بنات ؟؟
اليوم انا و صحباتي كان عندنا بريك فحبينا نسأل عن المواد الي درسناها في الخطة القديمة ايش راح يسير في عدد ساعاتها ؟؟
في مادتين زايدة عن الخطة الجديدة الي هيا
math100 ( جبر و حساب مثلثات )
phys100 ( العلوم الطبيعية ) << الي كنا ندرسها فيزياء و كيمياء سوا

بالنسبة للماث كلنا عارفين انو اتعادل مع الاحصاء
( math100 = stat110 )

بالنسبة للفيزياء حتتعادل لبنات الاحياء الي ما درسو كيمياء الاول بالكيمياء
( phys100 = chem110 )
يعني الي ما نجحت في الكيمياء لا تشيل هموو

اما لطالبات الكيمياء الحيوي تتعادل يا بمادة حرة يا اختياري
( phys100 = حرة او اختيارية )

و على آخر نقطة احنى بكرا ان شاء الله حنتأكد ثاني و نسأل دكتورة مديحة لانها المسؤولة عن دا الشيء اخاف وقت التخرج تجي تقول ما تتخرجي الين ما تخلصي كل الاختياري
فبكرا اسألها الفيزياء حتتعادل بحرة ولا اختياري ؟؟ ولا كلو سوا زي ما قالو الشؤوون ؟؟

و دمتم بمحبــة ..

[كتكوته؟؟؟]

يعطييييييييك الف عافيه يااحلوه على الخبر الحلو
تحياااااااااااااااتي

[NoNa al7ellwa]

الله يعافيكي حبيبتي

[شواطئ البحر]

الفيزياء تتعادل بمادة حرة فقط وليس اختيار

صحبتي كانت في كلية الصحية درست سنة وحولت علوم قالولها حنعادلك المواد حرة ( وهذا شي أكيد) ونعادلك بعض مواد الاختياري طلعلها 3 مواد بست ساعات (عندنا الاختياري بساعتين)

في أخرى ترم لما سوت استمارة التخرج وارسلته للعمادة القبول قالوله باقيلك 6 ساعات ما أكتسبة

تخيلو درست ترم كامل ع 6 ساعات

انتبهو من ذشي

[شواطئ البحر]

وأفضل دخذوا مادة حره عشان ترفع المعدل
لانو اي مادة تتعادل يعادلولك عدد الساعات المكتسبة
النقاط ما يحسبوه في المعدل

[NoNa al7ellwa]

يا فرحة ما تمت
شكرا حبيبتي على المعلومات منجد انا ناوية اتخرج بمعدل كويس
على كذا حاخذ اختياري و اذا حسيت المعدل مو مره في اخر ترم حازود حرة

[مياسة العود]

أختي شواطئ بحر

حابه استفسر زميلتك لما ارسلت طلب التخرج كان كم عدد ساعتها

122 أو غطت الساعات كامله 128

لان اذا كانت 122 طبيعي محى يخلوها تتخرج حتى لو غطت كل المواد

سواء اختياري او حر لأن ماعندهم تفاهم128لازم تتغطي بحره أو اختياري ماتتخرجي بأقل

[أبو رآكآن]

كيف يعني .. الخبر هذا يقتصر على البنات فقط وإلا شامل لنا بعد !
إذا كذا فأسأل الله العظيم أن يأخذ لنا حقنا.. زادت علي الساعات كذا وبتأخر ترم عشان الخطة الجديدة
رحت له وقال لي تمشي على الخطة الجديدة وبالنسبة لمواد السنة العامة ما تتعادل لك وأخذت الأحصاء وأخذت الكيمياء وعديتهم الحمد لله يعني مدري أقدر أخليهم يعادلونها لي كمواد حره وأروح أخاطبهم بهالموضوع وإلا أرضى بما قسم الله لي وأكمل على الخطة !

ننتظر الفرج من الله

[مياسة العود]

اخوي روح اجري وراهم

كل ترم لا تسيبوهم

وأسألهم كل شويه ايش باقيلك عدد ساعات

واسألهم عن الحره والاختياري اذا تتعادل ولا لا

اساسا ماينفع معاهم غير الزن

إسألني انا حولت من كلية التربية ليا سنتين والى الان اجري وراهم عشان المعادله

[شواطئ البحر]

المشاركة الأصلية كتبت بواسطة مياسة العود أختي شواطئ بحر حابه استفسر زميلتك لما ارسلت طلب التخرج كان كم عدد ساعتها 122 أو غطت الساعات كامله 128 لان اذا كانت 122 طبيعي محى يخلوها تتخرج حتى لو غطت كل المواد سواء اختياري او حر لأن ماعندهم تفاهم128لازم تتغطي بحره أو اختياري ماتتخرجي بأقل

أكثر من 130 ساعة
عادلوها بس مواد حرة والمواد الثانية درسته ع فاااااااااااااااااااضي